João 1:14 - Kaxinawá Bíblia (BR)

¹⁴ Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

Kashinawa : Diosun Jesúswen taexun yuba bena yiniki

¹⁴ Janua jawen Shinain Janchati yuda kayabi jayanun ika ainbu medanu naneima kaian Diosun bake bestichai ewatan nuku anua yumetan ewani jiwea jawen Epa Dios itsa kushipa duapajaida nun uinpauniki, nuikipa jaya inun chani chakatima jancha jayadan.

João 1:14 Referencias Cruzadas

Salmos 2:7

Senhor Deusũ haska wani ekiri shinaĩ matu yuinũ nĩkakãwẽ: “Ẽ hawẽ Katua ea yuikĩ: ‘Mĩ ẽ bakerã, natiã ẽ hiwea mia inãkĩ ẽ mia yunuaii.

Isaías 40:5

Mã ma haska washũkẽ hanushũ Shanẽ Ibũ hawẽ kushipa pepa hatu uĩmai huaya dasibi yurabu haki itxashũ uĩshãkanikiki. Hamebi Shanẽ Ibũ haska yuikiki”, ikaya

Isaías 53:2

Mai tsusĩhaira anu mibã tatxa uke merãhaira ka hawẽ pei benei pekaũmis keskai Senhor Deusũ hawẽ tsuma yumeai uĩkatsis ikikiki. Hawẽ yurarã, hawa hawẽruakĩ hatu hawẽ kemumakĩ betxipaimatiruma ishanikiki.

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Mateus 1:16

Jacõ bake betsarã, Mariã bene José inikiaki. Hanua Mariã bake betsarã, Jesus inikiaki, kenakĩ Messias Cristo nũ amisrã.

Lucas 2:11

Matũ shenipabu shanẽ ibuhaira Davĩ mae Belém anu haska Deusũ yubani matũ merabenã Shanẽ Ibu ma kaĩyãki, Cristo Messiasrã.

Lucas 9:32

Pedro inũ Tiago inũ João yura datsupe ika ushakatsis ibia ushama Jesus inũ ha dabe habe mapuabu uĩaĩbũ

João 1:1

Bawakĩ taewariama Deusũ Xinaĩ Hãtxati Epa Deusbe hiwea habiaska dabes Deus ipaunibukiaki, niti ikamarã. Hakiri matu yuinũ nĩkakãwẽ.

João 11:40

Jesusũ kemakĩ yuikĩ: —Ewẽ dateyamawe. “Ikũwãkĩ Deusũ kuxipa mĩ uĩaiĩ”, akĩ ẽ mia dama yuibirãshurã, xinãwẽ— akaya

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 14:9

—Filipeẽ, hatishũ ẽ matube hiwebiakũkainai mĩ ea unãriamamẽ? Txanima ea uĩkĩ Epa Deusri mã uĩaiĩ. Haskakĩ: “Epa Deus nuku uĩmawe”, akĩ mĩ ea yukai?

João 17:22

Haska mia inũ ea dasinishũ nũ habiaskas xinãmis keska wakĩ enabu habiaskari mĩ hatu xinãmashanũ, iwanã, mĩ kuxipa mĩ ea yununi ẽ ma hatu yunuaki.

João 17:24

—Epaã, mai damiwakĩ taewariama mĩ ea abukĩ ea txashakapa hawẽruawakĩ taewani mĩ habiaskari ea wai hau ebe hiwekĩ uĩshanũbũ habu mĩ ea yununi ebe hatu hiwemashãwẽ— iwanã,

João 18:37

hanushũ Pilatõs ana yuikĩ: —Haskakenã, txanima mĩ shanẽ ibu kayabiraka— aka Jesusũ ana yuikĩ: —Mĩ haska hari yuiairã, ẽ Shanẽ Ibu kayabiki. Haskanũ ika yurabube hiwei ẽ tashnikiraniki, hatu txanima kayabi meshtãmairã. Tsuabũra txanima hãtxa abukĩ ẽ hãtxa nĩkamisbuki— aka

João 2:11

haska wakĩ Caná Galiléia anushũ dami atimaska taewakĩ Jesusũ hawẽ kuxipa nuku uĩmakĩ taewaya hawẽ tsumabũ eskarabes ikũwãkĩ nũ taewaniki.

