Provérbios 14:27 - Kaxinawá Bíblia (BR)

²⁷ Senhor Deus duawakĩ mĩ benimawairã, habia mĩ hiwea kayabiki, mawa kayabi mĩ ma binushinawẽ ana dateamarã.

Provérbios 14:27 Referencias Cruzadas

Provérbios 10:27

Senhor Deuski datekĩ duawakubainaibu hatũ hiwea txaipa hayayushãkanikiki. Hakia huni txakabubu hatishuĩra hiweama ishãkanikiki.

Provérbios 13:14

Unanepã yusĩti hãtxa nĩkairã, hawẽ hiwea hayashanikiki, ha mawawẽ datemis piskuirã.

Provérbios 14:26

Tsuãra Senhor Deus ikũwãkĩ duawai hawa dateama hiwekubaĩmisbuki. Haska hawẽ ibu hiwea uĩkubaini hawẽ bakebu hawa datetirubumariki.

Provérbios 14:28

Shanẽ ibu kushipakĩ yura itxapa yunukubainaya kẽwãkubaĩmisbuki. Hakia yura eskarabes yunukubaini hatũ shanẽ ibu babui ana kushipamakẽ ana hawa nĩkatirubumaki.

Provérbios 19:23

Senhor Deuswẽ datekĩ hawẽ hãtxa nĩkakubaĩkĩ tsuãra hawẽ hiwea bai txibã pewai unanuma hiwekubaĩshãkanikiki, hawara txakabu ibiaya hawa dateamarã.

Provérbios 22:5

Huni txakabubu hiwekubaini mapukinã, hawẽ hatu itxakawakĩ beparanaibu itxapa uĩkubaĩmisbuki. Hakia tsuãra ibubis hawẽ hiwea pe mekekubaĩkinã, hawara txakabu tibi dũkebaĩmisbuki.

Isaías 33:6

Bari tibi hawenabu hawa putama hatu mestẽwãkubaĩmiski. Hawẽ unanepati inũ hawẽ txakabu inũ pepa unãtirã, harã, keyuisma pepahaira hiweatũ nuku piskumatiruki. Deusũ matu hawẽ datemairã, hawẽrua pepa meseki.

Apocalipse 21:6

ana ea yuikĩ: “Dasibi haskashanai ẽ yuinirã, ma ẽ akĩ keyuaki. Ea dukũ ẽ ini inũ niti ikama ẽ hiwepakeshanaii. Tsuabũra ũpash akatsis ikĩ manuaibu keska ea anu beaibu ẽ hatu hiwea inãshanaii, hawa hatu pakamamarã.