Jó 42:11 - Kaxinawá Bíblia (BR) Hanua hawẽ betsabu dasibi inũ, hawẽ puibu dasibi inũ, hawẽ haibuaibu dasibi inũ, hatube hãtxanamekũkainima dasibibũ Jó itxabirã uĩ beshũ hawẽ hiwe anua habe besikĩ Jóbetã piti itxapa pikĩ haska atimapa txakabu betsa betsapa Senhor Deusũ inãkĩ tenemakubainimawẽ taea hawẽ nuihairakĩ merabewakĩ daewakĩ bestibu tibitũ hatira pei heshe karu inũ ouro mane meitxikiti Jó inãnibukiaki. |
hawẽ camelo ũpash ma akabũ hanua hawẽ deu ouro mane txashakapa hawẽ shãkama 7 grama inũ hawẽ mebi ouro dabe hawẽ shãkama tibi 100 grama bishũ Rebeca inãkĩ sawemashũ yukakĩ yuikĩ: —Mĩ tsuã bakemẽkaĩ ea yuiwe. Hanu enabube ẽ ushatirurã, mĩ epã hiwe anu teke shaka hayamẽ?— aka
hawẽ inãkuĩ mabu apashũ prata mane mabu hushupa inũ, ouro mane txashahaira mabu inũ, tari pepa kaĩmashũ Rebeca inãtã mabu betsa pepa hawẽruari hawẽ pui Labão inũ hawẽ ewa inãriatã
hawẽ huni bakebu dasibi inũ hawẽ aĩbu bakebu dasibitũ nesewapaiabu hatu nĩkama yuikĩ: —Ea nemakĩ nesewayamakãwẽ. Ẽ bake Joséwẽ nui saĩ isi ẽ haki nukui mawariairã— ika kasha heneyuama inikiaki.
Haska Jó txami inũ bika betsa betsapa tenekubainai nĩkatã hawẽ haibuaibu Temã mae pakeanua Elifaz inũ, Suá mae pakeanua Bildade inũ, Naamá mae pakeanua Zofar habu Jówẽ nuikĩ merabewakĩ pe shinãmanũ ika hatũ mae tibi anua hanus dasitã haki nukui bekĩ
Nuitapaiburã, hatũ haibuaibũ dikabi hatu danãkubaĩmisbuki. Hakia mabu itxapayaburã, haibu mirima hayamisbuki.
Tsuara hiwei pekũkaĩkĩ Senhor Deus benimawaibũ hanushũ hatuki sinataibu Senhor Deusũ hatu daewashũtiruki, hau ana habe sinatama ha dabe hau hiwei pekubainũbunã.
Ha inũ, tsuara huĩti benimai xinã txãkaĩbube habiaskariai hatuberi benimai xinã txãkãkubaĩkãwẽ. Ha inũ, tsuara bika teneai huĩti nixma punu nukakẽ habiaskari habetã xinãriakubaĩkãwẽ.
Haska inũ, nukũ pabu betsã hawara bika teneaya dasibi yura isĩ tenemiski. Haska keskariai ikũwaĩ betsa hawara txakabu teneaya dasibibũ habetã tenetirubuki. Ha inũ, nukũ pabu betsaki hawara hawẽrua nũ sawemaya nukũ yura hirabi hawẽruamiski. Haska keskariai ikũwaĩ betsa tsuãra kẽwãkĩ duawaibũ dasibi hawẽ nũ benimamiski.
Deusũ pewati yusĩa bikabiakẽ ana mesteĩ kuxipakĩ ana Deus kẽwaĩ matũ mekẽ mexãtã dãti ishũ kẽwãkĩ heneyamakubaĩkãwẽ.
Ha inũ, Jesus ikũwaĩbuwẽ taeshũ bitxiti hiwe anu hatu bitxiabu hatuwẽ petxiama hatuwẽ nuikĩ matu habe bitxiabu keska xinãkĩ hatu merabewakubaĩshãkãwẽ, haskai nuitapaibu unãkinã. Ha inũ, hatu itxakawaibuwẽ nuikĩ hatu merabewakãwẽ, habiaskari matu waibu mã metiru xinãkinã.
Egito anua José shau besti bekubiranishũ mae Siquém anu Hamorĩ huni bakebu Siquém inũ hawẽ betsabu anua 100 ouro pei heshewẽ bai bikĩ Jacó ibuwani anu José shau maiwanibukiaki. Natianã, ha bai José bababunakiaki.
hakia hãtxa txakabukĩ yuãmisbũ yuikĩ: “Hatũ nuku mekekĩ yunushanaimẽkaĩ, ha huninã?” akeakekĩ danãkĩ hawẽ kẽwãti inãkuĩti bushuãbuma unãbiakĩ Saulũ hawa yuiama inikiaki.