João 6:27 - Kaxinawá Bíblia (BR)

²⁷ Haskai piti txapumiswẽ besti kemui mã mapua ikanai? Hakia ẽ Epa Deusũ ea kuxipa waniwẽ taeshũ hawẽ kuxipa ẽ matu inãshanai ha bestiwẽ kemui mapukãwẽ, hawẽ hiwekuĩ ikibi itirã. Haskawẽ taeshũ habia hawẽ unãmati wakĩ Epa Deusũ ea matũ Hutxi Kayabi Iuwa ea waniki, yunukinã— hatu wa

Kashinawa : Diosun Jesúswen taexun yuba bena yiniki

²⁷ ¿Jaskai piti chapumiswen besti kemui man mapua ikanai? Jakia en Epa Diosun ea kushipa waniwen taexun jawen kushipa en matu inanxanai ja bestiwen kemui mapukanwen, jawen jiwekuin ikibi itidan. Jaskawen taexun jabia jawen unanmati wakin Epa Diosun ea matun Juchi Kayabi Iyua ea waniki, yunukinan— jatu wa

João 6:27 Referencias Cruzadas

Salmos 2:7

Senhor Deusũ haska wani ekiri shinaĩ matu yuinũ nĩkakãwẽ: “Ẽ hawẽ Katua ea yuikĩ: ‘Mĩ ẽ bakerã, natiã ẽ hiwea mia inãkĩ ẽ mia yunuaii.

Salmos 40:7

Haskawẽ taeshũ mia hãtxa wakĩ: “Ẽ nenuki”, ẽ mia waii, haska una sebiki ekiri kenenibu keska wakinã.

Provérbios 9:5

Piti ẽ matu pewashũshu inũ vinho pepa ẽ matu pewashũshu pikĩ neshui bekãwẽ.

Isaías 42:1

Deus hatuki txani: “Uĩkãwẽ. Ẽ tsuma ẽ katunirã, ẽ betxipaiai ea benimawamiski. Ẽ Yushĩ kushipa ẽ yunua merabewaya ha ẽ tsumapã hawẽ yunuti kushipa pepakiri yurabu shukuabu tibi yuibaũshanikiki.

Isaías 55:2

Haskai mã hamẽ pei inananãmismẽ, pitimabiakẽ hamẽ putakinã? Haskakĩ matũ daya pei mã hatu inãmismẽ, hawa matu merabewakĩ shinã txãkãwatirumabiakenã? Ea nĩka pewakubaĩkĩ mã piti pepa pishanaii, hawara piti kemutapa mã betxipaiai pikinã.

Habacuque 2:13

Hamẽ daya txakayamai hĩ hĩ ikĩ matũ maewã mã beninirã, Senhor Deus kushipahaira dasibi binu keyuatũ txiwẽ menu keyukĩ matu yamawãshanikiki.

Mateus 17:5

akaya hanushũ nai kuĩ hushu mayabirãkĩ hatu atxiaya nai kuĩ anushũ hui tashnikĩ hatu yuikĩ: —Na ẽ bake ẽ Katunirã, ẽ abuhairaii. Hawẽ ẽ benimahairaii. Nĩkairakubaĩkãwẽ— hatu wa

Mateus 25:46

Hanushũ ha yura txakabubu hatu kupikĩ txi merã hatu yumãwãkĩ enabu pepabu besti hatũ pepawẽ manakukĩ ebe ẽ hatu hiwekuĩmashanaii, ikibi imakinã— nuku waniki.

Mateus 3:17

yurabu nĩkamai nai anua hui tashnikĩ yuikĩ: “Narã, ẽ bakeki. Ẽ abuhairaii, ẽ Katuarã”, anikiaki.

