2 Pedro 2:3 - Kaxinawá Bíblia (BR)

³ Habunã, matũ pei itxapa binũ ishũ txani hãtxa yusĩkĩ matu parãkĩ itxakawashãkanikiki. Haskanũbariaibu ma bebũkiri Deusũ hatu kupini hawa betsa waismawẽ taeshũ tsuã Deus hatu daewashũtirumawẽ taeshũ Deusũ hatu kupikatsi manayuikiki.

Kashinawa : Diosun Jesúswen taexun yuba bena yiniki

³ Jabunan, matun pei ichapa binun ixun chani jancha yusinkin matu padankin ichakawaxankanikiki. Jaskanunbadiaiabu ma bebunkidi Diosun jatu kupini jawa betsa waismawen taexun tsuan Dios jatu daewaxuntidumawen taexun Diosun jatu kupikatsi manayuikiki.

2 Pedro 2:3 Referencias Cruzadas

Isaías 60:22

Mã yura itxapama shuku pishtabia pairã, 1.000ti tibi matu tanashãkanikiki. Mã itxapama pishtabia mã maewã tsekashanaii. Haska ẽ yubanirã, ea Senhor Deusũ akatsi ẽ txanini ishanikiki, hanu hatiãra tashniaitiã hawaira ikirã, haskashanikiki”, inikiaki.

Miquéias 3:11

Shanẽ ibu beshmas unãti wanikabũ nukũ mae anushũ hune pei bikatsi hatũ txakabu pewakĩ hatu parãmisbuki. Deusbe nukunabu hãtxashunikabũ hatu yusĩkinã, pei binũ ishũ besti hatu yusĩkubaĩmisbuki. Hamẽ Deusũ hãtxa yuishunikabũ Senhor Deusũ haska akaiwẽ benimawai dabanẽ Deusũ unãmashina yuikatsi pei bitã hatu yuikĩ: “Nukũ shanẽ ibu Senhor Deusrã, nukubeki, nuku mekekubainairã. Nuku merabewamiswẽ taea hawa txakabu nuku anu hutirumaki”, iwanã, “hatu yuimisbuki.

Habacuque 3:3

“Mikiri eska yui nũ kãtamiski: ‘Mae kesuakea Temã anua Deus ma huikiki. Mati Parã anua nukũ Deus meribi ma huikiki. Deus txashakapatũ nai hirabi txasha waya mai hirabi anushũ Deus kẽwaĩ hakiri kãtakubaĩmisbuki.

Malaquias 1:10

“Matuwẽ ẽ hawa benimamaki. Inabu tesẽshũ txiwẽ mã ea menushũbia ana benimama ẽ danãkubaĩshanaiwẽ taeshũ ẽ kẽwãti txi tapu anu hanu mã hamẽ ana txi keti wayamashanũbũ eki nukuti Templo hemaĩtĩ mishki kenebaunibu hikiti shui beputi tibi tsuã mã beputirumẽkaĩ? iwanã, ẽ shinaiĩ.

Lucas 20:20

haskawẽ unãti watã txitetã Romano shanẽ ibu Pilatos anu ha amakatsi Jesus paranũ ishũ huni betsabu Jesusũ unãriama judeubũ hatu yunukĩ hau huni pepa itsakĩ habũ unãti watã Jesus yukakĩ yuimakatsi nawa shanẽ ibu hau atximashanũ yunuabu

Lucas 22:47

Jesus hawẽ tsumabube hãtxa meneriama huni itxapabube Judas hui hatu bebushũkirani Jesuski nukutuxitã tãtsu akaya

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

2 Coríntios 2:17

Haska xinãbuma yusĩnã betsabu Deusũ hãtxaki meseama kemukĩ pei besti binũ, iwanã, bukubaũkĩ yusĩmis keskama nukuburã, Deusũ nuku yunukĩ hawẽ kuxipa nuku inãkẽ matu parãma hãtxa txanima nũ matu yusĩayã hawẽ hãtxawẽ taea nũ Cristoki dasiabũ txanima Deusũ nuku pe uĩayã Jesus Cristokiri nũ yusĩkubaĩmiski.

