ІСАІ 9:6 - Кнігі Святога Пісання - Біблія - Біблія — пераклад Чарняўскага (выданне 2017 года)

⁶ Бо нарадзілася нам Дзіця, дадзены Сын нам, і ўладарніцтва на Яго плячах; і назавуць Яго імем: дзівосны Дарадца, Бог моцны, Айцец вечнасці, Князь міру.

Біблія (пераклад А.Бокуна)

⁶ Бо Дзіця нарадзілася нам, Сын дадзены нам, улада на плячах Ягоных, і назавуць імя Ягонае: Цудоўны Дарадца, Бог Магутны, Бацька Вечнасьці, Князь Супакою.

Біблія (пераклад В. Сёмухі)

⁶ Бо дзіця нарадзілася нам; Сын дадзены нам; уладарства на плячах у Яго, і дадуць імя Яму: Дзівосны, Дарадца, Бог Моцны, Бацька Вечнасьці, Князь Міру.

ІСАІ 9:6 Крыжаваныя спасылкі

ЛУКАША 2:11

сёння нарадзіўся вам Збаўца, Які ёсць Хрыстос Госпад, у горадзе Давіда.

МАЦЬВЕЯ 28:18

Ісус жа, падышоўшы да іх, загаварыў, кажучы: «Дадзена Мне ўся ўлада на небе і на зямлі.

ІСАІ 7:14

Дзеля таго дасць вам Сам Госпад знак. Вось жа, Дзева панясе ва ўлонні і народзіць Сына, і назавуць імя Яго: Імануэль.

МАЦЬВЕЯ 1:23

«Вось жа Дзева панясе ва ўлонні і народзіць Сына, і назавуць імя Яго Імануэль, што значыць Бог з намі».

АДКРЫЦЦЁ 19:16

І мае на вопратцы і на сцягне Сваім напісанае імя: Валадар валадароў і Госпад пануючых.

1 ЯНА 5:20

Ведаем таксама, што Сын Божы прыйшоў і абдарыў нас розумам, каб мы пазналі Таго, Хто праўдзівы; і мы ў Тым, Хто праўдзівы, у Сыне Яго Ісусе Хрысце. Ён праўдзівы Бог і Жыццё вечнае.

1 ЦІМАФЕЯ 3:16

Ды агульна прызнана, што вялікая таямніца пабожнасці: Бог аб’явіўся ў целе, засведчаны Духам, паказаўся анёлам, абвешчаны народам, прыняты вераю ў свеце, узнесены ў славе.

ІСАІ 53:5

Дык Ён быў пакалечаны за грахі нашы, пабіты за нашы злачынствы; кара супакою нашага была на Ім, і ранамі Яго мы аздароўлены.

ІСАІ 28:29

Але гэта выйшла ад Госпада, Бога Магуццяў, — даў Ён цудоўную параду, павялічыў мудрасць.

РЫМЛЯНАЎ 8:32

Той, Хто не пашкадаваў Сына Свайго, але выдаў Яго за ўсіх нас, як жа Ён не даруе і нам разам з Ім усяго?

1 КАРЫНФЯНАЎ 15:25

Бо Яму належыць валадарыць, аж дакуль пакладзе пад ногі Свае ўсіх ворагаў.

ПСАЛТЫР 45:6

народы падаюць перад табою. Стрэлы твае вострыя — у сэрцы ворагаў цара.

ІСАІ 10:21

Рэшткі вернуцца, рэшткі, кажу, Якуба да Бога Магутнага.

СУДЗЬДЗЯЎ 13:18

Анёл адказаў яму: «Навошта ты пытаешся пра імя маё? Яно таемнае».

ЯНА 14:27

Супакой пакідаю вам, супакой Мой даю вам; не як дае свет, Я вам даю. Няхай не трывожыцца сэрца ваша, і няхай не ведае страху.

ГАБРЭЯЎ 1:8

А да Сына: «Пасад Твой, Божа, на векі вечныя, і жазло справядлівасці – жазло валадарства Твайго.

ЯНА 1:14

І Слова сталася целам, і пасялілася між намі, і мы бачылі славу Яго, славу як Адзінароднага ад Айца, – поўнае ласкі і праўды.

МАЦЬВЕЯ 11:27

Усё Мне дадзена Айцом Маім. Ды ніхто не ведае Сына, акрамя Айца, і ніхто не ведае Айца, акрамя Сына і каму Сын захоча адкрыць.

