ЕРАМІІ 51:56 - Кнігі Святога Пісання - Біблія - Біблія — пераклад Чарняўскага (выданне 2017 года)

Бо ідзе на яго, на Бабілон, рабаўнік, і схоплены асілкі яго, і лук іх зламаны, бо Бог помсты, Госпад, аддасць належнае.

Біблія (пераклад А.Бокуна)

Бо ідзе на яго, на Бабілон, нішчыцель, і будуць схоплены волаты ягоныя, і будуць зломленыя лукі ягоныя, бо Бог помсты, ГОСПАД, адплачваючы, адплаціць [яму].

Біблія (пераклад В. Сёмухі)

Бо прыйдзе на яго, на Вавілон, спусташальнік, і ўзяты будуць ратаборцы ягоныя, паламаныя будуць лукі іхнія; бо Гасподзь, Бог аддачаў, аддасьць аддачу.

ЕРАМІІ 51:56 Крыжаваныя спасылкі

БЫЦЦЁ 49:24

Ды зламаўся лук іх, і аслаблі мышцы плечаў іх дзякуючы рукам Усемагутнага Якуба, дзякуючы імю Пастыра, Каменя Ізраэля.

ПСАЛТЫР 137:8

Дачка Бабілона — спусташальніца, шчасны той, хто аддасць табе адплату тваю, якую ты нам заплаціла;

ПСАЛТЫР 37:15

Меч іх уваткнецца ў іх жа сэрца, а лукі іх паломяцца.

ПСАЛТЫР 46:9

Прыходзьце і пабачце справы Божыя, якія дзівосы чыніць Ён на зямлі.

ПСАЛТЫР 76:3

І ёсць у Салеме хорам Яго, і паселішча Яго ў Сіёне.

ІСАІ 21:2

Страшнае бачанне аб’яўлена мне: рабаўнік рабуе, нішчыць нішчыцель. Эламе, выходзь! Мідыя, асаджай! Любому стогну яго пакладу канец.

ІСАІ 34:8

бо дзень помсты — у Госпада, год адплаты дзеля абароны Сіёна.

ІСАІ 35:4

Кажыце маладушным: «Трымайцеся, не бойцеся! Вось, Бог ваш, помста надыдзе, адплата Божая; Ён сам прыйдзе і збавіць вас».

ІСАІ 59:18

Паводле заслуг адплаціць кожнаму: ворагам Сваім — гневам, астравам — узаемнай адплатай.

ЕРАМІІ 49:35

Гэта кажа Госпад Магуццяў: «Я, вось, зламлю лук Элама, галоўную сілу яго.

ЕРАМІІ 50:10

І пойдзе Халдэя на разрабаванне, і насыцяцца ўсе яе нішчыцелі, — кажа Госпад. —

ЕРАМІІ 50:36

Меч на варажбітоў яго, і яны стануцца дурнымі, меч на мужных яго, і яны будуць баяцца!

ЕРАМІІ 51:24

І Я аддам Бабілону і ўсім жыхарам Халдэі за ўсю іх ліхоту, якую яны зрабілі Сіёну на вачах вашых», — кажа Госпад.

ЕРАМІІ 51:30

Волаты Бабілона кінулі ваяваць, сядзяць у крэпасцях, змарнела іх сіла, і сталіся яны, як жанчыны; палаткі іх спалены, і засаўкі іх паламаны.

ЕРАМІІ 51:48

І загамоняць хвалебна над Бабілонам неба і зямля і ўсё, што ў іх, бо з поўначы надыдуць на яго спусташальнікі, — кажа Госпад. —

ЕРАМІІ 51:53

Калі б нават да неба падняўся Бабілон і ў небе ўмацаваў сілу сваю, але ад Мяне прыйдуць на яго нішчыцелі», — кажа Госпад.

ЕРАМІІ 51:6

Уцякайце з асяроддзя Бабілона! Хай кожны ратуе душу сваю. Не гіньце з прычыны віны яго, бо гэта час помсты Госпада, Ён аддасць яму належнае.

ПЛАЧ 3:64

Адгадзі ім, Госпадзе, па ўчынках рук іх.

ЕЗЭКІІЛЯ 39:3

І зламаю твой лук у левай руцэ тваёй, і выкіну стрэлы твае з правай рукі тваёй.

ЕЗЭКІІЛЯ 39:9

І выйдуць жыхары з гарадоў Ізраэля, і распаляць агонь, і спаляць зброю, маленькія і вялікія шчыты, і лукі, і стрэлы, і булавы, і дзіды, і сем гадоў агнём паліць гэта будуць.

АМОСА 2:15

лучнік не ўстаіць, ані спрытны не ўратуецца на нагах сваіх, а коннік на кані не ўратуе душу сваю.

АЎДЗЕЯ 1:15

Бо блізка дзень Госпадаў супраць усіх народаў! Як ты робіш, так будзе і табе, узнагарода твая спадзе на галаву тваю!

АБАКУМА 2:8

Бо ты абрабаваў многія народы, абрабуюць і цябе ўсе, хто застаўся з народаў; дзеля крыві людской і прыгнёту краіны, гарадоў і ўсіх іх жыхароў.

ДРУГІ ЗАКОН 32:35

Маім ёсць пакаранне, і я аднагароджу ў час, калі пахіснецца нага іх! Блізка ўжо дзень загубы, і хутка надыходзіць рашэнне лёсу іх».

2 ФЕСАЛОНІКІЙЦАЎ 1:6

Бо справядліва ёсць у Бога адгадзіць прыгнётам тым, якія вас прыгнятаюць,

АДКРЫЦЦЁ 17:16

Дзесяць жа рагоў, што ты бачыў у звера, гэта тыя, што будуць мець у нянавісці распусніцу, і знішчаць яе, і аголяць яе, і цела яе з’ядуць, і спаляць яе агнём.

АДКРЫЦЦЁ 18:20

Цешцеся з гэтага, неба і святыя, і Апосталы, і прарокі, бо прысудзіў Бог прысуд ваш на яго”».

АДКРЫЦЦЁ 19:2

бо праўдзівыя і справядлівыя суды Яго. Бо Ён асудзіў распусніцу вялікую, якая разбэшчвала зямлю сваёй распустаю, і адпомсціў за кроў паслугачоў Сваіх ад рук яе».

1 ЦАРСТВАЎ 2:4

Лук моцных зламаўся, а кволыя набраліся сілы.