Mateus 6:19

ana hatu yuikĩ: —Na mai anushũ huni itxapabu hiweshũ mabuwẽ kemukĩ itxawamisbuki. Hakia matunã, mabuwẽ kemukĩ itxawayamashãkãwẽ. Hawara bikĩ mã itxawa hawẽ masãnẽ pesa pesa akĩ inũ nakashã piriatiruki, matu benũkinã. Ha inũ, huni yumetsubũ matũ hiwe anu hikitã matũ mabu dasibi mã aru pewabiakẽ matu biãbaĩtirubuki.

Mateus 8:20

hawẽ xinã unãnũ, iwanã, Jesusũ yuikĩ: —Kamã inu hawẽ kini hayaki. Peiyabu hawẽ na hayabuki. Hakia matũ Hutxi Kayabi Iuwa eã ẽ hatu yusĩkubaunai hanu ushati hiwe ẽ hayamaki. Ẽ ikai keskai mĩ iriatirumẽ?— akaya

Marcos 1:11

nai urishũ Deusũ yuikĩ: —Miarã, mĩ ẽ bakeki. Ẽ mia abukĩ katunirã, ẽ miwẽ benimahairaii— anikiaki.

Marcos 9:7

hanua samama nai kuĩ bekĩ hatu bepuaya nai anua hui tashnikĩ yuikĩ: —Narã, ẽ bakeki. Ẽ abuhairaii. Nĩkairakubaĩkãwẽ— hatu waya

Lucas 3:22

Deusũ Yushĩ Pepa deiwã keska hui hamamaki butuaya nai anushũ hawẽ Epã yuikĩ: —Miarã, mĩ ẽ bakeki. Ẽ mia abuhairakĩ katunirã, ẽ miwẽ benimahairaii— anikiaki.

João 10:28

Eki txiti ikabu benuama ẽ hatu hiwekuĩmakubaĩshanaii. Parãshũ tsuã hatu ea mebiãma ishanikiki.

João 11:42

Ẽ mia yuka nĩkatã mĩ ea merabewakubaĩmiski. Mĩ ea yununirã, na ebe mapubaunabũ hau ea uĩkĩ ikũwanũbũ shabakabi ẽ mia yukaii— itã,

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 15:24

Ha inũ, hatu anushũ ẽ hawa hatu haska washũama txakabu xinãma ikeãkanaii. Hakia tsuã haska hatu anushũ haska washuĩsmabiakẽ Deusũ kuxipa hatũ berubi ẽ ma hatu uĩmabia uĩbiakĩ ea inũ ẽ Epa danãkanikiki.

João 17:2

Mai hirabi anua hawẽ yurabu dasibi yunuti kuxipa mĩ bake mĩ ea inãniwẽ mĩ hatu katuni ẽ hatu hiwekuĩmashanaii.

João 3:33

Hakia tsuabũra hawẽ bake danãma “Deus txani txakaismaki”, ikĩ hawẽ hãtxa mestẽwãmisbuki.

João 6:40

Dasibibũ Deusũ bake xinãkubaĩkĩ ikũwaĩ hiwekuĩa ma hayabuwẽ taeshũ hawẽ heneai shabatiã ẽ hatu bestẽwãshanaii, haska ẽ Epã xinaĩ yubakani keska meneshũkinã— hatu wakĩ

João 6:47

Hiwekuĩmati misirã, habia ẽ eaki. Txanima tsuabũra ea ikũwaĩ hiwekuĩkanikiki, ikibi ikirã.

João 6:51

Nai anua butuni misi hiwearã, habia ẽ eaki. Tsuabũra na misi hiwea pikubaini hiwepakeshãkanikiki, ikibi ikirã. Na misi ẽ hatu inãshanairã, ẽ yura kayabiki. Haskawẽ taea na mai anu yurabu shukuabu tibi hawẽ hiwetirubuwẽ taeshũ ẽ yura kayabi ẽ hatu inãshanaii— akĩ hunea hãtxawẽ hatu yuiaya

João 6:53

habũ xinã unãkĩ Jesusũ ana hatu yuikĩ: —Txanima matu yuinũ nĩkairakãwẽ. Matũ Hutxi Kayabi Iuwatũ nami piama inũ ẽ himi akamarã, mã hiwekuĩa hayatirumaki.