João 3:16

Jesusũ ana Nicodemos xinãmakĩ yuikĩ: —Yura betsa betsapa dasibi hiwebaunabuwẽ nuihairakĩ Deusũ eska xinãtã ea hawẽ bake bestitxai yunukĩ tashnimaniwẽ taeshũ tsuabũra ea ikũwãkĩ hawẽ hiwea kayabi benutima bitã mawa kayabiama Deusbe hiwekuĩshãkanikiki, ikibi ikirã.

João 3:18

Haskakẽ tsuãra Deusũ bake ikũwaĩbu Deusũ kupiamaki. Hakia tsuãra hawẽ bake bestitxai ikũwãmawẽ taeshũ Deusũ hatu danãtã kupishanikiki.

João 6:51

Nai anua butuni misi hiwearã, habia ẽ eaki. Tsuabũra na misi hiwea pikubaini hiwepakeshãkanikiki, ikibi ikirã. Na misi ẽ hatu inãshanairã, ẽ yura kayabiki. Haskawẽ taea na mai anu yurabu shukuabu tibi hawẽ hiwetirubuwẽ taeshũ ẽ yura kayabi ẽ hatu inãshanaii— akĩ hunea hãtxawẽ hatu yuiaya

Hechos 13:33

nuku ma ashuĩmaki, nũ hawẽ bababu anurã. Haska bebũkiri hawẽ xinãmati wakĩ shanẽ ibuhaira bena Deusũ katua tibi hau shanẽ ibui taenũ hawenabũ yunua hawẽ tsauti anu ainikubainibuki. Haska keskari wakĩ Deusũ hawẽ bake kayabi katua huni Salmos 2 anua yuiai keska wakĩ yuikĩ: “Mĩ ẽ bakerã, natiã ẽ hiwea mia inãkĩ ẽ mia yunuaii”, anirã, nuku ma ashuĩmaki.

Romanos 8:3

Deusũ Moisés yunukĩ hawẽ hãtxa kenemanirã, yurabu hatũ xinã babuwẽ taeshũ haska washũ txibãtirubumakẽ haska bebũkiri yubani yurabu babubu hau hatũ txakabu hatu buashuni mawayunũ, iwanã, hawẽ bake yura babu nukuna keska bimatã Deusũ yununiki. Jesus haskakiranishũ hawẽ mawa kayabimati Satanásã kuxipa mebĩkĩ Deusũ bakẽ maemaniki.

Romanos 9:5

Habiari nukũ shenipabu Israelbu anua Messias Cristo yura kayabitã tashniniki. Nukũ mekenika Deusũ dasibibu mekei shanẽ ibuhairamisrã, kẽwãkĩ heneyamakubainãkãwẽ. Haskakirã.

1 Coríntios 15:47

Ha dukũ huni Adão wakĩ Deusũ mai mixpu bishũ hawẽ yura damiwanikiaki. Hamẽ yura Cristorã, nai anua hui huni kuĩ yura bitã kainiki.

2 Coríntios 12:9

dabe inũ bestikiri ea yuikĩ: “Miwẽ nuikĩ ẽ mia duawamisrã, hatiwẽ besti mĩ benimatiruki. Isĩ tenei mĩ babubia mĩ ea dayashũkũkaĩkĩ ẽ kuxipa mĩ unãtiruki”, ea waniki. Haskakẽ yura babu haya Cristõ kuxipa hayakatsis iki haska emebi ẽ hawawatiruma ẽ hawẽ kẽtiruki.

Gálatas 4:4

Deus yubakakĩ hanu hawẽ bake yunutiwani menekĩ Deusũ hawẽ bake yunua hua aĩbukia kaĩtã Moisés yusĩniwẽ yumetã hatũ Moisés yusĩni txibãkĩ ha yurabu hawẽ mekeaibu hatũ kupiti nuku bishuãyã txanima kayabi Deusũ bakebu benimai nũ pepashanũbũ hawẽ bake shabakabi dami watã tashnimaniki.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

Colosenses 1:19

Deusũ hawẽ bake haska wakinã, ha hawẽ kuxipa inã keyukinã, haki dasibi txiti iyukatsi anikiaki.

