2 Pedro 1:16 - Kashinawa : Diosun Jesúswen taexun yuba bena yiniki

¹⁶ Nukun Xanen Ibu Jesucristo kushipajaidai ana juxanaikidi xabakabi matu yusinkin jawen bepadanti miyui jawendua nun matu yuiama iniki. Jakia nukun Xanen Ibu kushipai chaxajaidai ibubis nukun beduwen uinixun matu padanma nun matu yuiniki.

Kaxinawá Bíblia (BR)

¹⁶ Nukũ Shanẽ Ibu Jesus Cristo kuxipahairai ana hushanaikiri shabakabi matu yusĩkĩ hawẽ beparãti miyui hawẽrua nũ matu yuiama iniki. Hakia nukũ Shanẽ Ibu kuxipai txashahairai ibubis nukũ beruwẽ uĩnishũ matu parãma nũ matu yuiniki.

2 Pedro 1:16 Referencias Cruzadas

Mateus 16:27

Jamen en matun Juchi Kayabi Iyuadan, en Epan kushipaya Xanen Ibui jawen nai tsumabube ana juxun tsuabunda ea chibain jiwei pemisbu inun chakabumisbu jabu tibi en jatu manakuxanaii, pepa inun chakabuwenan— iwanan

Mateus 16:28

—Chanima en matu yuiai ninkakanwen. Na jabia man ebe mapuabudan, man betsa betsapa mawadiamaken en matun Juchi Kayabi Iyua en matu Xanen Ibui taexunai man uinxanaii— nuku aniki.

Mateus 17:1

Janua 6 día binuaya Pedro inun Santiago inun Santiagon betsa Juan Jesúsun jatu dapaxkabainkin iyui kai mati keyatapajaida jatube mapeketan

Mateus 24:27

Jakia en matun Juchi Kayabi Iyua en ana eskakidanxanai matu yuinun ninkakanwen. Jawaida uke bukun kana bedi iki bakamis keskatan en ana juai dasibibun ea uinxankanikiki.

Mateus 24:3

Olivos Mati anu mapeketan Jesús tadi ka tsauken nun jawen tsumabun june yukakin: —Ja mishki jiwe tekekin pudekin keyuxanaibu min nuku yuixudan, ¿mia yukapa? ¿min ma mai jidabi jawen jenei keyuaitian min ana juaxanai kemai taeai jaskai nun unantidumenkain? Nuku yuiwe— nun wa

Mateus 28:18

Jesús nukuki kematan nuku jancha wakin yuikin: —Jawen kushipa ea inankin jawada nai anua inun jawada mai anua mekekin en yunukubainxanun En Epan ea Xanen Ibu waniki.

Marcos 13:26

en matun Juchi Kayabi Iyua xanen ibui kushipajaidai chaxajaida nai anua nai kuin medanua en juai uiainbun

Marcos 14:62

—Jaa. Jaska min ekidi yuiaidan, en jaki. Epa Dios kushipajaidatun jawen yusiudi en tsaua matun Juchi Kayabi Iyua nai kuinwen en juai man ea uinxanaii— ikaya

Lucas 9:43

Diosun pepa kushipawen Jesúsun jatu uinmakubainaiwen taea dasibi e iki Jabaa! ike ikeaibun janua Jabaa! iki mapuabun jawen tsumabu besti Jesúsun yuikin:

João 1:14

Janua jawen Shinain Janchati yuda kayabi jayanun ika ainbu medanu naneima kaian Diosun bake bestichai ewatan nuku anua yumetan ewani jiwea jawen Epa Dios itsa kushipa duapajaida nun uinpauniki, nuikipa jaya inun chani chakatima jancha jayadan.

João 17:2

Mai jidabi anua jawen yudabu dasibi yunuti kushipa min bake min ea inaniwen min jatu katuni en jatu jiwekuinmaxanaii.

Romanos 1:4

Janua Jesús tenanbu mawashina jawen Yushin Pepabetan jawen kushipawen Diosun bestenwantan: “Nadan, en bake kushipajaida dasibi binuaki”, akin Jesucristokidi nuku xabakabi unanmaniki.

1 Coríntios 1:17

Jamen ea yunukin: “Ea ikunwantan jatun chakabu jenekatsis ikaibu nashimakubainwen”, iwanan, Criston ea yunuama iniki. Jakia ea yunukin: “Ekidi kakape besti datan akin jatu yusinkubainwen”, akin ea nichiniki. Matu yusin kaxun yusinan betsabu jancha jawendua besti janchamisbu keskakin eadi matu anu kaxun Cristo kenwanma man ea kenwanunbun en matu yusinidan, jamen Cristo cruzkia nukuwen taea mawanidan, jawen kushipa jakimawakin jamen en matu yusinkeaniki.

1 Coríntios 1:7

Jaskaken man Dios ikunwainbun jamapai jawen aka tibi Diosun matu inankubainai jayatan man axunkubainmiswen taea nukun Xanen Ibu Jesucristo naiudia ana butuai man uinxanai man manakubainaii.

1 Coríntios 2:1

En betsabu inun en puibuun, matun maewan Corinto anu jikitan jancha jawendua kemu paewen matu yusin keanma Diosun kakape uatian junebianiken xabakabi jakidi besti en matu yusinkubainiki.

