ЦІТА 3:2 - Кнігі Святога Пісання - Біблія - Біблія — пераклад Чарняўскага (выданне 2017 года)

нікога не абмаўляць, не быць сварлівымі, але ціхімі, выяўляць да ўсіх людзей усю ласкавасць.

Біблія (пераклад А.Бокуна)

на нікога ня блюзьнілі, не былі ваяўнічымі, былі спагаднымі і зьяўлялі ўсякую ціхасьць адносна ўсіх людзей.

Біблія (пераклад В. Сёмухі)

нікога ня бэсьціць, быць не сварлівымі, а ціхмянымі, і паказваць поўную лагоду да ўсіх людзей.

ЦІТА 3:2 Крыжаваныя спасылкі

2 ЦАРСТВАЎ 22:36

Ты даў мне шчыт збаўлення Твайго, і тое, што Ты слухаеш мяне, узвялічвае мяне.

ПСАЛТЫР 140:11

Хай спадуць на іх вуглі агністыя, укінь іх у яму, і няхай не падымуцца.

ВЫСЛОЎІ 19:19

Хто нецярплівы — вытрымае кару, а калі жадаеш выратаваць яго — іншае дадасі.

ВЫСЛОЎІ 25:24

Лепш сядзець у кутку на гарышчы, чым з жонкай сварлівай у агульным доме.

ВЫСЛОЎІ 6:19

таго, хто кажа ману, хлуслівага сведку, і таго, хто сее звадкі паміж братамі.

ІСАІ 40:11

Як пастыр, пасе статак Свой, зганяе рукою Сваёй ягнят ды прыціскае іх да грудзей Сваіх; Сам носіць матак».

МАЦЬВЕЯ 11:29

Вазьміце ярмо Маё на сябе ды вучыцеся ад Мяне, бо Я ціхі ды пакорлівы сэрцам, і знойдзеце супачынак душам вашым.

ДЗЕІ 23:5

Сказаў Паўла: «Не ведаў, браты, што гэта першасвятар. Бо напісана: “Кіраўніка народа твайго не абражай”».

1 КАРЫНФЯНАЎ 6:10

ані злодзеі, ані хціўцы, ані п’яніцы, ані зламоўныя, ані рабаўнікі не атрымаюць у спадчыну Валадарства Божага.

1 КАРЫНФЯНАЎ 9:19

Бо, будучы вольным ад усіх, стаўся я нявольнікам усіх, каб тым больш іх здабыць.

2 КАРЫНФЯНАЎ 10:1

Дарэчы, я сам, Паўла, перасцерагаю вас праз пакорлівасць і ласкавасць Хрыстову, што я асабіста між вамі ціхі, аднак у аддаленні патрабавальны да вас;

2 КАРЫНФЯНАЎ 12:20

Бо баюся, каб часам, прыйшоўшы да вас, знайсці вас не такімі, якімі хачу вас знайсці, ды каб і вы не знайшлі мяне такім, якога вы не хочаце, каб часам не было ў вас спрэчак, зайздрасці, гневу, сварак, ачарненняў, абмовы, пыхлівасці, звадкі,

ГАЛЯТАЎ 5:22

Плод жа духа – любоў, радасць, супакой, доўгацярплівасць, ласкавасць, дабрыня, вера,

ГАЛЯТАЎ 6:1

Браты, калі б і правініўся чалавек якім праступкам, вы, духоўныя, навучайце такога ў духу ласкавасці, зважаючы на саміх сябе, каб і табе не быць спакушаным.

ГАЛЯТАЎ 6:10

Дык вось, пакуль маем час, будзем рабіць дабро ўсім, а найбольш сваім па веры.

ЭФЭСЯНАЎ 4:2

з усёю пакорлівасцю і лагоднасцю, з доўгацярплівасцю і любоўю адны адных пераносячы,

ЭФЭСЯНАЎ 4:31

Хай пакінуць вас усякая прыкрасць, гнеў, і злосць, і звадка, і ачарненне, і ўсякая злоснасць.

ПІЛІПЯНАЎ 4:5

Ціхасць ваша хай будзе вядомай усім людзям. Госпад блізка.

1 ФЕСАЛОНІКІЙЦАЎ 2:7

хоць маглі быць у паважанні як Апосталы Хрыстовы, але сталіся мы ціхімі між вамі і, як карміцелька песціць дзяцей сваіх,

1 ЦІМАФЕЯ 3:11

Падобна і жонкі – паважныя, не абмоўныя, цвярозыя, верныя ва ўсім.

1 ЦІМАФЕЯ 3:3

не п’яніцаю, не задзіраю, не карыслівым, але далікатным, не сварлівым, не сквапным,

ЯКАВА 3:17

А мудрасць, што з вышыні, перш за ўсё чыстая, пасля мірная, пакорлівая, лагодная, поўная міласэрнасці і добрых пладоў, бесстаронная ды некрывадушная.

ЯКАВА 4:11

Браты, не ачарняйце адзін аднаго. Хто ачарняе брата свайго або асуджае брата свайго, той ачарняе закон ды асуджае закон. А калі ты асуджаеш закон, дык ты не выканавец закону, але суддзя.

1 ПЯТРА 2:1

Дык адкінуўшы ўсякае ліха і ўсякую падступнасць, і крывадушнасць, зайздрасць ды ўсякае ачарненне,

1 ПЯТРА 3:10

«Бо чалавек, які любіць жыццё і хоча ўбачыць добрыя дні, хай стрымлівае язык свой ад ліхога і вусны, каб не гавораць падступна;

1 ПЯТРА 3:8

Нарэшце, будзьце ўсе аднадумныя, спагадныя, поўныя братняй любові, міласэрныя, ветлівыя,

1 ПЯТРА 4:4

Дзеля таго яны дзівяцца, што вы не топіцеся разам з імі ў тым самым віры распусты, ды таму блага аб вас гавораць.

2 ПЯТРА 2:10

а перад усім тых, што ідуць за целам у нячыстай пажадлівасці і пагарджаюць начальствам; нахабнікаў, пыхліўцаў, што не баяцца блюзніць на вышэйшых,

ЮДЫ 1:10

Гэтыя ж блюзняць на тое, чаго не ведаюць, а што па прыродзе ведаюць, як неразумныя жывёліны, гэтым самі сябе знішчаюць.

ЮДЫ 1:8

Падобна будзе і тым легкадумным, што паганяць цела, зневажаюць улады ды блюзняць супраць вышэйшых.