Colosenses 2:3

Eskaki, matu yuinũ xinaĩrakãwẽ. Hawẽ unãnepati pepa inũ hawẽ tapĩti dasibirã, Cristo anu hayaki, haska Deusũ hakiri hunenirã.

Colosenses 2:9

Cristorã, Deusuna hasbia nukũ yura keskatã na mai anu uĩti xarai tashnikiraniki.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Hebreus 1:5

Deus hawẽ bakekiri hãtxani matu yuinũ nĩkakãwẽ. Deusũ hawẽ nai tsuma betsa yuikĩ: “Mĩ ẽ bakeki”, akĩ betsa yuitaskama inikiaki. Hakia hawẽ bake bestikiri hãtxairã, eskaniki: “Mĩ ẽ bakerã, natiã ẽ hiwea mia inãkĩ ẽ mia yunuaii”, aniki. Ha inũ, hawẽ nai tsumabukiri haska yuiamabia hawẽ bakekiri yuikĩ: “Earã, ẽ hatũ epa ikũkaĩshanaii, hawenarã. Harã, ẽ bake ikũkaĩshanikiki, enarã”, Deusũ arianiki. Hakia hawẽ nai tsumabu hawẽ bakebumawẽ taea haska hatu yuitaskama iniki.

Hebreus 10:5

Haskakẽ Jesus Cristo mai anu dami tashnimashũ yurabu yusĩkĩ taewakatsi hawẽ Epa Deus yuikĩ: “Epaã, yuinaka inũ shekiwã duru kuaibu besti mĩ ana abuamaki. Haskakẽ mĩ xinãwẽ ẽ akubaĩshanũ huni kuĩ yura mĩ ea inãniki.

Hebreus 2:11

Dasibibũ nũ Deus abukĩ txibaĩburã, nukũ Epa Deus meribitũ nuku hawẽ bakebu wakĩ nuku meribi wamiski. Haskawẽ taea hawẽ bake Jesus Cristo nukuki dakeama nuku kenakĩ: “Ẽ betsabuki”, ikĩ nukukiri yuimiski.

Hebreus 5:5

Habiaskari wakĩ Cristo ibubis katukui nuku hãtxashunika binua ibubis ikama iniki. Hakia Deusũ duawakĩ yuikĩ: “Mĩ ẽ bakerã, natiã ẽ hiwea mia inãkĩ ẽ mia yunuaii”, aniki.

1 João 4:14

Txanima Epa Deusũ hawẽ bake hau yurabu mai hirabi anu hatu mekekubaĩshanũ yununi nukubũ uĩnishũ nũ shabakabi hakiri txanikũkaĩmiski.

1 João 4:9

Jesus ikũwaĩ hawẽ taea nũ hiwea hayashanũbũ Deusũ hawẽ bake bestitxai yurabu anu yununiki, nukuwẽ nuikĩ nuku abuai nuku uĩmakinã.

2 João 1:7

Yusĩnã itxapabu parananaĩ mapushũ: “Jesus Cristo Deus anua tashnitanũ ika nukũ yura bitã kaĩama iniki”, ikĩ habũ ikũwãbumã hatu unãmakatsis ibiakĩ shabakabi hakiri txanikĩ yui pewabumaki. Ha habũ haskakĩ yuiaiburã, ha huni yusĩnãburã, hakiri parananãkanikiki. Haskabu anua hunĩ Jesus Cristo shanẽ ibu mebinũ ika haki sinatai haki beparamei tashniaki.

Apocalipse 19:13

Ha inũ, hawẽ tari sawearã, himiki pukua saweaki. Ha inũ, hawẽ kena betsarã, Deusũ Hãtxa Kayabiki.

Apocalipse 21:3

shanẽ ibu haki tsauti anushũ hui kuxipawẽ yuiai ẽ nĩkaya: “Uĩa. Na maerã, haki, ha merã yurabube Deus hiwepakeshanairã. Hawẽ hatube hiweirã, hawenabubes ishanikiki. Deus ha besti habũ mekenika ishanikiki.