1 Coríntios 2:4

Janua yusinan betsan jancha jawendua yuiaya ja ninkatan jatun jancha bechipaikin ichapabun jawaida chibantidubuki. Jakia ea matu anu kaxun yusiin janchaidan, unanepa janchamis keskawen en matu yusianma iniki. Jamen jaskama Diosun Yushin Pepa inun Diosun kushipa bestiwen ea amakin matu medabewamaya jaska yudabu unanepakin yusinmisbu keskamawen en matu ikunwanmani man unaiin.

1 Coríntios 5:4

En matu anu keskaken Jesús ikunwain matubus ichatan nukun Xanen Ibu Jesucriston jawen kushipa matu inanyan

2 Coríntios 2:17

Jaska shinanbuma yusinan betsabu Diosun janchaki meseama kemukin pei besti binun, iwanan, bukubaunkin yusinmis keskama nukubudan, Diosun nuku yunukin jawen kushipa nuku inanken matu padanma jancha chanima nun matu yusianyan jawen janchawen taea nun Cristoki dasiabun chanima Diosun nuku pe uianyan Jesucristokidi nun yusinkubainmiski.

2 Coríntios 4:2

Jakia jawa dakeama jawada junexun nun aisma inun, machupakin tsua nun padainsma inun, Diosun jancha jamakidi yuikin nun betsa waismaki. Nun jaska wamiswen taea jiwekin nun yusinmis Diosun unanyan jawen jancha nun matu xabakabi yusinkubainmiski, jau dasibibun nukun yusian ninkatan jatun shinan pewanunbunan.

Efésios 4:14

Jaskaken ana bake mishtinbun shinain keska ana jiweyamakubainankanwen. Eskaki, matu yuinun ninkakanwen. Juni betsa betsapabun bake mishtinbu bepadanabu jawaida ninkamisbuki. Nuku jabiaskadi wakin yuda betsa padananankin Diosun yusian kayabi chibanma yusian bena watan matu yusiainbu jatu ninkakin jatun jancha ikunwankin bake mishtinbun jamapai tibi chibain imis keskai ana iyamakubainankanwen.

Filipenses 3:21

Janua juxun jabiaskadi kushipawen jamapai dasibi meke keyumistun nukun yuda babu atimapa betsa wakin benawaxanikiki, jawen yuda chaxa keska nuku wadiakinan.

1 Tesalonicenses 2:19

Nun jaskakunkainkin nun matu yusintanima shinan betsama ikunwan bestikin betsabu ikai keskama jatu binui man jawa chintuanmawen taea janu kupiaitian nukun Xanen Ibu Jesús ja nun manaka juaya nukun benima pae matuwen taexun tsuan nuku mebintiduma nun unaiin. Jaskai nun benimaya matuwen taexun Diosun nuku kenwanxanikiki.

2 Tesalonicenses 2:9

Ja juni chakabu jawen xanen ibu Satanásan kushipa wakin medabewaya dami atimaska betsa betsapa wakin yudabu padanxanikiki.

1 Timóteo 1:4

Tsuabunda jatun xenipabu jiwenibu tanakubainaibu inun jatun xenipabun beya jawendua keska jatu yusin chakaibu jau ninkayamanunbunwen, ja miyuidan, jamenkidan. Jaska yuimisbube janchanamei jau jamenyamanunbunwen. Jaska Diosun bechipaiai jawa jatu amakin medabewatidubumaki. Jakia Jesucristo ikunwankin besti jaska Dios yubakani bechipaikin ikunwain besti man jiwetidubuki.

1 Timóteo 4:7

Jakia jabu patapaibu inun ikunwanbuman miyui jawama yuiaibu ninkai jatu anu nashui ikama ikunkainwen. Jamen mia ikidan, jaska Diosun mia jiwemakatsis ikai pepai mimebi min shinanen mekei yudabu uinmai jiwekunkainwen.

Tito 1:14

judiobun beya miyui bechipaibiamisbu natian ana jaska shinanma danain ana yusian kayabiki pechitidubumakidan.

2 Pedro 2:3

Jabunan, matun pei ichapa binun ixun chani jancha yusinkin matu padankin ichakawaxankanikiki. Jaskanunbadiaiabu ma bebunkidi Diosun jatu kupini jawa betsa waismawen taexun tsuan Dios jatu daewaxuntidumawen taexun Diosun jatu kupikatsi manayuikiki.

1 João 4:14

Chanima Epa Diosun jawen bake jau yudabu mai jidabi anu jatu mekekubainxanun yununi nukubun uinixun nun xabakabi jakidi chanikunkainmiski.

Judas 1:14

Ja dukun Adánwen pakea 7wen jawen baba Henoctian ja yudabu chakabukidi bebunkidi Dios janchaxunkin yuikin: “Uian. Yavé Dios juidan, jawen nai tsuma midima tsuan jati tanatidumaya juxun

Apocalipse 1:7

Uian. Nai anua nukun Xanen Ibu nai kuinwen juai dasibibun uinxankanikiki. Ja dikabi jabun jatu tenanmanibu inun jabun dananmisbu mai jidabi anu manibaunabun uin datei kaxaxankanikiki. Jaskaxankanikiki, chanimadan.