Hebreus 4:11 - Kaxinawá Bíblia (BR) Haskawẽ taea hawẽ huĩrukũti pepa anu hikishanũ ika nukũ merabenã Jesus txibaĩ yumãbiai txĩtũtaskayamanãkãwẽ, ha habũ hawẽ hãtxa nĩkama nukũ shenipabũ danãnibu keskakĩ hatu tanaĩ hatu txibãyamanãkãwẽ. Kashinawa : Diosun Jesúswen taexun yuba bena yiniki Jaskawen taea jawen juindukunti pepa anu jikixanun ika nukun medabenan Jesús chibain yumanbiai chintuntaskayamanankanwen, ja jabun jawen jancha ninkama nukun xenipabun dananibu keskakin jatu tanain jatu chibanyamanankanwen. |
Naximanika João huriama matũ itxati hiwe tibi anushũ Moisés yusĩa inũ Deusũ hãtxa yuishunikabũ yusĩpauni matu yusĩ bestikubainimabuki. Hakia João hushũ Deus shanẽ ibushanaikiri bebũkiri hawẽ kaka pepa yusĩkubainaya huni pubenẽ detekatsis ikĩ Deus shanẽ ibushanai ewamamakĩ beshtenũ ika ikanikiki.
ana hatu yuikĩ: —Txi nukaismakiri kairã, hanu hikiti shui inũ hawẽ kati bai hashpa keska hawẽ kai bikamawẽ taea yushĩ txakabũ bai abui yurã kaiã itxapa hawẽ bumisbuki. Hamẽ hiwekuĩakiri kairã, hanu hikiti shui inũ hawẽ kati bai haxu bika keskawẽ taea ha bai benakubaini atimas nukutã yura eskarabes hawẽ bumisbuki. Maturã, ha bai haxuki nukutã hawẽ bukĩ ea txibãkubaĩkãwẽ— itã
—Haa. Txanimaki. Ea txibãkatsis iki menã xinã mestẽwãtã hanu hikiti shui haxu anu hikikãwẽ, txipu itxapa hikikatsis ibiai hikitubuma ishãkanikiki. Haska ẽ matu yuiaii.
Jesusũ hatu yuikubaĩkĩ: —Hamẽ Naximanika João huriama matũ itxati hiwe tibi anushũ Moisés yusĩni inũ Deusũ hãtxa yuishunikabũ yusĩpauni yusĩkubaĩkĩ Joãoki tekiwanibuki. Hanushũ Joãonẽ kaka pepa Deus shanẽ ibushanaikiri txaniaya itxapabũ abuhairai hanu hikinũ ika nashukunibukiaki.
Haskai piti txapumiswẽ besti kemui mã mapua ikanai? Hakia ẽ Epa Deusũ ea kuxipa waniwẽ taeshũ hawẽ kuxipa ẽ matu inãshanai ha bestiwẽ kemui mapukãwẽ, hawẽ hiwekuĩ ikibi itirã. Haskawẽ taeshũ habia hawẽ unãmati wakĩ Epa Deusũ ea matũ Hutxi Kayabi Iuwa ea waniki, yunukinã— hatu wa
Shanẽ ibuhaira Agripaã, haska nũ uĩsma nai anua namai keska ẽ uĩxina txibãnishũ ẽ txibãkubaĩmiski, xinã betsa wamarã.
na mai anushũ yura txakabubũ akai txibaĩ yushĩ txakabu shanẽ ibũ shaba natukã anu nishũ hawẽ xinãnẽ hatu yunuaitũ habũ benimawai keskai xinãkĩ Deus nĩkakĩ txibãmarã.
Tsuabũra matu beparãkĩ hamẽ matu yusĩkĩ paraĩburã, hatu nĩkayamakãwẽ. Tsuabũra Deus nĩkama hawa merabewatimakiri yusĩmisburã, Deusũ hatu kupitxakayamashanikiki. Uĩrakubaĩshãkãwẽ.
Ẽ betsabu inũ ẽ puibuũ, matuwẽ ẽ nuiaya mã ẽ hãtxa txibãmis heneama akubaĩkãwẽ, ẽ matu uĩayã mã amis keska inũ, ẽ matu uĩyama txaihaira ẽ hiwebiakẽ ea nĩkakĩ txibãriakinã. Hawa kaneama uke merã hawara matũ hiwea Cristona wamakĩ mã inãni Cristoki mesekĩ heneama hawẽ mekepakekãwẽ.
Hakia haska tibi txakabu aki mã Deus nĩkama sinatamamiski. Hawẽ taeshũ ha nĩkaisbuma Deusũ hatu kupihairashanaiwẽ taea
Haskawẽ taeshũ habũ yuikĩ: “Deus ẽ ikũwaiĩ”, ibiakĩ hamapai txakabu betsa betsapa akĩ Deusũ haska abumis akama danãmisbuki. Habunã, eska tibi wakinã, hatuki sinatakĩ tsua abuama inũ, huĩti kuxi sinarãwã hawa hatũ xinã pepamawẽ taeshũ hawara pepa wakĩ Deus ashũtirubumaki.
Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.
Haskawẽ taea ẽ betsabu inũ ẽ puibuũ, matũ huĩtinĩ txakabu xinãkĩ ana ikũwãti kuxiwama txĩtũtã Hamebi Hiwemis Deus henebaĩkatsi ikama matu tibi ibubis mekekĩ xinã pewarikubaĩkãwẽ.
Ha mae pepa Canaã anu Deusũ hatu yubai hatukiri hãtxai: “Ẽ hatu hanu hikimatã hatu huĩrukũmamashanairã, habuã ẽ hãtxa nĩkama danaĩburã, habu hikiama ishãkanikiki”, iniki.
Habu dukũ nukũ shenipabũ hawẽ hãtxa pepa nĩkabiatã danaĩ mai pepa huĩrukũti anu hikiama inibuki. Hakia betsabu hikinibuki. Natiã ha yubani hãtxarã, betsa wariamaki. Haskawẽ taea ha huĩrukũti pepa anu tsuabũra ikũwaĩ nũ hikishanaii.
Haska matu tibitũ xinãkĩ mã akairã, betsabu uĩmakĩ heneama xinã txãkãkĩ hawara pepa mã uĩkatsis ikai heneama menekĩ akubaĩkãwẽ, haska Deus yubakani heneama manakinã.
txĩtũbirã Josué anu beshũ betsã yuikĩ: “Nukunabu dasibi hau buyamashanũbũwẽ. 2.000 huni detenamenikabu kasmai 3.000 besti mĩ hatu yunutiruki, nukunabu itxapa hatu yunuamarã. Ai mae anu hiweshũ habũ mekeaburã, mawaira itxapabumaki. Hatu maematã ha mae nũ ibuwatirubuki”, akabu
Natiã tsuabũra hawẽ hãtxa nĩkama txakabukubainaibu Deusũ hatu kupishanai hau bebũkiri dasibi txakabumisbũ Deusũ eskaibu hatu kupini hau hakiri unãshanũbũ mae dabe Sodoma nawabu inũ Gomorra nawabu kupikĩ txiwẽ hatu menu keyukĩ Deusũ hatu yamawakĩ mapu besti hatu wanikiaki.