Provérbios 14:26 - Kaxinawá Bíblia (BR)

²⁶ Tsuãra Senhor Deus ikũwãkĩ duawai hawa dateama hiwekubaĩmisbuki. Haska hawẽ ibu hiwea uĩkubaini hawẽ bakebu hawa datetirubumariki.

Provérbios 14:26 Referencias Cruzadas

Gênesis 31:42

Ẽ epa Isaque inũ ẽ hutxi Abraão hatũ mekenika Deus ẽ hayamakẽ mais hawauma mĩ ea nitxĩkeãshinaki. Hakia mĩ ea txakabuwai Deusũ uĩshũ ẽ mia pe dayashunai uĩriakubaĩshĩshũ haskawẽ taeshũ ekiri hãtxakĩ Deus ewẽ nuikĩ mia nemashinaki— aka

Provérbios 14:27

Senhor Deus duawakĩ mĩ benimawairã, habia mĩ hiwea kayabiki, mawa kayabi mĩ ma binushinawẽ ana dateamarã.

Provérbios 18:10

Senhor Deusũ kushipa kayabi shinãtirã, mishki kushipa hiwe keyatapa wanibu hanu iruti keskaki. Tsuara pepabu hatũ mekenika Senhor Deus anu itxai buaibu hatu mekekubaĩmiski.

Provérbios 19:23

Senhor Deuswẽ datekĩ hawẽ hãtxa nĩkakubaĩkĩ tsuãra hawẽ hiwea bai txibã pewai unanuma hiwekubaĩshãkanikiki, hawara txakabu ibiaya hawa dateamarã.

Provérbios 20:7

Huni txanitxakai parananaĩsma pe txibaĩ hiwekũkaĩmis hawẽ bakebũ hawẽ hiwea mawabaini benimakubaĩshãkanikiki.

Isaías 33:6

Bari tibi hawenabu hawa putama hatu mestẽwãkubaĩmiski. Hawẽ unanepati inũ hawẽ txakabu inũ pepa unãtirã, harã, keyuisma pepahaira hiweatũ nuku piskumatiruki. Deusũ matu hawẽ datemairã, hawẽrua pepa meseki.

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

Hechos 9:31

Ha haskaibutiã ikũwaĩbu Judéia mai pakea anuabu inũ, Galiléia mai pakea anuabu inũ, Samaria mai pakea anuabu itxakawakĩ ana tsuã hatu meabuma unãnuma hawama hiwei hanua ikũwaĩbu kuxipai Deus kuxipaki meseaibũ hawẽ Yushĩ Pepatũ hatu merabewaya ana itxapabũ ikũwaĩ mirimabu hatuki dasikubaini hiwenibukiaki.