ІСАІ 63:16

Ты ж Айцец наш! Абрагам жа не ведае нас, і Ізраэль нас не ведае; Ты ж, Госпадзе, Айцец наш, Адкупіцель наш: імя Тваё адвечнае.

ДЗЕІ 10:36

Паслаў Ён Сваё Слова сынам Ізраэля, абвяшчаючы добрую вестку пра супакой праз Ісуса Хрыста; Ён – Госпад усіх.

ДРУГІ ЗАКОН 10:17

бо Госпад, Бог ваш, — адзіны Бог над багамі і Валадар над валадарамі, Бог вялікі, магутны і страшны, Які не глядзіць ні на асобу, ані на падарункі.

ЦІТА 2:13

чакаючы шчаслівай надзеі і з’яўлення славы магутнага Бога і Збаўцы нашага Ісуса Хрыста,

1 КАРЫНФЯНАЎ 1:30

Дзякуючы Яму і вы ёсць у Хрысце Ісусе, Які ад Бога стаўся для нас мудрасцю, справядлівасцю, пасвячэннем і адкупленнем,

ЯНА 1:16

І з паўнаты Яго ўсе мы ўзялі, і ласку за ласку;

ЛУКАША 1:35

І, адказваючы, Анёл сказаў Ёй: «Дух Святы сыдзе на Цябе, і моц Узвышняга агарне Цябе. Таму, што з Цябе народзіцца, Святое, назавецца Сынам Божым.

ПСАЛТЫР 72:7

У днях яго зацвіце справядлівасць і паўната спакою, пакуль не пагасне месяц.

КАЛАСЯНАЎ 2:3

у Якім усе скарбы мудрасці і ведання схаваны.

ДЗЕІ 20:28

Зважайце ж на сябе і на ўвесь статак, над якім паставіў вас Дух Святы епіскапамі, каб пасвіць царкву Бога, якую Ён здабыў Сваёй Крывёй.

ВЫСЛОЎІ 8:23

ад вечнасці ўзнікла я і ад старадаўніх часоў, перш чым зямля ўзнікла.

ГАБРЭЯЎ 13:20

Бог жа супакою, Які ўваскрасіў з мёртвых вялікага Пастыра авечак у Крыві вечнага запавету, Госпада нашага Ісуса,

ЛУКАША 2:14

«Слава на вышынях Богу, і на зямлі супакой, людзям – добрая воля!»

ІСАІ 53:10

І захацеў Госпад сцерці Яго немаччу. Калі складзе Ён Сваю душу ў ахвяру, убачыць Ён даўгавечнае патомства, і воля Госпада рукою Яго споўніцца.

ІСАІ 53:2

І вырас Ён, быццам парастак перад Ім, і як бы корань з сухой зямлі. Не было ў Ім віду ані красы, каб мы падзівіліся на Яго, і не было выгляду ў Ім, каб нам падабаўся.

2 КАРЫНФЯНАЎ 5:19

бо, вось, Бог у Хрысце пагадзіў свет з Сабою, не ўлічваючы ім злачынстваў іх, ды ўсклаў на нас слова прымірэння.

РЫМЛЯНАЎ 9:5

з іх і бацькі, з іх і Хрыстос паводле цела: Ён – Бог па-над усім, дабраславёны навечна. Амін.

ЛУКАША 21:15

бо Я дам вам вусны і мудрасць, якой не змогуць ні пярэчыць, ні супрацьстаць усе праціўнікі вашы.

ПСАЛТЫР 72:3

Хай горы прынясуць мір для народа, а ўзгоркі — справядлівасць.

ПСАЛТЫР 45:3

Прыгажэйшы ты выглядам між сыноў людскіх, разлілася ласка на тваіх вуснах, таму дабраславіў цябе Бог павечна.

НЭЭМІІ 9:32

Дык цяпер, Божа наш, вялікі, магутны і страшны, захоўваючы запавет і міласэрнасць, хай не будуць малымі ў Цябе ўсе беды, што наведалі нас, цароў нашых, і князёў нашых, і святароў нашых, і прарокаў нашых, і бацькоў нашых ды ўвесь народ Твой, ад дзён цароў асірыйскіх аж па гэты дзень.

