Gênesis 24:53 - Kaxinawá Bíblia (BR)

⁵³ hawẽ inãkuĩ mabu apashũ prata mane mabu hushupa inũ, ouro mane txashahaira mabu inũ, tari pepa kaĩmashũ Rebeca inãtã mabu betsa pepa hawẽruari hawẽ pui Labão inũ hawẽ ewa inãriatã

Gênesis 24:53 Referencias Cruzadas

Gênesis 24:10

hanushũ hawẽ hatu daewati inãkuĩti itxawakĩ Abraão camelo itxapa anua 10 katushũ hawẽ mabu pepa itxapari katuriashũ kukiki naneshũ camelo kamaki kuki hawẽ tsumabu beshematã kai Mesopotâmia mae pakeakiri kai usha itxapakũkaini Abraão betsa Naor mae dapi nukutã

Gênesis 24:22

hawẽ camelo ũpash ma akabũ hanua hawẽ deu ouro mane txashakapa hawẽ shãkama 7 grama inũ hawẽ mebi ouro dabe hawẽ shãkama tibi 100 grama bishũ Rebeca inãkĩ sawemashũ yukakĩ yuikĩ: —Mĩ tsuã bakemẽkaĩ ea yuiwe. Hanu enabube ẽ ushatirurã, mĩ epã hiwe anu teke shaka hayamẽ?— aka

Esdras 1:6

hanua habu hatu dapi Babilônia anu nawabu hiwebaunabu habu dayai buaibu hatu merabewakatsis ikĩ hawa yaushiama hatũ mabu betsa betsapa inũ, hatũ prata pei heshe inũ, hatũ ouro pei heshe inũ, mabu pepa sharabu inũ, mabu pepa karuhaira inũ, hatũ inabu hatu inãbirãbiranabu

Êxodo 11:2

Natianã, minabu Israelĩ enabu hunibu inũ aĩbuaibu ha Egito nawabu hatu dapi hiwebaunabu hatũ ouro mabu inũ hatũ prata mabu hau hatu ea akubaunũbũ hatu yunuwe— ashũ

Êxodo 12:35

haska Moisĩ yunushina hatũ ouro mabu inũ, hatũ prata mabu inũ, haya besiti tari Egito nawabu hatu ea amabaũshina

Êxodo 3:22

Hakia mã kaĩkainaitianã, matũ aĩbu tibitũ Egito nawabu matu dapi hiweabu inũ habe hiweabu anua hau hatũ dau tibi yukashanũbũwẽ, prata mabu inũ ouro maburã. Ha dikabi hatũ tari pepa sharabu biãkubaũkĩ keyutã matũ huni bakebu inũ matũ aĩbu bakeburi hatũ tari hatu sawemaya hau haya bunũbũ haska wakĩ Egito nawabu mã hatu nuitapa washanaii, hatu kupikinã— aka