João 6:54

Hakia tsuabũra ẽ nami pikĩ ẽ himi aki hiwekuĩshãkanikiki, ikibi ikirã. Ha inũ, hawẽ henea shabatiã ẽ hatu bestẽwãkĩ tashnimashanaii.

João 6:58

Nai anua misi butunikiri ẽ hãtxaii. Matũ shenipabu hiwekĩ ha misi pikubauni mawanibu keskamaki, na misi ẽ matu yuiairã. Na misi pikubaini hiwekubaĩshãkanikiki, ikibi ikirã— hatu wakĩ

João 6:62

Hanua ẽ huni anu hawẽri ẽ matũ Hutxi Kayabi Iuwa ẽ ana kai uĩkĩ mã xinã betsa washanaii.

João 6:68

Simão Pedrõ yuikĩ: —Shanẽ Ibuũ, mia henebaĩ tsua mia keska nũ txibãtirumaki. Hiwekuĩmati hãtxa mĩ nuku yusĩmiski. Deusũ bake meribi peparã, habia mĩ mia nũ unaiĩ— aka

João 8:18

Haskakẽ emebi ekiri ẽ pe yuiaii. Ẽ haskaya ẽ Epa hatũ ea yununiri habiaskari ekiri pe yuikiki. Ha nuku dabetã habiaskas txanikĩ nũ yuitiruki, hau mã nuku ikũwanũbunã— hatu wa

Hechos 10:38

Hanushũ Jesus Nazaré anua hawẽ Yushĩ Pepatũ kuxipawẽ Deusũ Jesus kuxipahairawa ha meranua merabenãkũkainaya habu diabo Satanásã itxakawakĩ isĩ betsa betsapa hatu tenemamis nuitapaibu Jesusũ hatu shushawakĩ pewakĩ hatu merabewakubaĩyama mã unãriaii.

Hechos 2:22

—Israelbuũ, ẽ matu yuiai ea nĩkakãwẽ. Matunã, mã unãhairaii. Jesus Nazaré anua hua Deusũ kuxipa watã hawẽ e imati inũ hawẽ unãti wamakĩ dami itimaska tsuã atiruma wamakĩ hawẽ kuxipa matu uĩmakĩ Deusũ amakeakekĩ shabakabi matu uĩmakubainimaki.

Romanos 4:11

Hanushũ Abraãonẽ Deusũ hãtxa ikũwaĩwẽ taeshũ unãti wakĩ hawẽ xinãmati wakĩ hawẽ hina kubitxi meshtenibuki, haska ikai tsuabũra shabakabi hau unãnũbunã. Deusũ haska wanikẽ dasibibũ Deusũ hãtxa ikũwaĩbu Abraão hatũ epa ikũkaĩtiwaniki, habũ hatũ hina kubitxi meshtemisbu inũ habũ meshteabumarã. Haska tibibu Deusũ haturi unãti wakĩ: “Yura pepabuki”, hatu washanikiki.

Romanos 6:23

Haskakẽ tsuabũra txakabuwakubaĩmisbu hatũ kupitirã, Deusũ meketi hayama mawa kayabi bishãkanikiki. Hakia nukũ Shanẽ Ibu Jesus Cristo nũ ikũwaĩ nũ haki dasikẽ hawẽ taeshũ Deusũ nukũ hiwekuĩti pepa inã nukũ Shanẽ Ibube dasitã nũ habe hiwei ikibi ishanaii.

1 Coríntios 6:13

Hamẽ betsarã, piti pikĩ yaniwai nũ hiwenũ Deusũ piti nuku washuniki. Ha inũ, nukũ haturã, haki piti nanekĩ nũ yaniwa hiwenũ nukũ hatu nuku washuniki. Habiaskabiakẽ betsatianã, piti inũ nukũ hatu ha dabe yama washanikiki. Haska inũ, nukũ yurarã, eskaki. Nĩkakãwẽ. Nukũ yurawenã, hawẽ hamapai betsa betspabube txutanametima Deusũ nuku waniki. Hakia nukũ Shanẽ Ibu Jesusunaki, nukũ yurarã. Na nukũ yurawẽ nukũ Shanẽ Ibu nũ dayashũtiruki.

