2 Pedro 1:16 - Kaxinawá Bíblia (BR) Nukũ Shanẽ Ibu Jesus Cristo kuxipahairai ana hushanaikiri shabakabi matu yusĩkĩ hawẽ beparãti miyui hawẽrua nũ matu yuiama iniki. Hakia nukũ Shanẽ Ibu kuxipai txashahairai ibubis nukũ beruwẽ uĩnishũ matu parãma nũ matu yuiniki. Kashinawa : Diosun Jesúswen taexun yuba bena yiniki Nukun Xanen Ibu Jesucristo kushipajaidai ana juxanaikidi xabakabi matu yusinkin jawen bepadanti miyui jawendua nun matu yuiama iniki. Jakia nukun Xanen Ibu kushipai chaxajaidai ibubis nukun beduwen uinixun matu padanma nun matu yuiniki. |
txanima ha shabatiã Senhor Deus hui tashnikiranai tsuã nematiruma ishanikiki. Tsuãra huai uĩ hanu ni txaipatirumaki, hawẽ txakabuwẽ taearã. Nuku pewai huirã, bai kuabu txi here keska hushanikiaki. Nukũ detsis sabão kushipawẽ txuka keska washanikiaki.
Uĩkãwẽ. Ha shaba mese dasibi datemakĩ ea ẽ Senhor Deusũ kupiaitiã huriamakẽ ẽ hãtxa yuishunika Elias hiwepaunirã, ana matu anu ẽ yunushanaii.
Hamẽ ẽ matũ Hutxi Kayabi Iuwarã, ẽ Epã kuxipaya Shanẽ Ibui hawẽ nai tsumabube ana hushũ tsuabũra ea txibaĩ hiwei pemisbu inũ txakabumisbu habu tibi ẽ hatu manakushanaii, pepa inũ txakabuwenã— iwanã
—Ikũ kayabi ẽ matu yuiai nĩkakãwẽ. Na habia mã ebe mapuaburã, mã betsa betsapa mawariamakẽ ẽ matũ Hutxi Kayabi Iuwa ẽ matu Shanẽ Ibui taeshunai mã uĩshanaii— nuku aniki.
Hanua seis dia binuaya Pedro inũ Tiago inũ Tiagõ betsa João Jesusũ hatu dapashkabaĩkĩ iyui kai mati keyatapahaira hatube mapeketã
Hakia ẽ matũ Hutxi Kayabi Iuwa ẽ ana eskakirãshanai matu yuinũ nĩkakãwẽ. Hawaira uke bukũ kana beri iki bakamis keskatã ẽ ana huai dasibibũ ea uĩshãkanikiki.
Oliveiras Mati anu mapeketã Jesus tari ka tsaukẽ nũ hawẽ tsumabũ hune yukakĩ: —Ha mixki hiwe tekekĩ purekĩ keyushanaibu mĩ nuku yuishurã, mia yukapa? Mĩ ma mai hirabi hawẽ henei keyuaitiã mĩ ana huashanai kemai taeai haskai nũ unãtirumẽkaĩ? Nuku yuiwe— nũ wa
Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.
ẽ matũ Hutxi Kayabi Iuwa shanẽ ibui kuxipahairai txashahaira nai anua nai kuĩ meranua ẽ huai uĩaĩbũ
—Haa. Haska mĩ ekiri yuiairã, ẽ haki. Epa Deus kuxipahairatũ hawẽ yusiuri ẽ tsauwa matũ Hutxi Kayabi Iuwa nai kuĩwẽ ẽ huai mã ea uĩshanaii— ikaya
Deusũ pepa kuxipawẽ Jesusũ hatu uĩmakubainaiwẽ taea dasibi e iki “Habaa”! ike ikeaibũ hanua “Habaa”! iki mapuabũ hawẽ tsumabu besti Jesusũ yuikĩ:
Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.
Mai hirabi anua hawẽ yurabu dasibi yunuti kuxipa mĩ bake mĩ ea inãniwẽ mĩ hatu katuni ẽ hatu hiwekuĩmashanaii.
Hanua Jesus tenãbu mawaxina hawẽ Yushĩ Pepabetã hawẽ kuxipawẽ Deusũ bestẽwãtã: “Narã, ẽ bake kuxipahaira dasibi binuaki”, akĩ Jesus Cristokiri nuku shabakabi unãmaniki.
Hamẽ ea yunukĩ: “Ea ikũwãtã hatũ txakabu henekatsis ikaibu naximakubaĩwẽ”, iwanã, Cristõ ea yunuama iniki. Hakia ea yunukĩ: “Ekiri kakape besti datã akĩ hatu yusĩkubaĩwẽ”, akĩ ea nitxĩniki. Matu yusĩ kashũ yusĩnã betsabu hãtxa hawẽrua besti hãtxamisbu keskakĩ eari matu anu kashũ Cristo kẽwãma mã ea kẽwãnũbũ ẽ matu yusĩnirã, hamẽ Cristo cruzkia nukuwẽ taea mawanirã, hawẽ kuxipa hakimawakĩ hamẽ ẽ matu yusĩkeaniki.
Haskakẽ mã Deus ikũwaĩbũ hamapai hawẽ aka tibi Deusũ matu inãkubainai hayatã mã ashũkubaĩmiswẽ taea nukũ Shanẽ Ibu Jesus Cristo naiuria ana butuai mã uĩshanai mã manakubainaii.
Ẽ betsabu inũ ẽ puibuũ, matũ mae ewapa Corinto anu hikitã hãtxa hawẽrua kemu paewẽ matu yusĩ keãma Deusũ kakape uatiã hunebianikẽ shabakabi hakiri besti ẽ matu yusĩkubainiki.
