Jó 2:11 - Kaxinawá Bíblia (BR)

¹¹ Haska Jó txami inũ bika betsa betsapa tenekubainai nĩkatã hawẽ haibuaibu Temã mae pakeanua Elifaz inũ, Suá mae pakeanua Bildade inũ, Naamá mae pakeanua Zofar habu Jówẽ nuikĩ merabewakĩ pe shinãmanũ ika hatũ mae tibi anua hanus dasitã haki nukui bekĩ

Jó 2:11 Referencias Cruzadas

Gênesis 25:2

hanua hawẽ bakebu haki bawa hawẽ huni bakebu Abraão inã kaiã hati inibukiaki, Zinrãnã, Jocsãnã, Medãnã, Midiãnã, Isbaquerã inũ Suárã, hati inibukiaki, hatũ kenarã.

Gênesis 36:11

Hanushũ Esaú bakebũ babaya warã, Elifazĩ huni bakeburã, Temã inũ, Omar inũ, Zefô inũ, Gaetã inũ, Quenaz hatu bawanikiaki.

Gênesis 36:15

Esaú aĩ Adã huni bake iyua Elifazĩ huni bake bawarã, hati Edom anu shanẽ ibu tibi inibukiaki, Temã inũ, Omar inũ, Zefô inũ, Quenaz inũ, Corá inũ, Gaetã inũ, Amalequerã, hati Adã huni bababu inibukiaki.

Gênesis 36:34

Hanua Jobabe mawakẽ mai pakea Tema anua habianuri Husão shanẽ ibu inikiaki dasibibu yunuirã.

Gênesis 37:35

hawẽ huni bakebu dasibi inũ hawẽ aĩbu bakebu dasibitũ nesewapaiabu hatu nĩkama yuikĩ: —Ea nemakĩ nesewayamakãwẽ. Ẽ bake Joséwẽ nui saĩ isi ẽ haki nukui mawariairã— ika kasha heneyuama inikiaki.

Jó 11:1

[Jó huĩti nishmashũ haska Deuskiri Bildadẽ yusĩkĩ yuia danãkĩ Jó nĩkama iniki.] Hawẽ haibu betsa Zofarĩ Jó nĩkatã yuikĩ: “Mĩ hãtxahairakũkaĩshuwẽ taeshũ hau tsuãra unãkĩ mia kemanũwẽ. Haska shinaĩ mĩ hãtxa txaipahairashu keska, txanima hãtxa hayamaki.

Jó 4:1

hanushũ huni betsa Temã anua Elifazĩ Jó haskaya kemakĩ yuikĩ: “Jó, txanima tsuara mibe hãtxanũ ika hushũ mia bika watiruki. Hakia mĩ hãtxai nũ mia nĩkai tsuã nũ ana tenetirumaki. Mia yuinũ nĩkawe.

Jó 42:11

Hanua hawẽ betsabu dasibi inũ, hawẽ puibu dasibi inũ, hawẽ haibuaibu dasibi inũ, hatube hãtxanamekũkainima dasibibũ Jó itxabirã uĩ beshũ hawẽ hiwe anua habe besikĩ Jóbetã piti itxapa pikĩ haska atimapa txakabu betsa betsapa Senhor Deusũ inãkĩ tenemakubainimawẽ taea hawẽ nuihairakĩ merabewakĩ daewakĩ bestibu tibitũ hatira pei heshe karu inũ ouro mane meitxikiti Jó inãnibukiaki.

Jó 42:7

Jóbe hãtxakũkaini keyutã Senhor Deusũ Elifazri yuikĩ: “Ẽ tsuma Jó akubirãshina keskama ekiri txanima hãtxa mã yuiamawẽ taea mia inũ mĩ haibu dabeki ẽ sinatahairaii.

Jó 42:9

hanua Elifaz Temã anua inũ, Bildade Suá anua inũ, Zofar Naamá anua bushũ haska Senhor Deusũ hatu yunua ashuãbu Jó Senhor Deus hatu yukashunaya Jó yukai Senhor Deusũ nĩkashunikiaki.

Jó 8:1

Elifazĩ hãtxashũkĩ merabewakatsi ibia hawẽ hãtxa ikũ kayabimakẽ Jó danãkĩ nĩkashunama inikiaki. Hanushũ huni betsa Suá anua Bildadẽ Jó yuikĩ: “Na haska hãtxakĩ mĩ yuikubainairã, hatiã mĩ neseshanai? Mĩ hãtxarã, niwewã kushipa shũku ikai keska besti mĩ waii.

Provérbios 17:17

Hawẽ haibu kayabitũ hawa heneama betxipaimisbuki. Hawẽ betsa kayabi keska wakĩ hanu bika teneaitiã merabewakubaĩmisbuki.

Provérbios 18:24

Huni haibu itxapa hayabia habũ hawaira itxakawatã henebaĩtirubuki. Hakia hawẽ haibu hatiribũ hawẽ betsa kayabi binumakĩ duahairawatirubuki.

Romanos 12:15

Ha inũ, tsuara huĩti benimai xinã txãkaĩbube habiaskariai hatuberi benimai xinã txãkãkubaĩkãwẽ. Ha inũ, tsuara bika teneai huĩti nixma punu nukakẽ habiaskari habetã xinãriakubaĩkãwẽ.

1 Coríntios 12:26

Haska inũ, nukũ pabu betsã hawara bika teneaya dasibi yura isĩ tenemiski. Haska keskariai ikũwaĩ betsa hawara txakabu teneaya dasibibũ habetã tenetirubuki. Ha inũ, nukũ pabu betsaki hawara hawẽrua nũ sawemaya nukũ yura hirabi hawẽruamiski. Haska keskariai ikũwaĩ betsa tsuãra kẽwãkĩ duawaibũ dasibi hawẽ nũ benimamiski.

Hebreus 13:3

Ha inũ, Jesus ikũwaĩbuwẽ taeshũ bitxiti hiwe anu hatu bitxiabu hatuwẽ petxiama hatuwẽ nuikĩ matu habe bitxiabu keska xinãkĩ hatu merabewakubaĩshãkãwẽ, haskai nuitapaibu unãkinã. Ha inũ, hatu itxakawaibuwẽ nuikĩ hatu merabewakãwẽ, habiaskari matu waibu mã metiru xinãkinã.