ВЫХАД 23:8 - Кнігі Святога Пісання - Біблія - Біблія — пераклад Чарняўскага (выданне 2017 года)

Не прымай падарункаў, якія асляпляюць нават разважных і абвяргаюць словы справядлівых.

Біблія (пераклад А.Бокуна)

Дароў не бяры, бо дар засьляпляе відушчых і перакручвае словы праведных.

Біблія (пераклад В. Сёмухі)

Дарункаў ня прымай, бо дарункі сьляпымі робяць відушчых і перакручваюць словы справядлівых.

ВЫХАД 23:8 Крыжаваныя спасылкі

ПСАЛТЫР 15:5

хто грошы свае не дае на ліхвярства і хабару супраць бязвіннага не прымае. Той, хто так робіць, не пахіснецца навек.

ПСАЛТЫР 26:10

На руках іх ліхадзействы, правіца іх поўная хабараў.

ВЫСЛОЎІ 15:27

Развальвае дом свой той, хто прыслужвае прагнасці, а хто ненавідзіць падарункі — жыць будзе.

ВЫСЛОЎІ 17:23

Бязбожнік прымае падарункі з-за пазухі, каб перавярнуць сцежкі законнасці.

ВЫСЛОЎІ 17:8

Падарунак — найкаштоўнейшы самацвет у вачах гаспадара яго, куды б ні пайшоў ён — будзе мець поспех.

ВЫСЛОЎІ 19:4

Багацце дабаўляе многіх сяброў; а беднага пакідае і сябар яго.

ЭКЛЕЗІЯСТА 7:7

Бо паклёп робіць разумнага дурным, а падарунак адурняе сэрца.

ІСАІ 1:13

Не складайце больш ахвяры пустой! Каджэнне абрыдла Мне, свята маладзіка, шабат, урачысты сход; не магу вытрываць злачынства побач са святочным зборышчам;

ІСАІ 1:23

Князі твае няверныя, супольнікі зладзеяў; яны ўсе любяць дарункі і гоняцца за аднагародаю, а не спагадаюць сіраце, справа ўдоў да іх не даходзіць.

ІСАІ 33:15

Той, хто робіць па справядлівасці і гаворыць сумленна, хто адкідае здабыткі з рабавання, хто атрасае рукі свае ад прыняцця хабару, хто затыкае вушы свае, каб не чуць крыві, і заплюшчвае вочы, каб не бачыць ліхоцця,

ІСАІ 5:22

Гора тым, якія спрытныя ў піцці віна ды адважныя ў мяшаным п’янстве.

ІСАІ 5:23

Яны апраўдваюць бязбожнага за дарункі, а справядлівага асуджаюць несправядліва.

ЕЗЭКІІЛЯ 22:12

У цябе прынялі падарункі, каб праліваць кроў, ты ўзяў працэнты і займаешся ліхвярствам, і дзеля карысці ўзвёў паклёп на блізкіх сваіх, і пра Мяне забыўся”, — кажа Госпад Бог.

АСІІ 4:18

Далучыўся да п’янства іх, аддаліся яны распусце, больш любяць ганьбу нячыстасці.

АМОСА 5:12

Бо пазнаў я многія вашы збродні і многія вашы грахі, о вы, крыўдзіцелі справядлівага, хабарнікі і прыгнятальнікі бедных у браме!

МІХЕЯ 7:3

На ліхоту рукі іх гатовыя; князь вымагае падарункаў, і суддзя судзіць за хабар, і магнат выказвае жаданне душы сваёй, скажае справу.

ДРУГІ ЗАКОН 10:17

бо Госпад, Бог ваш, — адзіны Бог над багамі і Валадар над валадарамі, Бог вялікі, магутны і страшны, Які не глядзіць ні на асобу, ані на падарункі.

ДРУГІ ЗАКОН 16:19

Не крыві закону. Не глядзі на асобу і на падарункі, якія засляпляюць вочы мудрым і перакручваюць справы справядлівых.

1 ЦАРСТВАЎ 12:3

Вось, я стаю перад вамі. Абвінавачвайце мяне перад Госпадам і перад Яго памазаннікам; можа, узяў я ў каго вала або асла, можа, каго пакрыўдзіў або каго прыгнятаў, а можа, з рукі каго ўзяў хабар, каб заплюшчыць вочы свае на яго справу? Калі так, аддам вам».

1 ЦАРСТВАЎ 8:3

І сыны яго не ішлі яго дарогамі, але збочылі з іх з-за хцівасці, і бралі хабары, і псавалі суд.