ЕРАМІІ 31:22

Дакуль будзеш бадзяцца, дачка непакорлівая? Госпад бо стварыў навіну на зямлі: жанчына збавіць мужа.

ІСАІ 26:12

Госпадзе, Ты дасі нам супакой; бо ўсе нашы справы Ты ўчыніў для нас.

ІСАІ 26:3

Намер яго — трывалы, захаваеш дзеля яго супакой, бо ў Табе мае надзею.

ПСАЛТЫР 85:10

Сапраўды блізкае збаўленне Яго для тых, што шануюць Яго, каб пасялілася слава на зямлі нашай.

ПСАЛТЫР 72:17

Хай будзе дабраславёна імя яго вечна, пакуль [свеціць] сонца, будзе жыць імя яго. І будуць дабраславёныя ў ім усе пакаленні зямныя, усе народы ўзвялічаць яго.

ПСАЛТЫР 50:1

Псальм. Асафа. Бог багоў Госпад прамовіў і паклікаў зямлю ад усходу сонца аж на захад.

ІСАІ 8:18

Вось, я і дзеці, якіх даў мне Бог на знак і на прадказанне Ізраэлю ад Госпада Магуццяў, Які пражывае на гары Сіён.

ІСАІ 66:12

Бо гэта кажа Госпад: «Вось жа, Я накірую да яго супакой, як раку, і славу народаў, як паводкавы ручай. Будзеце ссаць, і будуць насіць вас на руках і на каленях будуць песціць вас.

МАЦЬВЕЯ 1:1

Кніга радаводу Ісуса Хрыста, Сына Давіда, Сына Абрагама.

ІСАІ 16:5

І ўмацаваны будзе пасад міласэрнасцю; і сядзе на ім у справядлівасці, у палатцы Давіда, той, хто судзіць і шукае суда ды хутка аддае тое, што справядлівае.

ДАНІІЛА 2:44

А ў часы гэтых царстваў Бог Неба ўзбудзіць Валадарства, якое вытрывае вечна ды ўлада яго не пяройдзе на другі народ: сатрэ і знішчыць яно ўсе гэтыя царствы і само будзе трываць вечна.

АГЕЯ 2:9

Большай будзе слава дома гэтага новага, чым першага, — кажа Госпад Магуццяў, — і ў гэтым месцы дам Я супакой,” — кажа Госпад Магуццяў».

2 ЦАРСТВАЎ 7:13

Ён пабудуе дом імю Майму, і Я ўмацую пасад валадарства яго навек.

2 ЦАРСТВАЎ 7:16

і трывалым будзе дом твой, і царства тваё будзе перад абліччам маім вечна, і пасад твой будзе моцным заўсёды”».

3 ЦАРСТВАЎ 2:33

І хай вернецца кроў іх на галаву Ёаба і на галаву нашчадкаў яго навекі; а для Давіда, і для семя яго, і для дома, і для пасада яго хай будзе супакой ад Госпада вечна».

3 ЦАРСТВАЎ 2:45

А цар Саламон дабраславёны, і пасад Давіда хай будзе трываць перад Госпадам вечна».

3 ЦАРСТВАЎ 10:9

Хай будзе дабраславёны Госпад, Бог твой, Якому спадабаўся ты і Які пасадзіў цябе на пасад Ізраэля, таму што будзе любіць Госпад Ізраэль вечна, і Ён паставіў цябе царом, каб ты чыніў суд і справядлівасць».

ПСАЛТЫР 45:7

Пасад Твой, Божа, на векі вечныя, і жазло справядлівасці — жазло валадарства Твайго.

ПСАЛТЫР 89:5

«Навечна зацверджу Я патомства Тваё і збудую сталец Твой з пакалення ў пакаленне».

ІСАІ 11:5

І стане справядлівасць поясам на клубах Яго, а вера — перапаяскай сцёгнаў Яго.

ІСАІ 32:1

І, вось жа, валадар будзе валадарыць па законе, а князі кіраваць будуць па законе.

ІСАІ 37:32

Бо, вось, з Ерузаліма выйдзе рэшта і з гары Сіён — што ўцалее. Руплівасць Госпада Магуццяў здзейсніць гэта”».

ДАНІІЛА 7:14

і даручана была Яму ўлада, і слава, і царства; і служылі Яму ўсе народы, пакаленні і мовы: улада Яго ёсць улада вечная, якая ніколі не спыніцца, і Валадарства Яго не будзе знішчана.