2 КАРЫНФЯНАЎ 6:7 - Кнігі Святога Пісання - Біблія - Біблія — пераклад Чарняўскага (выданне 2017 года)

у слове праўды, у моцы Божай, са зброяй справядлівасці ў правай і левай руцэ,

Біблія (пераклад А.Бокуна)

у слове праўды, у моцы Божай, са зброяй праведнасьці ў правай і ў левай руцэ,

Біблія (пераклад В. Сёмухі)

у слове ісьціны, у моцы Божай, са зброяю праўды ў правай і ў левай руцэ,

2 КАРЫНФЯНАЎ 6:7 Крыжаваныя спасылкі

ПСАЛТЫР 119:43

Не ўхіляй ніколі ад вуснаў маіх слова праўды, бо маю надзею ў рашэннях Тваіх.

ВЫХАД 14:22

і пайшлі сыны Ізраэля праз сярэдзіну мора па сушы; а вада была, быццам мур, з правага і з левага іх боку.

ВЫСЛОЎІ 3:16

працягласць дзён — у яе правай руцэ, а ў яе левай руцэ — багацце і слава.

ІСАІ 11:5

І стане справядлівасць поясам на клубах Яго, а вера — перапаяскай сцёгнаў Яго.

ІСАІ 59:17

Адзеўся ў справядлівасць, як у панцыр, і шалом збаўлення на галаве яго, адзеўся ў вопратку помсты. Ды ўбраўся ў руплівасць, быццам у плашч.

МАРКА 16:20

А яны, пайшоўшы, вясцілі ўсюды, а Госпад дапамагаў ім і падмацоўваў словы іх знакамі, што іх суправаджалі. Амін.

ДЗЕІ 11:21

І рука Госпада была з імі, і вялікая колькасць веруючых навярнуліся да Госпада.

1 КАРЫНФЯНАЎ 1:24

для тых жа, што пакліканы, ці з юдэяў, ці з грэкаў, Хрыстос – моц Божая ды мудрасць Божая.

2 КАРЫНФЯНАЎ 13:4

Хоць Ён быў укрыжаваны ў кволасці, аднак жыве моцай Божай. І мы таксама бяссільныя ў Ім, але жыць будзем з Ім моцай Божай у вас.

2 КАРЫНФЯНАЎ 2:17

Бо мы не фальшуем Слова Божага, як многія, але прамаўляем шчыра, як ад Бога на віду Бога ў Хрысце.

2 КАРЫНФЯНАЎ 4:2

але мы стрымліваемся ад скрытых учынкаў сораму, не кідаемся ў хітрыкі ды не фальшуем слова Божага, але адкрытым вяшчэннем праўды прадстаўляем сябе перад Богам сумленню кожнага чалавека.

2 КАРЫНФЯНАЎ 7:14

І я не пасаромеўся ў тым, што пахваліўся вамі перад ім. Падобна як усё гаварылі мы вам праўдзіва, так і сталася праўдай наша пахвала перад Цітам.

ЭФЭСЯНАЎ 1:13

У Ім таксама і вы, якія пачулі слова праўды, Евангелле збаўлення вашага, і ў Яго паверылі, запячатаны Духам Святым абяцання,

ЭФЭСЯНАЎ 3:20

А Таму, Які можа многа больш зрабіць, чым усё, што мы просім або разумеем, магутнасцю, якая дзейнічае ў нас,

ЭФЭСЯНАЎ 4:21

калі толькі вы пра Яго чулі і калі ў Ім былі навучаны, таму што праўда ў Ісусе.

КАЛАСЯНАЎ 1:5

дзеля надзеі, якая прыгатавана для вас у небе, аб якой чулі вы раней у слове праўды Евангелля,

1 ФЕСАЛОНІКІЙЦАЎ 5:8

Мы ж, якія належым дню, будзем цвярозымі, адзетымі ў панцыр веры і любові і ў шлем надзеі збаўлення.

2 ЦІМАФЕЯ 2:15

Пільна рупся паказацца годным перад Богам, працаўніком беззаганным, які даносіць з павагай слова праўды.

2 ЦІМАФЕЯ 4:7

Змагаўся я ў добрым змаганні, бег закончыў, веру захаваў.

ГАБРЭЯЎ 2:4

за пацвярджэннем Божым знакамі, і цудамі, і ўсякімі магутнасцямі, і дарамі Духа Святога па Яго волі.

ЯКАВА 1:18

Нарадзіў Ён нас словам праўды з уласнай волі, каб былі мы першакамі Яго стварэнняў.