João 1:15 - Kaxinawá Bíblia (BR)

¹⁵ Haska inũ, hawẽ Xinaĩ Hãtxati Joãonẽ Jesus unãtã João nĩkai beabu hãtxa kuxipawẽ hatu yuikĩ: —“Ha dukũ hiweniwẽ taea ea katxu kaĩbiaimashũ ea binuyushanikiki, shanẽ ibuhairakinã”, akĩ haskakiri ẽ matu yuikubainaii— akĩ Jesuskiri João hãtxashũkũkainiki.

Kashinawa : Diosun Jesúswen taexun yuba bena yiniki

¹⁵ Jaska inun, jawen Shinain Janchati Juanen Jesús unantan Juan ninkai beabu jancha kushipawen jatu yuikin: —“Ja dukun jiweniwen taea ea kachu kainbiaimaxun ea binuyuxanikiki, xanen ibujaidakinan”, akin jaskakidi en matu yuikubainaii— akin Jesúskidi Juan janchaxunkunkainiki.

João 1:15 Referencias Cruzadas

Provérbios 8:22

Senhor Deusũ mai inũ nai dasibi dami wakĩ taewariama ea dukũ ea tashnimaniki, ẽ unaneparã.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.

Mateus 3:11

iwanã, “Eãnã, hawẽ unãmati wakĩ henewẽ besti ẽ matu naximakubainaii. Hakia huni betsarã, kuxipahaira ea binũa txipu hushanikiki. Hawẽ tsumapã hawẽ daya ashũmis keska wakĩ ẽ hawẽ hawaumahairatũ eã merabewakĩ ẽ duawatirumaki, hawẽ bitxi tae meshpũ tsitsaukaĩ ẽ pekashũtirumarã. Hakia matu pepawakĩ Deusũ Yushĩ Pepa matu inãtã bika matu tenemakĩ matũ txakabu yamawashanikiki, txiwẽ hawara txakabu abuama kua keska wakinã.

Marcos 1:7

Hanushũ yurã kaiã hatu banabimakĩ: —Shanẽ ibu kuxipahaira betsã ea binũa ea katxu dama hushanikiki. Haskawẽ taeshũ mawaira ẽ kuxipa hayamatũ kakaĩ ẽ hawẽ hawaumahairatũ hawẽ bitxi tae meshpũ tsitsaushũ pekashũkĩ akawakĩ ẽ duawatirumaki.

Lucas 3:16

haskaibu Joãonẽ hatũ xinã unãkĩ dasibi hatu nemakĩ yuikĩ: —Txanima, eãnã hawẽ matu unãmati wakĩ henewẽ besti ẽ matu naximakubainaii. Hakia ha mã hakiri xinaĩnã, kuxipahairatũ ea binũa txipu huikiki. Kuxipahaira mesetũ ea binuhairawẽ taeshũ ẽ hawẽ hawaumahairatũ haska washũ hawẽ bitxi tae meshpũ pekakĩ merabewakĩ hawẽ dayaru itsakĩ kuxipa mirĩtũ ẽ ashũtirumaki. Hakia hatũ matu pepawakĩ Deusũ Yushĩ Pepa matu inãtã bika matu tenemakĩ matũ txakabu buakĩ yamawa keska washanikiki, hawara txakabu abuama txiwẽ kua keska wakinã.

João 17:5

Epaã, eskatianã, mai nũ damiwariama mĩ besuũbia ẽ shanẽ ibui taeaitiã ẽ txashakapa hawẽrua hayani keska habias ea inãshãwẽ.

João 8:58

—Txanima ẽ matu yuiaii. Abraão hayariama ea dukũ ẽ ikibi ini ẽ ikũkainaii— hatu waiwẽ taeshũ

Colosenses 1:17

Haska inũ, hamapai betsa betsapa Deusũ damiwariama Cristo hiwepaunikiaki. Hawẽ taeshũ dasibi damiwanishũ pewakĩ keyunishũ heneama mekekubaĩmiski.

Hebreus 13:8

Ha inũ, Jesus Cristorã, hawa maei betsaisma habiaskaski, uatiã inũ, natiã ikai inũ, ipakeshanairã.

Apocalipse 1:11

tsuãra ea yuikĩ: “Hawara ẽ mia uĩmai unaki keneshũ Ásia mai pakea anu ha sete yusĩnanaĩ itxamisbu tibi anu bumashãwẽ, Éfeso anu inũ, Esmirna anu inũ, Pérgamo anu inũ, Tiatira anu inũ, Sardes anu inũ, Filadélfia anu inũ, Laodicéia anurã”, ea waya

Apocalipse 2:8

Ana Jesusũ ea yuikĩ: “Ha hatũ Deusũ hãtxa yuinika Esmirna anu itxamisbu mekea anu na hãtxa ẽ mia yuiai keneshũriwe: ‘Earã, ea dukũ ẽ hiweni inũ ẽ hawẽ henea debesekeaki. Mawabiatã ẽ ana bestẽni ẽ hiweatũ ẽ matu yuiai nĩkakãwẽ.