1 Tesalonicenses 2:5

Haska wakĩ hãtxa hawẽrua bestiwẽ hau hawẽ mã nuku kẽwãnũbũ nũ matu parãma ikima mã unaiĩ. Ha inũ, matu parãtã pei binũ, iwanã, nũ matu yusĩama ikima Deusũ unãriaikiki.

1 Tesalonicenses 5:3

Haskakẽ ana hawaki yurabu dateama yuikĩ: “Unanuma hiwei hawaki mesei dateama hiwekubainãkãwẽ”, ikubaini ana hawaki mesei dateabumakẽ Jesus ana niti ikama hawairakirã hatu kupishanikiki, aĩbu bake kaĩnũ ika isĩ berukutã ana maiãma kaĩmis keskairã.

1 Timóteo 3:3

Ha dikabi eska tibi meama xinãmisburã, paẽakiri xinaĩsbuma inũ, detenamekatsi ikĩ xinaĩsbuma inũ, mabu inũ peiwẽ kemuisbuma inũ, duapakatsis iki pepamisbu itirubuki.

1 Timóteo 3:8

Habiaskari wakĩ merabewanikabu katukinã, eskari akubaĩkãwẽ. Hunibũ hakiri pe xinaĩ haki kasheisbuma inũ, hawara yubaka bestitã kaneisbuma inũ, paeĩsbuma inũ, hatu beparãtã pei inũ hatũ mabu ibubis binumatã itxawaisbuma hau ikubainũbũwẽ.

1 Timóteo 6:5

yura betsa betsapabube hatũ yusĩa hãtxa kayabi unãbumabe kemanamei heneisma inũ haska ikũwãkĩ yusĩaĩwẽ taeshũ pei itxapa bitikiri xinãkanikiki. Hatu uĩrakubaĩwẽ.

Tito 1:11

Hatu yusĩ pewabumabia hatũ mabu biã xaranũ ika peiwẽ kemukĩ hiwe anua yura betsa hawenabuya hatu xinã betsa wamakĩ hatu parãbiabu hatu nĩkakanikiki. Haskawẽ taeshũ mekenikabũ mibetã yusĩkĩ hau hatu nemakubainũbũwẽ.

Tito 1:7

Ha daya pepa ikatsi ikĩ hatu bebushunũbũ mĩ hatu katutirurã, bebukĩ Deusũ enabu hatu mekemakatsi ikĩ haska tibi Deusũ abuai akatsi ikaibu hatu katukĩ yunukinã, hatũ hiwea hawa txakabu hayama pe besti ikubainaibu hatu akubaĩwẽ. Hatũ xinã betsa maewatirubuma akama inũ, sina besu akama inũ, paẽkatsis imisbu inũ, hãtxawẽ hatu bekũyã amisbu inũ, hatu beparãtã hatũ pei inũ hatũ mabu ibubis binumatã pei itxawamis haskabu uĩtã katutimaki.

1 Pedro 2:8

Ha dikabi Deusũ na eskakiri Isaías yuikĩ: “Haki huti itã tĩ iti mixkiki, hawẽ hatu sinatamatirã”, ani keskariai tsuabũra ha hãtxa hakiri kakape nĩkatã txibãkatsi ikama danaĩ haki huti itã haki sinatai keskabu Deusũ habu kupishanikiki.

1 Pedro 5:2

Deusũ enabu txashuwã keska matube hiweabu Deusũ matu yununi hatu mekeirakubaĩkãwẽ, mã haska pe xinãkĩ hatu merabewakatsi ikairã, haska Deusũ abuai keska wakinã. Hatu yunu bestiama inũ pei binũ ika kemuama hakia xinã tibi wama pe bestiwẽ nuikĩ hatu pe mekekĩ ashũkubaĩkãwẽ.

