Josué 24:32 - Kaxinawá Bíblia (BR)

³² Egito anua José shau besti bekubiranishũ mae Siquém anu Hamorĩ huni bakebu Siquém inũ hawẽ betsabu anua 100 ouro pei heshewẽ bai bikĩ Jacó ibuwani anu José shau maiwanibukiaki. Natianã, ha bai José bababunakiaki.

Josué 24:32 Referencias Cruzadas

Gênesis 33:19

Hanua mae ibu wanũ ikĩ Siquémnẽ epa Hamorĩ enabu anua 100 pei heshe karuhairawẽ taeshũ ha mae ibu wakĩ pakatã hanu hatũ tari hiwe hatu pũtemabauna hanu maniabũ

Gênesis 48:22

Miarã, mĩ betsabu ẽ mia hatu binumaii. Mae Siquém Amorreu nawabube yaushi detenamekĩ ẽ bini ẽ mia ha yunuaii— hatu atã

Gênesis 50:24

Hanushũ José hawẽ betsabu yuikĩ: “Mawakĩ ẽ ma matu shunukatsis ikaii. Ẽ haskabiaya Deusũ matu merabewakĩ Egito anua matunabu tashnimabaĩkĩ hanu nukũ shenipabu Abraão inũ Isaque inũ Jacó ha mai Deusũ hatu yubani anu matunabu iyushanikiki”, iwanã,

Gênesis 50:25

hawẽ betsabu inũ hatunabu hatu yubakĩ: “Txanima hatiãra Deusũ matu merabewakĩ matu tashnimabainaya nenua ẽ shau ea heneama ea hari bunũbarikãwẽ”, hatu wa nĩkaimabũ hatube hiwea

Êxodo 13:19

hatũ shenipabu shanẽ ibu José mawa hawẽ yura maiwama hawẽ shau bau merã naneshũ dĩtu merã hawenabũ arunibu Moisĩ hatu bumaya haska José hatu yubakĩ: “Nukunabu pakubaĩshanaibu Deusũ hatu ana shinãkĩ iyuaya nenua ẽ shau hau bushanũbũwẽ”, hatu aniwẽ taeshũ hawẽ shau bau merã nanenishũ buaibũ

João 4:5

mae ewapa betsa Sicar dapi Jacõ hawẽ bai hawẽ bake José yununi anu ũpash bana kini anua dispiwẽ biti Jacõ hatu pukĩmaniki kemai ma bari mananãbi kemaya hĩ iki ũpash bana kini dapi Jesus tsaukẽ

Hechos 7:15

Haskawẽ taea Jacó, hawẽ kena betsa Israel, Egito anu kaima hiwea hanua mawa hanu maiwati tãpe Hamorĩ bakebũ hawẽ hutxi Abraão peiwẽ inãnibu Siquém anu hawẽ yura bushũ maiwatãnibukiaki. Israelĩ bakebu inũ hawẽ baba itxapaburi Egito anuari mawakubainibukiaki— iwanã,

Hebreus 11:22

Ha inũ, Deusũ Israelbu Egito anua hatu tashnimabainũbariai Josẽ ikũwaĩ mawakĩ hawenabu hatu yuikĩ: “Nenua kaĩbaĩkinã, mai pakea pepa Deusũ matu ibu wamashanai anu ẽ shau ẽ bababũ hau ea bunũbarinũbũwẽ”, akĩ hatu yununikiaki.