1 Coríntios 2:4 - Kaxinawá Bíblia (BR)

^4-5 Hanua yusĩnã betsã hãtxa hawẽrua yuiaya ha nĩkatã hatũ hãtxa abukĩ itxapabũ hawaira txibãtirubuki. Hakia ea matu anu kashũ yusĩ hãtxairã, unãnepa hãtxamis keskawẽ ẽ matu yusĩama iniki. Hamẽ haskama Deusũ Yushĩ Pepa inũ Deusũ kuxipa bestiwẽ ea amakĩ matu merabewamaya haska yurabu unãnepakĩ yusĩmisbu keskamawẽ ẽ matu ikũwãmani mã unaiĩ.

Kashinawa : Diosun Jesúswen taexun yuba bena yiniki

^4-5 Janua yusinan betsan jancha jawendua yuiaya ja ninkatan jatun jancha bechipaikin ichapabun jawaida chibantidubuki. Jakia ea matu anu kaxun yusiin janchaidan, unanepa janchamis keskawen en matu yusianma iniki. Jamen jaskama Diosun Yushin Pepa inun Diosun kushipa bestiwen ea amakin matu medabewamaya jaska yudabu unanepakin yusinmisbu keskamawen en matu ikunwanmani man unaiin.

1 Coríntios 2:4 Referencias Cruzadas

Provérbios 20:19

Matxupa yuanãtũ ikaibu hawaira kaka pawabaũmisbuki, hawa hatu huneshunamarã. Haskabuberã, hatube ibunanãyamakubaĩkãwẽ.

Provérbios 7:21

hãtxa hawẽruawẽ yuikubaĩkĩ heneama ha berunã hawẽ shinã betsa wa

Hechos 26:28

Agripã kemakĩ: —Mĩ xinãnẽ, mĩ hawaira ea Cristo txibãmakatsis ikai?— aka

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

Romanos 15:19

Deusũ Yushĩ Pepatũ kuxipawẽ hawara atimaska yurabũ atirubuma dami betsa betsapa haskabiamawakĩ ea wama ẽ akeakeaya hawẽ taea kuxipakĩ kakape Jesus Cristokiri hatu yusĩkinã, haska Israelbuma betsa betsapaburi ẽ hatu txibãmakubainima besti ẽ matu yuiaii. Hanushũ taewakinã, Jerusalém mae anushũ ẽ taewaxina mae tibi iake iaketãkaini hari mai pakea betsa Ilírico anu ẽ txĩtũtãyamaki.

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

1 Coríntios 1:17

Hamẽ ea yunukĩ: “Ea ikũwãtã hatũ txakabu henekatsis ikaibu naximakubaĩwẽ”, iwanã, Cristõ ea yunuama iniki. Hakia ea yunukĩ: “Ekiri kakape besti datã akĩ hatu yusĩkubaĩwẽ”, akĩ ea nitxĩniki. Matu yusĩ kashũ yusĩnã betsabu hãtxa hawẽrua besti hãtxamisbu keskakĩ eari matu anu kashũ Cristo kẽwãma mã ea kẽwãnũbũ ẽ matu yusĩnirã, hamẽ Cristo cruzkia nukuwẽ taea mawanirã, hawẽ kuxipa hakimawakĩ hamẽ ẽ matu yusĩkeaniki.

1 Coríntios 2:1

Ẽ betsabu inũ ẽ puibuũ, matũ mae ewapa Corinto anu hikitã hãtxa hawẽrua kemu paewẽ matu yusĩ keãma Deusũ kakape uatiã hunebianikẽ shabakabi hakiri besti ẽ matu yusĩkubainiki.

1 Coríntios 2:13

Nukũmebi hãtxa tapĩ unãnepanishũ nũ matu akama hakia nuku hãtxairã, haska Deusũ Yushĩ Pepatũ nuku yusĩmiswẽ nũ matu amiski, haska matu meshtamakinã. Deusũ Yushĩ Pepatũ xinã inũ hawẽ hãtxa besti nũ matu yusĩkubainaii.

