ІСАІ 5:23 - Кнігі Святога Пісання - Біблія - Біблія — пераклад Чарняўскага (выданне 2017 года)

²³ Яны апраўдваюць бязбожнага за дарункі, а справядлівага асуджаюць несправядліва.

Біблія (пераклад А.Бокуна)

²³ якія за хабар апраўдваюць вінаватага, а праведнасць праведніка адсоўваюць ад яго.

Біблія (пераклад В. Сёмухі)

²³ якія за хабар апраўдваюць вінаватага і праведных пазбаўляюць законнага!

ІСАІ 5:23 Крыжаваныя спасылкі

ІСАІ 10:2

каб на судзе прыціскаць убогіх ды каб сілу прымяняць у справах простых з народа Майго, каб удовы сталіся здабычай іх і каб сірот абрабоўваць!

ЯКАВА 5:6

Засудзілі вы, забілі вы Справядлівага: Ён не супрацівіўся вам.

ВЫСЛОЎІ 17:15

Хто апраўдвае бязбожніка і хто асуджае справядлівага — і той, і другі агідныя для Госпада.

ПСАЛТЫР 94:21

Яны накідваюцца на душу справядлівага і асуджаюць кроў бязвінную.

МІХЕЯ 7:3

На ліхоту рукі іх гатовыя; князь вымагае падарункаў, і суддзя судзіць за хабар, і магнат выказвае жаданне душы сваёй, скажае справу.

МІХЕЯ 3:11

Князі яго судзяць за падарункі, і святары яго вучаць за плату, і прарокі яго прадказваюць за грошы ды спасылаюцца на Госпада, кажучы: «Ці ж няма Госпада паміж намі? Не спадуць на нас няшчасці».

ІСАІ 1:23

Князі твае няверныя, супольнікі зладзеяў; яны ўсе любяць дарункі і гоняцца за аднагародаю, а не спагадаюць сіраце, справа ўдоў да іх не даходзіць.

ВЫСЛОЎІ 24:24

Хто кажа бязбожніку: «Ты справядлівы», таго будуць праклінаць народы, таго адхіляць плямёны.

ВЫСЛОЎІ 17:23

Бязбожнік прымае падарункі з-за пазухі, каб перавярнуць сцежкі законнасці.

2 ЛЕТАПІСАЎ 19:7

Хай будзе страх Госпадаў з вамі і разважна ўсё рабіце; бо няма ў Госпада, Бога нашага, нясправядлівасці, ані ўвагі на асобы, ані хцівасці да падарункаў».

ДРУГІ ЗАКОН 16:19

Не крыві закону. Не глядзі на асобу і на падарункі, якія засляпляюць вочы мудрым і перакручваюць справы справядлівых.

МАЦЬВЕЯ 23:35

аж спадзе на вас уся кроў справядлівых, што разліта па зямлі, ад крыві справядлівага Абэля аж да крыві Захарыі, сына Барахіі, якога вы забілі між святыняй і ахвярнікам.

3 ЦАРСТВАЎ 21:13

і прыйшлі два чалавекі, сыны Бэліяла, і селі насупраць яго, і сведчылі яны, як людзі д’ябальскія, супраць яго перад натоўпам людзей: «Набот блюзніў супраць Бога і цара». Таму вывелі яго за горад і ўкаменавалі.

ІСАІ 10:1

Гора тым, хто ўслаўляе законы ліхія і хто піша пастановы несправядлівыя,

ІСАІ 32:7

У ашуканца ашуканствы — найгоршыя: ён бо перадумвае спосабы, каб загубіць пакорлівых словамі хлусні, хоць нават калі бедны дакажа справядлівасць.

ІСАІ 59:15

І так праўда пайшла ў забыццё, мала хто сцеражэцца ліхоцця. І бачыць Госпад — зло паказалася Яму на вочы: няма закону.

АМОСА 5:12

Бо пазнаў я многія вашы збродні і многія вашы грахі, о вы, крыўдзіцелі справядлівага, хабарнікі і прыгнятальнікі бедных у браме!

ІСАІ 28:7

Насамрэч і гэтыя таксама хістаюцца ад віна і ад ап’янення ківаюцца: святар і прарок хістаюцца ад ап’янення, яны насмакталіся віна, ківаюцца ў ап’яненні, памыляюцца ў бачанні, цяляпаюцца ў час суда.

ІСАІ 29:21

якія прымушалі людзей грашыць словам і ставілі падножку таму, хто патрабаваў суда ў браме, і справядлівага абкідвалі неадпаведнымі словамі.