ВЫХАД 14:22 - Кнігі Святога Пісання - Біблія - Біблія — пераклад Чарняўскага (выданне 2017 года)

²² і пайшлі сыны Ізраэля праз сярэдзіну мора па сушы; а вада была, быццам мур, з правага і з левага іх боку.

Біблія (пераклад А.Бокуна)

²² I прайшлі сыны Ізраіля па сярэдзіне мора па сухому, і воды былі для іх мурам праваруч іх і леваруч іх.

Біблія (пераклад В. Сёмухі)

²² І пайшлі сыны Ізраілевыя сярод мора па сухім: а воды былі ім сьцяною з правага і зь левага боку.

ВЫХАД 14:22 Крыжаваныя спасылкі

ГАБРЭЯЎ 11:29

Праз веру перайшлі яны Чырвонае мора, як быццам па сухой зямлі; калі ж спрабавалі гэта зрабіць егіпцяне, былі патоплены.

ПСАЛТЫР 66:6

Пераўтварыў Ён мора ў сушу, і па рацэ перайдуць пехатою; там узвесялімся мы ў Ім.

ПСАЛТЫР 78:13

Рассек Ён мора і правёў іх, і паставіў воды, быццам у бурдзюку.

ВЫХАД 15:19

Бо ўвайшлі коні фараона ў мора з калясніцамі і коннікамі яго, і ўзвёў на іх Госпад воды марскія; а сыны Ізраэля прайшлі па сухім дне праз сярэдзіну мора».

ВЫХАД 14:29

А сыны Ізраэля па сухім перайшлі праз сярэдзіну мора; і воды былі для іх, як мур, з правага і з левага боку.

1 КАРЫНФЯНАЎ 10:1

Не хачу, браты, каб вы не ведалі, што нашы бацькі ўсе былі пад хмараю, і ўсе перайшлі праз мора,

ІСАІ 63:13

Які вывеў іх праз глыбіні, як каня праз пустэчу, і яны не спатыкаліся.

НЭЭМІІ 9:11

І Ты раздзяліў мора перад імі, і перайшлі яны сярэдзінай мора, па сухому; а тых, хто гнаўся за імі, укінуў Ты ў глыбіні мора, як камень у бурлівыя воды.

ВЫХАД 15:8

І ў подыху абурэння Твайго сабраліся воды; і паўстала, як сцяна, цякучая хваля, і на сярэдзіне мора застылі бездані.

ЛІКІ 33:8

Выйшаўшы з Пігахірота, перайшлі яны сярэдзінай мора ў пустыню і тры дні ішлі пустыняй, і расклаліся лагерам у Мары.

ЗАХАРЫІ 2:5

“І Я яму буду, — кажа Госпад, — агністым мурам вакол і праслаўлюся пасярод яго.

ІСУСА 3:17

А народ пераходзіў каля Ерыхона, і святары, якія неслі каўчэг запавету Госпада, стаялі на сухой зямлі пасярод Ярдана цвёрдаю нагою, аж пакуль увесь Ізраэль пераходзіў праз Ярдан па сухім рэчышчы.

ІСУСА 4:22

навучыце іх і скажыце: “Па сухім рэчышчы перайшоў Ізраэль гэтую раку Ярдан”,

1 ЦАРСТВАЎ 25:16

Былі яны нам мурам як уночы, так і ўдзень ва ўсе дні, калі мы з імі пасвілі свае статкі.

4 ЦАРСТВАЎ 2:8

Тады Ілля зняў плашч свой, і скруціў яго, і ўдарыў ім па вадзе, якая раздзялілася ў адзін і ў другі бок, і перайшлі абодва па сухому.

ПСАЛТЫР 74:15

Ты прабіў крыніцы і ручаі; Ты высушыў велічныя рэкі.

ПСАЛТЫР 136:14

І правёў Ізраэля пасярод яго, бо Яго міласэрнасць вечная.

ІСАІ 43:16

Гэта кажа Госпад, Які праклаў дарогу праз мора і сцежку праз бурныя воды,

ІСАІ 63:12

Той, Хто ўзяў за правіцу Майсея рукою велічнасці Сваёй, Які раздзяліў воды перад імі, каб зрабіць Сабе імя вечнае,

ІСУСА 3:16

вада, што цякла зверху, затрымалася на адным месцы накшталт сцяны на вялікай адлегласці ад горада Адамы, які побач з Сартанам; а тая, што цякла ніжэй у мора Арабы, гэта значыць у мора Салёнае, сыходзіла, аж пакуль зусім не знікла.

4 ЦАРСТВАЎ 2:14

І плашчом Іллі, які зваліўся з яго, ударыў па вадзе і сказаў: «Дзе зараз Госпад, Бог Іллі?» І ўдарыў па вадзе, і яна раздзялілася туды і сюды, і Элісей перайшоў.

ПСАЛТЫР 106:9

Пагразіў Ён Чырвонаму мору, і высахла, і павёў іх між хваль, як па пустыні.

ПСАЛТЫР 136:13

Ён Чырвонае мора падзяліў на часткі, бо Яго міласэрнасць вечная.

ІСАІ 11:15

А Госпад асушыць заліў мора Егіпецкага ды падыме руку Сваю супраць ракі ў магутнасці подыху Свайго, і разаб’е яе на сем рукавоў так, што можна перайсці іх у сандалях.

ІСАІ 11:16

І будзе дарога для рэшты народа Майго, якая застанецца ад Асірыі, як было ў той дзень для Ізраэля, калі ён выходзіў з зямлі Егіпецкай.

ІСАІ 51:10

Ці ж не ты высушыла мора, ваду страшэннага бяздоння, зрабіла дарогу з дна марскога, каб прайшлі вызваленыя?