Jó 2:12 - Kaxinawá Bíblia (BR)

¹² txaikeshũ Jó uĩkubirani txaima haki nukutã unãkĩ: “Habia nukũ haibuki!” iki hawẽ taea bis bis iki kashai taekĩ hatũ tari ushni ushni atã Jówẽ nuitxakayamai hatũ huĩti nishmahairakĩ Jó uĩmakĩ mai mishpu manaũri puta puta akĩ hatũ bushka anuri mapu tukutã

Jó 2:12 Referencias Cruzadas

Gênesis 27:34

hawẽ epã hãtxa haska yuia nĩkatã Esaú nuihairai kasha txakayamakĩ yuikĩ: —Epaã, eari mĩ kushipa pepa ea yunuriawe— aka

Ester 4:1

haska dasibi Hamãnẽ ashiã Mardoqueũ nĩkatã huĩti nishmai keyushũ hatu uĩmakĩ hawẽ tari ushni ushni akĩ putatã hawẽ nui bika tenei unãmati tari besha sawetã txi mapu bitã hawẽ bushka anu maputukutã maewã Susã namakis anu kai taekaini nuihairai kashai ĩ ĩ ikũkaini

Jó 1:20

nĩkatã haskawẽ taea punu nukahairatã Jó benitã hawẽ tari ushnitã mashtekei mãkutã Deus kẽwaĩ beui beti itã

Josué 7:6

Josué inũ hatũ shanẽ ibubube huĩti nishmahairashũ hatũ tima tari ushnitã isĩ tenei keskai mai mishpu mapu tukutã Senhor Deus hatube yubakani hãtxa aruni bau besuuri dashka ikaĩ beti ika beua bari txaitanai manibai hanua bari kaya

Apocalipse 18:19

hatũ beya txibaĩ mai mixpu kuru maputukui kashai saĩ ikĩ bis ikĩ yuikĩ: “Aitaa. Aitiĩ. Dasibi shashuwãyãbu Babilônia anu kashũ hatũ mabu pepa hawẽrua inãnanãtã pei mirima bibirã bibiranaibu ha mae ewapa ma hawaira yamashuki”, akĩ yuishãkanikiki, ea waya

Juízes 2:4

Senhor Deusũ nai tsuma kushipa hãtxai ma menekainaya hanua Israelĩ enabu huĩti nishmahairatã kasha txakayamai bis bis ikasima

1 Samuel 11:4

mae Gibeá hanu Saul hiwea anu habũ kaka bui hikishũ hanu hiweabu hatu banabimakĩ keyubaunabu, nĩka keyutã dasibi datei kasha txakayamaibũ

1 Samuel 4:12

hakia detenamenika betsa Benjamimnẽ enabu pashai Siló anu kushikaini habias shabatiã hawẽ tari buash pishta inũ hawẽ yura dasibi mai has haira hikiaya