1 Coríntios 9:2

Mae betsa anuabũ ea unãti watã: “Harã, Jesusũ kuxipaya betsamaki”, akĩ ea danãbiaibũ matunã, ẽ matu yusĩa nukũ Shanẽ Ibu ikũwãtã mã haki dasiniwẽ taeshũ ẽ Jesusũ kuxipaya txanima mã unaiĩ.

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

Filipenses 2:13

Matũ hiwea mã ma Cristo inãniwẽ taeshũ xinã betsawẽ Deusũ matu benimawakĩ haska matuwẽ dayakĩ hawẽ xinã pepa tashnimaya haska abuai keska matu amakĩ merabewaya shabakabi ashũkubaĩkãwẽ.

Colosenses 1:29

Na haska matukiri dayairã, Cristõ hawẽ kuxipa ea inãni ẽ hawẽ dayatxakayamashũmiski.

Colosenses 2:22

haska tibi hatũ yunuarã, hunibũ haska xinãkĩ hatu yusĩmisbu besti akaiburã, ha mabu inũ ha pitikiri matu yusĩkĩ unãmakĩ tapĩmaiburã, hawẽ hiwekubainaibu hawaira keyushanikiki.

Colosenses 3:2

Cristobe mã ma mawani keskawẽ taeshũ matũ hiwea Deusũ nai anu matu mekeshunaki, hari Cristobe mã hiweshanai anurã. Hanua na mai anu mã hawẽ hiwea mabukiri besti xinãma Deusũ haska abumiskiri xinãkubaĩkãwẽ.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.

Hebreus 12:16

Matunã, tsuara txutawẽ kemukĩ Deusũ hawẽ pepa ma matuki tanabiani kaneyamakãwẽ. Haskakĩ Esaũ Deuskiri xinãma piti bestiwẽ kemukĩ xinãkĩ hawẽ betsa mashkubiakẽ hawẽ piti pinũ, iwanã, haska iuwatũ pepa bimis inãniki, hawena benukinã.

Hebreus 4:11

Haskawẽ taea hawẽ huĩrukũti pepa anu hikishanũ ika nukũ merabenã Jesus txibaĩ yumãbiai txĩtũtaskayamanãkãwẽ, ha habũ hawẽ hãtxa nĩkama nukũ shenipabũ danãnibu keskakĩ hatu tanaĩ hatu txibãyamanãkãwẽ.

Santiago 1:11

Mabuya hiwebiani eskashãkanikiki. Hakiri matu yuinũ nĩkakãwẽ. Ni hua tuea hawẽruabiakẽ bari tashni kuhairakirãkĩ hua hawẽrua pepabia benukĩ barĩ utsi wakĩ niri amis keskai haska keskariai huni mabuwãyã hiwea mawai hawẽ mabu hawẽruayabia hawẽ mabu inãnanãmis habu benui yamanũbarikanikiki.

1 Pedro 1:24

Haska Deusũ hãtxa betsa waismakiri hawẽ hãtxa keneshunika Isaíasĩ yuikĩ: “Yura dasibi ni mashu keskabuki. Ha inũ, hawẽ hawẽruai hawẽ pepamisburã, ni mashu hawẽ hua keskabuki. Bari betsatiã ni mashu txuxiaya hawẽ huari utsitã niri imiski.

2 Pedro 1:17

Hawẽ Epa Deusũ kẽwãkĩ kuxipa wai nũ uĩayã haskabiama Deusũ hawẽ hui tashnimakĩ hawẽ bake pepa wakĩ hãtxa wakĩ yuikĩ: “Narã, ẽ bakeki. Ẽ abuhairaii, ẽ Katuarã”, ikai