1 Coríntios 4:20

Hanua matu anua Deus shanẽ ibuairã, hãtxawẽ besti mã hatu uĩmatirumaki. Hakia matũ hiwea Deusũ ma betsa wakẽ hawẽ kuxipa mã ma haya uĩtirubuki.

2 Coríntios 6:6

Haska inũ, nukũ hiwea pepa kayabi nũ hatu uĩmairã, tsua parãma inũ, unãnepai sinatama txanima nũ ikũ kayabi ikai Deusũ Yushĩ Pepatũ kuxipaya nũ Deusũ tsumabu txanima nui kayabi nũ hiwekũkaĩmiski.

Gálatas 1:10

Matũmebi xinã pewakãwẽ. Tsua ẽ benimawaimẽkainã? Ea ikirã, yurabu ẽ datã akĩ kẽwãmakatsi ikamaki. Hakia Deus besti datã akĩ ẽ hatu kẽwãmakatsis ikaii, yurabũ hau ea kẽwãnũ hatu abumairã. Haska abuaibu keska ẽ hatubetã pewakeanaii. Hatubetã haska akirã, ẽ Cristõ tsuma ikeanamaki.

Colosenses 2:4

Haska matu yuikinã, hau ana tsuãra yusĩa betsawẽ ana matu parãyamanũbũ Cristo besti unãnepahairakiri ẽ haska matu banabimaii.

1 Pedro 1:12

Ha Messiaskiri hatu txanimakĩ hau Deusũ hãtxa yuishunikabũ ibubis Deusũ yusĩa nĩkatã hakiri hatuna besti watirubuma Deusũ habu txipu hiweshanaiburi hau habũri hakiri unãshanũbũ, iwanã, habu matu kenemashuniki, matu merabewakinã. Messias Cristokiri kakape matu unãmakatsi ikĩ hawẽ Yushĩ Pepa naiuria yunua hanushũ Jesuskiri yusĩnã betsabũ hakiri datã akĩ matu unãmakubaunibuki. Na habias kakape matu yusĩaĩbu Deusũ nai tsumabũri ana tapĩpai iriakanikiki.

2 Pedro 1:16

Nukũ Shanẽ Ibu Jesus Cristo kuxipahairai ana hushanaikiri shabakabi matu yusĩkĩ hawẽ beparãti miyui hawẽrua nũ matu yuiama iniki. Hakia nukũ Shanẽ Ibu kuxipai txashahairai ibubis nukũ beruwẽ uĩnishũ matu parãma nũ matu yuiniki.

2 Pedro 2:18

Hawara hãtxakĩ yuiaibu hawẽrua kemutapabia hamẽki. Habũ dama ikũwãkĩ taewaxina mestẽriabuma ha txakabukiri yusĩkĩ txanima hãtxa hatu henemakanikiki, hatũ yura atimapa betsa betsapatikiri hatu yusĩtxakakinã.

Juízes 14:15

ana shaba betsatiã Sansãonẽ aĩ yuikĩ: —“Hawẽ hunea unãmati hawamẽkaĩ”, nũ unãmaki. Mĩ benẽ hau mia yuinũ miãri nuku tapĩshũwẽ. Mĩ nuku ashuãma mia inũ mĩ epã enabu nũ matu menukĩ keyushanaii. Nukũ tari nuku biã bestinũ, iwanã, mã nuku itxawashinaraka— akabu

Juízes 16:5

Filisteu nawa shanẽ ibubu Dalila uĩ kashũ yuikĩ: —Sansão beparãtã hania hawẽ kushipahaira huimẽkaĩ? nuku tapĩshũwẽ. Haska watã atxishũ nũ nea ana pashamakẽ nũ maematirumẽkainã. Haska wakĩ txanima mĩ nuku tapĩshuna nukũri bestibu tibi mia duawakĩ 1.100 prata pei heshe nũ mia inãshanaii. Nukũ hãtxa ikũwãkĩ nuku pewashũwẽ— akĩ haska yubatã txĩtũbainabũ