ЯКАВА 2:6 - Кнігі Святога Пісання - Біблія - Біблія — пераклад Чарняўскага (выданне 2017 года)

Вы ж зняважылі беднага. Ці не багатыя прыгнятаюць вас, і ці не яны цягаюць вас па судах?

Біблія (пераклад А.Бокуна)

А вы зьняважылі ўбогага. Ці ж не багатыя прыгнятаюць вас, і ці ж не яны цягаюць вас у суды?

Біблія (пераклад В. Сёмухі)

а вы пагрэбавалі бедным. Ці не багатыя ўціскаюць вас, і ці ж не яны цягнуць вас у суды?

ЯКАВА 2:6 Крыжаваныя спасылкі

ЁВА 20:19

Бо, выдаткуючы, ён пакрыўдзіў убогіх, абрабаваў дом, а не збудаваў яго.

ПСАЛТЫР 10:10

Туліцца да зямлі і прыгінаецца, і няшчасныя падаюць ад моцы рук яго.

ПСАЛТЫР 10:14

РЭС. Ты бачыш гэта, Ты зважаеш на пакуты і гора, каб узяць іх у рукі Твае. На Цябе пакінуты ўбогі, Ты зрабіўся апекуном сіраце.

ПСАЛТЫР 10:2

Бязбожны выхваляецца, чыніць убогаму пераслед, заблытвае яго ў хітрыках, якія задумаў.

ПСАЛТЫР 10:8

САДЭ. Вочы яго сочаць за ўбогім; ён падпільноўвае ў засадзе, быццам леў у логаве сваім.

ПСАЛТЫР 12:5

якія кажуць: «Языком сваім сябе ўзвялічым, вусны нашыя — пры нас; хто гаспадар над намі?»

ПСАЛТЫР 14:6

Вы намер гаротніка зблытаць збіраецеся, але Бог — спадзяванне яго.

ВЫСЛОЎІ 14:31

Хто гоніць беднага — той упікае яго Творцу; шануе Яго той, хто шкадуе бедных.

ВЫСЛОЎІ 17:5

Хто адцураецца беднага — упікае яго Творцу; а хто цешыцца з пагібелі іншага — не будзе беспакараны.

ВЫСЛОЎІ 18:23

Калі бедны гаворыць з маленнямі, то багаты будзе гаварыць жорстка.

ВЫСЛОЎІ 22:16

Ты прыгнятаеш беднага? Сам ён павялічыць сваё багацце. Ты дарыш багацейшаму? Сам збяднееш.

ВЫСЛОЎІ 22:7

Багаты распараджаецца беднымі; а хто прымае пазычанае — раб таго, хто пазычае.

ЭКЛЕЗІЯСТА 5:8

а набытак зямлі — перадусім цар, палі якога ўзараныя.

ІСАІ 53:3

Пагарджаны быў Ён, апошні з людзей, чалавек пакутаў, які спазнаў немач, і быццам мы закрывалі твар перад Ім; пагарджаны так, што мелі мы Яго за нішто.

АМОСА 4:1

Слухайце гэтае слова, каровы Басана, якія ёсць на гары Самарыі, якія прыгнятаеце няшчасных і мучаеце бедных, якія кажаце гаспадарам сваім: “Прынясі, і будзем піць!”

АМОСА 5:11

Такім чынам, за тое, што тапталі беднага і частку збожжа бралі вы ад яго, дык вы будуеце сабе дамы з цясанага каменя, але не будзеце ў іх жыць; закладаеце вінаграднікі найлепшыя, але віна з іх не будзеце піць.

АБАКУМА 3:14

Прабіваеш стрэламі Сваімі галаву ваяроў яго, надыходзячых, як віхор, на загубу маю; радасць іх, як таго, хто скрыта губіць беднага.

ЗАХАРЫІ 7:10

і не крыўдзіце ўдоў і сірот, і чужынца ды беднага, і не спаганяйце ў сэрцах вашых злосці кожны супраць брата свайго”».

ЯНА 8:49

Адказаў Ісус: «Я дэмана не маю, але шаную Айца Майго, а вы Мяне зневажаеце.

ДЗЕІ 13:50

Тым часам юдэі падбурылі пабожных і паважаных жанчын ды першых грамадзян і ўчынілі пераследаванне на Паўлу і Барнабу, ды выкінулі іх са сваіх межаў.

ДЗЕІ 17:6

І, не знайшоўшы іх, павалаклі Язона ды некаторых братоў да палітархаў, крычучы: «Тыя, якія бунтуюць увесь свет, прыйшлі таксама сюды,

ДЗЕІ 18:12

А калі Галіён стаўся праконсулам Ахаі, юдэі аднадушна паўсталі супраць Паўлы і прывялі яго на суд,

ДЗЕІ 8:3

Саўл жа пустошыў царкву, урываючыся ў дамы, і, хапаючы мужчын і жанчын, аддаваў іх у вязніцу.

1 КАРЫНФЯНАЎ 11:22

Ці не маеце дамоў, каб там есці і піць? Ці мо ганьбіце Царкву Божую ды сароміце тых, што нічога не маюць? Што ж вам скажу? Можа, буду вас хваліць? За гэта не пахвалю!

ЯКАВА 2:3

дык ці вы не звярнулі б увагі на таго, пышна апранутага, і ці не сказалі б: «Сядзь тут на выгодным месцы», а беднаму, пэўна, сказалі б: «Ты пастой там або сядзь каля маіх ног».

ЯКАВА 5:4

Вось жа, галосіць заробак работнікаў, што жалі на палях вашых, каторы вы затрымалі, і лямант жняцоў дайшоў да вушэй Госпада Сабаота.

ЯКАВА 5:6

Засудзілі вы, забілі вы Справядлівага: Ён не супрацівіўся вам.