1 Coríntios 12:26 - Kaxinawá Bíblia (BR)

²⁶ Haska inũ, nukũ pabu betsã hawara bika teneaya dasibi yura isĩ tenemiski. Haska keskariai ikũwaĩ betsa hawara txakabu teneaya dasibibũ habetã tenetirubuki. Ha inũ, nukũ pabu betsaki hawara hawẽrua nũ sawemaya nukũ yura hirabi hawẽruamiski. Haska keskariai ikũwaĩ betsa tsuãra kẽwãkĩ duawaibũ dasibi hawẽ nũ benimamiski.

Kashinawa : Diosun Jesúswen taexun yuba bena yiniki

²⁶ Jaska inun, nukun pabu betsan jawada bika teneaya dasibi yuda isin tenemiski. Jaska keskadiai ikunwain betsa jawada chakabu teneaya dasibibun jabetan tenetidubuki. Ja inun, nukun pabu betsaki jawada jawendua nun sawemaya nukun yuda jidabi jawenduamiski. Jaska keskadiai ikunwain betsa tsuanda kenwankin duawaibun dasibi jawen nun benimamiski.

1 Coríntios 12:26 Referencias Cruzadas

Mateus 3:15

Jesusũ yuikĩ: —Ea haska wama ea naximawe, Deusũ nuku yununiwẽ taeshunã— aka —Haskakenã, peki— ikaĩ, Joãonẽ Jesus naximakĩ

Mateus 5:29

Haskawẽ taea mĩ beru betsawẽ hawara uĩ mĩ kemuai beru betsa tseka keskatã hawara xinãkĩ mĩ txakabuwai hawaira henekubaĩkãwẽ. Mĩ beru dabeyarã, hanu txi nukaisma anu matu puta pemahairaki. Hakia beru bestitxai keskaya Deusbe hiwei kai peki.

Romanos 12:15

Ha inũ, tsuara huĩti benimai xinã txãkaĩbube habiaskariai hatuberi benimai xinã txãkãkubaĩkãwẽ. Ha inũ, tsuara bika teneai huĩti nixma punu nukakẽ habiaskari habetã xinãriakubaĩkãwẽ.

1 Coríntios 12:25

Haska nukũ yura pashkaisma keskai ikũwaĩbu dasibi xinã betsa betsapa nũ hayama habiaskas nũ xinaĩbu habube duanamei ikũwaĩ betsabu uĩkĩ hatũ hamapai tibi hayabumawẽ hatuwẽ nuikĩ nũ merabenanũbũ Deusũ nuku katumakeakemiski.

1 Coríntios 12:27

Hamẽ matu dasibi mã yura betsa tibibiakẽ Deusũ Yushĩ Pepatũ meribi tibi matu kuxipa waya daya betsa betsapa Deusũ matu yunuakeakearã, mã habias Cristõ yura keskabuki.

Gálatas 6:2

Haska inũ, matunabũ shãkama iabiranaibu mã hatu merabewamis keska wakĩ tsuabũra hawara bika teneaibu inũ tsuabũra kaneaibu hatu merabewariakubaĩkãwẽ. Hatu haska wai haska Cristõ nuku yusĩkubaini keska ashũkĩ hawẽ hãtxa mã meneshũshanaii.

Hebreus 13:3

Ha inũ, Jesus ikũwaĩbuwẽ taeshũ bitxiti hiwe anu hatu bitxiabu hatuwẽ petxiama hatuwẽ nuikĩ matu habe bitxiabu keska xinãkĩ hatu merabewakubaĩshãkãwẽ, haskai nuitapaibu unãkinã. Ha inũ, hatu itxakawaibuwẽ nuikĩ hatu merabewakãwẽ, habiaskari matu waibu mã metiru xinãkinã.

1 Pedro 3:8

Haska tibi ẽ matuki txanishurã, haska bestiwẽ hiwekĩ Jesus ikũwaĩbu tibibube habias xinãwãtã hatuki dasia binunãnãma pepai babu keskatã keãma abunamekubaĩkãwẽ.