ЁВА 10:15 - Біблія (пераклад А.Бокуна)

Гора мне, калі б я стаўся ліхім, але хоць бы і быў праведны, дык і тады не падыму галавы, насычаны зьдзекамі і горам.

Біблія (пераклад В. Сёмухі)

Калі я вінаваты, гора мне! калі і мая праўда, дык не адважуся падняць галавы маёй. Я сыты прыніжэньнем; паглядзі на гора маё:

Кнігі Святога Пісання - Біблія - Біблія — пераклад Чарняўскага (выданне 2017 года)

Гора мне, калі я буду бязбожным, але хоць бы і быў справядлівы, дык і тады не падыму галавы, накормлены пакутамі і няшчасцем.

ЁВА 10:15 Крыжаваныя спасылкі

ЁВА 10:7

Хоць Ты ведаеш, што я нічога благога не зрабіў, але няма нікога, хто б з рукі Тваёй мог выцягнуць мяне.

ЁВА 21:6

Калі я ўзгадваю гэта, я палохаюся, і дрыжаньне калоціць цела маё.

ЁВА 23:15

Таму я дрыжу перад абліччам Ягоным, разважаю [пра Яго], і ў страху вялікім перад Ім.

ЁВА 27:7

Няхай будзе як бязбожнік вораг мой, і той, хто паўстае супраць мяне — як злачынца.

ЁВА 6:29

Паверце, няма тут падману! Паверце, я трымаюся праведнасьці сваёй.

ЁВА 9:12

Калі Ён раптам схопіць, хто Яму перашкодзіць? Або хто зможа сказаць: “Што Ты робіш?”

ЁВА 9:15

Хоць бы я быў праведны, ня буду адказваць, буду толькі маліць Судзьдзю свайго.

ЁВА 9:29

Калі я такі грэшны, навошта дарма мучуся?

ПСАЛТЫР 119:153

Глянь на нядолю маю і выратуй мяне, бо я пра Закон Твой не забываўся.

ПСАЛТЫР 25:18

Глянь на пакуты мае і нядолю маю, і даруй мне ўсе грахі мае!

ПСАЛТЫР 44:16

Увесь дзень ганьба мая перада мною, і сорам аблічча майго пакрывае мяне

ПСАЛТЫР 83:16

гэтак Ты перасьледуй іх бурай Тваёю і віхурай Тваёй напалохай!

ПСАЛТЫР 9:17

ГОСПАД даў пазнаць Сябе, учыніўшы суд; у справах рук сваіх заблытаўся бязбожнік. (Разважаньне. Сэлях)

ВЫХАД 3:7

I сказаў ГОСПАД: «Гледзячы, Я ўбачыў гора народу Майго, які ў Эгіпце, і Я пачуў стогн ягоны з прычыны прыгнятальнікаў ягоных, бо Я ведаю пакуты ягоныя.

ІСАІ 3:11

А ліхотніку — гора, бо ён [атрымае] ліха, бо адплата яму будзе паводле [ўчынкаў] рук ягоных.

ІСАІ 6:5

І я сказаў: «Гора мне! Бо я загублены! Бо я — чалавек з нячыстымі вуснамі, і я жыву сярод людзей з нячыстымі вуснамі, і Валадара, ГОСПАДА Магуцьцяў убачылі вочы мае!»

ПЛАЧ 1:20

Глянь, ГОСПАДЗЕ, бо цесна мне, унутранасьць мая скорчылася, сэрца маё пераварочваецца ў-ва мне, бо бунтуючыся, я збунтавалася; звонку меч забірае дзяцей, а ў доме — сьмерць.

МАЛАХІІ 3:18

І вы навернецеся, і ўбачыце розьніцу паміж праведнікам і бязбожнікам, паміж тым, хто служыць Богу, і тым, хто ня служыць Яму.

ЛУКАША 17:10

Так і вы, калі зробіце ўсё, што загадана вам, кажыце: “Мы — слугі нягодныя, бо зрабілі, што павінны былі зрабіць”».