Lúcás 3 - Tiomna Nua 1951 (de Siúnta)

¹ Agus sa gcúigeadh bliadhain déag de réimeas Thiberius Céasar, an tráth ’n‐a raibh Point Píoláid ’n‐a cheannphort ar lúdaea, agus Ioruath ’n‐a thetrarcha ar an nGaililé, agus Pilib a dhearbhráthair ’n‐a thetrarcha ar Itúraea agus ar Thrachónítis, agus Lusanias ’n‐a thetrarcha ar Abiléne,

² nuair do bhí Annas agus Cáiafas ’n‐a h‐árd‐shagartaibh, tháinig briathar Dé chum Eoin mac Shachariais sa bhfásach.

³ Agus tháinig sé isteach sa gceanntar i dtimcheall Iornán, ag fógairt baistidh na h‐aithrighe chum maitheamhnais na bpeacadh;

⁴ mar atá scríobhtha i leabhar Ésáiais fáidh, Guth an té ag glaodhach sa bhfásach, Réidhtighidh slighe an Tighearna, Déanaidh a chosáin díreach,

⁵ Líonfar gach gleann, Agus ísleochar gach sliabh agus cnoc; Agus díreochar an cam, Agus déanfar na slighthe garbha réidh;

⁶ Agus do‐chífidh an uile fheoil slánú Dé.

⁷ Adubhairt sé, d’á bhrigh sin, leis an sluagh do chuaidh amach chum go mbaistfeadh sé iad, A shliocht na nathrach nimhe, cia d’fhógair dhaoibh‐se teicheadh ó’n díbhfeirg atá le teacht.

⁸ Tabhraidh uaibh, d’á bhrigh sin, torthaí oireas do bhúr n‐aithrighe, agus ná tosnuighidh ar a rádh libh féin, Atá Abracham ’n‐a athair againn: óir adeirim libh, gur féidir le Dia sliocht d’Abracham do thógáil ó na clochaibh sin.

⁹ Agus cheana féin atá an tuagh curtha ar fhréimh na gcrann: gach uile chrann, d’á bhrigh sin, nach dtugann toradh maith uaidh, gearrtar é, agus caithtear sa teinidh é.

¹⁰ Agus d’fhiafruigh an sluagh uile dhe, g‐á rádh, Má’s eadh, créad atá le déanamh againn?

¹¹ Agus d’fhreagair seisean agus adubhairt sé leo, An té ag a bhfuil dhá chasóig, tabhradh sé do’n té nach bhfuil casóg aige; agus an té ag a bhfuil biadh, déanadh sé mar an gcéadna.

¹² Agus tháinig poibleacáin chuige, leis, chum go mbaistfidhe iad, agus adubhradar leis, A Mháighistir, créad atá le déanamh againne?

¹³ Agus adubhairt sé leo, Ná h‐éilighidh níos mó ’ná an méid atá dlisteanach.

¹⁴ Agus do chuir saighdiúirí ceist air, leis, g‐á rádh, Agus créad atá le déanamh againne? Agus adubhairt sé leo, Ná déanaidh foiréigean ar aoinneach, agus ná h‐agraidh éinnidh go h‐éagcórach; agus bidhidh sásta le n‐bhúr dtuarastal.

¹⁵ Agus nuair do bhí na daoine ag feitheamh, agus iad uile ag machtnamh ’n‐a gcroidhthibh i dtaobh Eoin, arbh fhéidir gurbh é an Críost é;

¹⁶ d’fhreagair Eoin, agus adubhairt sé leo, Baistim‐se le h‐uisce sibh; acht atá an té is treise ’ná mé ag teacht, agus ní fiú mé go scaoilfinn iall a bhróg: baistfidh seisean leis an Spiorad Naomh agus le teinidh sibh:

¹⁷ atá a ghaothachán ’n‐a láimh aige, agus glanfaidh sé a urlár buailte, agus baileochaidh sé a chuid cruithneachtan isteach ’n‐a scioból; acht dóighfidh sé an cháith le teinidh dhó‐mhúchta.

¹⁸ Is iomdha spreagadh eile thug sé do na daoinibh, ag craobhscaoileadh an tsoiscéil dóibh;

¹⁹ acht Ioruat, an tetrarcha, do bhí smachtuighthe aige i dtaobh Héródias, bean a dhearbhráthar, agus i dtaobh na ndroch‐neithe uile do‐rinne Ioruath,

²⁰ do chuir sé leo mar bhárr ar gach nidh, Eoin do chur fá ghlas bpríosún.

²¹ Agus tharla, nuair do bhí na daoine go léir baistthe, agus bhí Íosa baistthe, agus bhí sé ag guidhe, gur foscladh na flaithis,

²² agus gur thuirling an Spiorad Naomh i riocht corpordha, i gcruth cuilm air, agus tháinig an guth as na flaitheasaibh, Is tusa mo Mhac ionmhain; is ionnat‐sa atá mo mhór‐aoibhneas.

²³ Agus do bhí Íosa féin, ag tosnú ar bheith tuairim deich mbliadhna fichead d’aois, agus do bhí sé (mar raoileadh) ’n‐a mhac ag Seosamh, mic Héli,

²⁴ mic Mhattat, mic Lébhi, mic Mhelchi, mic Iannai, mic Sheosaimh,

²⁵ mic Mhattatias, mic Amós, mic Naúm, mic Esli,

²⁶ mic Haggai, mic Mhaát, mic Mhattatias, mic Shemeí, mic Iósech, mic Ióda,

²⁷ mic Ióanan, mic Résa, mic Shorobábel, mic Shalatiél, mic Néri,

²⁸ mic Mhelchi, mic Addi, mic Chósam, mic Elmadam, mic Ér,

²⁹ mic Íosa, mic Eliéser, mic Iórim, mic Mhattat, mic Lébhi,

³⁰ mic Shimeon, mic Iúda, mic Sheosaimh, mic Iónam, mic Eliacim,

³¹ mic Mhelea, mic Mhenna, mic Mhattata, mic Natán, mic Dháibhi,

³² mic Iesse, mic Óbéd, mic Bhóos, mic Shala, mic Naasón,

³³ mic Aminadab, mic Admi, mic Arni, mic Esrón, mic Phares, mic Iúda,

³⁴ mic Iácóib, mic Íosóig, mic Abrachaim, mic Thára, mic Nachór,

³⁵ mic Sherúch, mic Ragú, mic Phálec, mic Eber, mic Shalá,

³⁶ mic Chainam, mic Arfacsad, mic Sheim, mic Naoi, mic Lamech,

³⁷ mic Mhatúsala, mic Enóch, mic Iáret, mic Mhaleleél, mic Chainan,

³⁸ mic Enós, mic Shét, mic Ádhaimh, mic Dé.