2 Pedro 1:16

Nukũ Shanẽ Ibu Jesus Cristo kuxipahairai ana hushanaikiri shabakabi matu yusĩkĩ hawẽ beparãti miyui hawẽrua nũ matu yuiama iniki. Hakia nukũ Shanẽ Ibu kuxipai txashahairai ibubis nukũ beruwẽ uĩnishũ matu parãma nũ matu yuiniki.

2 Pedro 2:1

Israelbu ẽ shenipabu anu Deusũ hãtxa yuishunika matxupa naxui ika hayanibuki. Habiaskariai matu anuri yusĩnã matxupa matu naxui iria hayabuki. Habu hatũ hãtxa hawẽruabia hatũ xinã txakabuwẽ matu daũkĩ akawakanikiki, nukũ Shanẽ Ibũ ma nuku meketi pewabianikẽ hawẽ kuxipa danaĩ parananaĩburã. Haska matu yusĩkĩ husiaibu Deusũ hawaira hatu kupishanikiki.

2 Pedro 2:9

Noé inũ Ló Deusũ pashawanishũ tsuabura hawenabu ikatsis ikĩ hatũ hiwea Deus inãmisburã, hawẽ taeshũ hawara bika tibi hatu memabiaibũ nukũ Shanẽ Ibũ unãkĩ hatu txakabu binumariakubaĩtiruki. Hamẽ habu txakabumisburã, hanu bari hawẽ heneaitiã hatu unãti watã hatu kupishanai unãriaikiki.

Judas 1:11

Uĩa. Habu ikirã, Caim hawẽ betsa tenãni keska ha txibãkĩ txakabuwakanikiki. Haska inũ, huni betsa Balaão pei binũ ika kemui ini keskariakĩ Deusũ bai kayatapia benui yusĩnã betsabu parananaĩ peiwẽ kemuriakanikiki. Haska inũ, huni betsa Corã Deusũ yunua danaĩ benuni keskai ha parananãmisbu habu mawariai pemashãkanikiki.

Judas 1:15

yurabu dasibi hatu unãti wakĩ habuã txakabu betsa betsapa amisbu inũ hatũ hãtxa pemawẽ Deuskiri yuimisbu Deusũ hatu kupishanikiki”, ani

Judas 1:16

habias keska menei hawara tibi abuama ha iki yuãnanaĩ hawarawẽ ibubis hawenas benai benimanũ ika hatũ kemu pae besti txibaĩ inũ keĩ mia akaitũ besu wakĩ dasibibu hatu binumakĩ maemaikiki, hatu kẽwãmairã.

Judas 1:4

Ha inũ, ha bebũkiri ha yurabukiri Deusũ hawẽ hãtxa hatu kenemani habu parananãmisbu kupinũbariai habias yuini keska na habiatiã yurabu betsa betsapa hune txakabu hayabia matube itxai unãtinãtã hatũ txakabu henekatsi ikama habũ xinãwẽ matu parãkĩ yuikĩ: “Deus pepatunã, hawara txakabu mã wabiaya matũ txakabu buatã kupiama ishanikiki”, akĩ hamapai atimapa matu yusĩ hatũ hiwea pewai beshtekekatsi ikama Jesus Cristo besti nukũ Shanẽ Ibubiakẽ hawẽ kuxipa danãkanikiki.

Judas 1:7

Ha hawẽ nai tsumabu hatu ashanai keskari wakĩ nawabu Sodoma inũ Gomorra mae ewapa inũ hatu dapi mae urama anu hiweabu txutawẽ kemukĩ hunibu habe hunibe txutanameaibu Deusũ hatu kupikĩ hawẽ yusĩa danaĩbu txi nukaismawẽ hatu kupishanai keska wakĩ shabakabi Sodoma inũ Gomorra hatu kupinikiaki, habias nukubũri dasibibũ hatuwẽ taeshũ nũ unãshanũbũ hatu kupikinã.