Hanua yusĩnã betsã hãtxa hawẽrua yuiaya ha nĩkatã hatũ hãtxa abukĩ itxapabũ hawaira txibãtirubuki. Hakia ea matu anu kashũ yusĩ hãtxairã, unãnepa hãtxamis keskawẽ ẽ matu yusĩama iniki. Hamẽ haskama Deusũ Yushĩ Pepa inũ Deusũ kuxipa bestiwẽ ea amakĩ matu merabewamaya haska yurabu unãnepakĩ yusĩmisbu keskamawẽ ẽ matu ikũwãmani mã unaiĩ.
Ẽ matu anu keskakẽ Jesus ikũwaĩ matubus itxatã nukũ Shanẽ Ibu Jesus Cristõ hawẽ kuxipa matu inãyã
Haska xinãbuma yusĩnã betsabu Deusũ hãtxaki meseama kemukĩ pei besti binũ, iwanã, bukubaũkĩ yusĩmis keskama nukuburã, Deusũ nuku yunukĩ hawẽ kuxipa nuku inãkẽ matu parãma hãtxa txanima nũ matu yusĩayã hawẽ hãtxawẽ taea nũ Cristoki dasiabũ txanima Deusũ nuku pe uĩayã Jesus Cristokiri nũ yusĩkubaĩmiski.
Hakia hawa dakeama hawara huneshũ nũ aisma inũ, matxupakĩ tsua nũ paraĩsma inũ, Deusũ hãtxa hamakiri yuikĩ nũ betsa waismaki. Nũ haska wamiswẽ taea hiwekĩ nũ yusĩmis Deusũ unãyã hawẽ hãtxa nũ matu shabakabi yusĩkubaĩmiski, hau dasibibũ nukũ yusĩa nĩkatã hatũ xinã pewanũbunã.
Haskakẽ ana bake mixtĩbũ xinaĩ keska ana hiweyamakubainãkãwẽ. Eskaki, matu yuinũ nĩkakãwẽ. Huni betsa betsapabũ bake mixtĩbu beparanabu hawaira nĩkamisbuki. Nuku habiaskari wakĩ yura betsa parananãkĩ Deusũ yusĩa kayabi txibãma yusĩa bena watã matu yusĩaĩbu hatu nĩkakĩ hatũ hãtxa ikũwãkĩ bake mixtĩbũ hamapai tibi txibaĩ imis keskai ana iyamakubainãkãwẽ.
Hanua hushũ habiaskari kuxipawẽ hamapai dasibi meke keyumistũ nukũ yura babu atimapa betsa wakĩ benawashanikiki, hawẽ yura txasha keska nuku wariakinã.
Nũ haskakũkaĩkĩ nũ matu yusĩtanima xinã betsama ikũwã bestikĩ betsabu ikai keskama hatu binui mã hawa txĩtuãmawẽ taea hanu kupiaitiã nukũ Shanẽ Ibu Jesus ha nũ manaka huaya nukũ benima pae matuwẽ taeshũ tsuã nuku mebĩtiruma nũ unaiĩ. Haskai nũ benimaya matuwẽ taeshũ Deusũ nuku kẽwãshanikiki.
Ha huni txakabu hawẽ shanẽ ibu Satanásã kuxipa wakĩ merabewaya dami atimaska betsa betsapa wakĩ yurabu parãshanikiki.
Tsuabũra hatũ shenipabu hiwenibu tanakubainaibu inũ hatũ shenipabũ beya hawẽrua keska hatu yusĩ txakaibu hau nĩkayamanũbũwẽ, ha miyuirã, hamẽkirã. Haska yuimisbube hãtxanamei hau hamẽyamanũbũwẽ. Haska Deusũ abuai hawa hatu amakĩ merabewatirubumaki. Hakia Jesus Cristo ikũwãkĩ besti haska Deus yubakani abukĩ ikũwaĩ besti mã hiwetirubuki.
Hakia habu patapaibu inũ ikũwãbumã miyui hawama yuiaibu nĩkai hatu anu naxui ikama ikũkaĩwẽ. Hamẽ mia ikirã, haska Deusũ mia hiwemakatsis ikai pepai mimebi mĩ xinãnẽ mekei yurabu uĩmai hiwekũkaĩwẽ.
judeubũ beya miyui abubiamisbu natiã ana haska xinãma danaĩ ana yusĩa kayabiki petxitirubumakirã.
Habunã, matũ pei itxapa binũ ishũ txani hãtxa yusĩkĩ matu parãkĩ itxakawashãkanikiki. Haskanũbariaibu ma bebũkiri Deusũ hatu kupini hawa betsa waismawẽ taeshũ tsuã Deus hatu daewashũtirumawẽ taeshũ Deusũ hatu kupikatsi manayuikiki.
Txanima Epa Deusũ hawẽ bake hau yurabu mai hirabi anu hatu mekekubaĩshanũ yununi nukubũ uĩnishũ nũ shabakabi hakiri txanikũkaĩmiski.
Ha dukũ Adãowẽ pakea setewẽ hawẽ baba Enoquetiã ha yurabu txakabukiri bebũkiri Deus hãtxashũkĩ yuikĩ: “Uĩa. Yavé Deus huirã, hawẽ nai tsuma mirima tsuã hati tanatirumaya hushũ
Uĩa. Nai anua nukũ Shanẽ Ibu nai kuĩwẽ huai dasibibũ uĩshãkanikiki. Ha dikabi habũ hatu tenãmanibu inũ habũ danãmisbu mai hirabi anu manibaunabũ uĩ datei kashashãkanikiki. Haskashãkanikiki, txanimarã.