ЛУКАША 2:11 - Кнігі Святога Пісання - Біблія - Біблія — пераклад Чарняўскага (выданне 2017 года)

сёння нарадзіўся вам Збаўца, Які ёсць Хрыстос Госпад, у горадзе Давіда.

Біблія (пераклад А.Бокуна)

бо сёньня нарадзіўся вам у горадзе Давідавым Збаўца, Які ёсьць Хрыстос Госпад.

Біблія (пераклад В. Сёмухі)

бо сёньня нарадзіўся вам у горадзе Давідавым Збаўца, Які ёсьць Хрыстос Гасподзь;

ЛУКАША 2:11 Крыжаваныя спасылкі

БЫЦЦЁ 3:15

Пакладу варожасць між табой і жанчынай, і нашчадкамі тваімі і яе нашчадкам; ён сатрэ галаву тваю, а ты будзеш джаліць пяту яго».

БЫЦЦЁ 49:10

Не будзе аднятае жазло ад Юды, і кій князя — з-пад ног яго, пакуль не прыйдзе той, чыім яно ёсць і каму скорацца народы.

ПСАЛТЫР 2:2

Узнімаюцца цары зямлі і князі збіраюцца супольна супраць Госпада і супраць Намашчэнца Яго:

ІСАІ 9:6

Бо нарадзілася нам Дзіця, дадзены Сын нам, і ўладарніцтва на Яго плячах; і назавуць Яго імем: дзівосны Дарадца, Бог моцны, Айцец вечнасці, Князь міру.

МАЦЬВЕЯ 1:16

А Якуб быў бацькам Язэпа, мужа Марыі, ад Якой нарадзіўся Ісус, што завецца Хрыстос.

МАЦЬВЕЯ 1:21

Яна ж народзіць Сына, і дасі Яму імя Ісус, бо Ён збавіць народ Свой ад грахоў іх».

МАЦЬВЕЯ 16:16

Адказваючы, Сімон Пётра сказаў: «Ты – Хрыстос, Сын Бога жывога».

МАЦЬВЕЯ 16:20

Потым загадаў вучням Сваім, каб нікому не казалі, што Ён Ісус Хрыстос.

ЛУКАША 1:43

А скуль жа мне гэта, што Маці Госпада майго прыйшла да мяне?

ЛУКАША 1:69

і падняў рог збаўлення нашага ў доме Давіда, паслугача Свайго,

ЛУКАША 2:26

Ён атрымаў абяцанне ад Духа Святога, што не пабачыць смерці, пакуль перш не ўбачыць Хрыста Госпадава.

ЛУКАША 2:4

Пайшоў таксама і Язэп з Галілеі, з горада Назарэта, у Юдэю, у Давідаў горад, які называўся Бэтлехэм, таму што быў з дому і роду Давідава,

ЯНА 1:41

Ён знаходзіць перш брата свайго Сімона і кажа яму: «Знайшлі мы Месію», што значыць – Хрыста,

ЯНА 1:45

Піліп жа знаходзіць Натанаэля і кажа яму: «Мы знайшлі Таго, аб Кім пісаў Майсей у законе і прарокі: Ісуса, Сына Язэпа з Назарэта».

ЯНА 11:27

Гаворыць Яму: «Так, Госпадзе; я веру, што Ты – Хрыстос, Сын Божы, Які прыходзіць у свет».

ЯНА 20:31

гэтыя ж запісаны, каб вы верылі, што Ісус ёсць Хрыстос, Сын Божы, ды каб, верачы, мелі жыццё ў імя Яго.

ЯНА 4:25

Кажа Яму жанчына: «Ведаю, што прыйдзе Месія, значыць Хрыстос; калі Ён прыйдзе, усё нам аб’явіць».

ЯНА 4:42

Жанчыне ж казалі: «Ужо не дзеля твайго аповеду верым; але дзеля таго, што пачулі і ведаем, што Ён – сапраўды Збаўца свету, Хрыстос».

ЯНА 6:69

мы ж уверылі і спазналі, што Ты – Хрыстос, Сын Бога жывога».

ЯНА 7:41

іншыя ж казалі: «Гэта Хрыстос»; а яшчэ іншыя гаварылі: «Ці ж Хрыстос прыходзіць з Галілеі?

ДЗЕІ 10:36

Паслаў Ён Сваё Слова сынам Ізраэля, абвяшчаючы добрую вестку пра супакой праз Ісуса Хрыста; Ён – Госпад усіх.

ДЗЕІ 13:23

З яго нашчадкаў, паводле абяцання, Бог падняў для Ізраэля Збаўцу Ісуса,

ДЗЕІ 17:3

даводзячы і паказваючы, што Хрыстос мусіў цярпець і ўваскрэснуць з мёртвых ды што: «Ісус, Якога я вам абвяшчаю, і ёсць гэты Хрыстос».

ДЗЕІ 2:36

Дык хай вельмі цвёрда ведае ўвесь дом Ізраэля, што гэтага Ісуса, Якога вы ўкрыжавалі, Бог учыніў Госпадам і Хрыстом».

ДЗЕІ 5:31

Бог узвысіў Яго правіцай Сваёй як Валадара і Збаўцу, каб даць Ізраэлю навяртанне ды адпушчэнне грахоў.

1 КАРЫНФЯНАЎ 15:47

Першы чалавек з зямлі, зямны, другі чалавек – Госпад з неба.

ПІЛІПЯНАЎ 2:11

і каб кожны язык вызнаваў: «Ісус Хрыстос ёсць Госпад!», на славу Бога Айца.

ПІЛІПЯНАЎ 3:8

Ды сапраўды ўсё лічу за марнасць дзеля вышэйшага пазнання Ісуса Хрыста, Госпада майго, дзеля Якога я ўсё страціў і лічу за смецце, каб Хрыста здабыць

КАЛАСЯНАЎ 2:6

Дык як вы прынялі Хрыста Ісуса, Госпада, у Ім і жывіце,

1 ЯНА 4:14

Мы, вось, бачылі і сведчым, што Айцец паслаў Сына Збаўцам свету.

1 ЯНА 5:1

Кожны, хто верыць, што Ісус ёсць Хрыстос, той ад Бога нарадзіўся; і кожны, хто любіць Бога, Які нарадзіў, любіць і Таго, Хто з Яго нарадзіўся.