ВЫСЛОЎІ 6:12 - Біблія (пераклад А.Бокуна)

Чалавек нягодны, чалавек злачынны ходзіць з хлусьлівымі вуснамі,

Біблія (пераклад В. Сёмухі)

Чалавек падступны, чалавек бязбожны ходзіць зь ілжывымі вуснамі,

Кнігі Святога Пісання - Біблія - Біблія — пераклад Чарняўскага (выданне 2017 года)

Чалавек несправядлівы, чалавек небяспечны ходзіць з крывадушнымі вуснамі;

ВЫСЛОЎІ 6:12 Крыжаваныя спасылкі

ПСАЛТЫР 10:3

Бо хваліцца бязбожнік у пажаданьнях душы сваёй, і дабраслаўляе хціўца, і грэбуе ГОСПАДАМ.

ПСАЛТЫР 10:7

Вусны ягоныя поўныя праклёнаў, ашуканства і здрады; пад языком ягоным — ліхота і злачынства.

ПСАЛТЫР 101:3

Не пастаўлю перад вачыма маімі рэчы нягодныя; учынкі паганыя я ненавіджу, не прылепяцца яны да мяне.

ПСАЛТЫР 36:3

бо ён ашуквае сябе ў вачах сваіх, нібы шукае беззаконьня свайго, каб узьненавідзець яго.

ПСАЛТЫР 59:7

Увечары яны вяртаюцца, выюць, быццам сабакі, і горад абыходзяць наўкола.

ВЫСЛОЎІ 10:32

Вусны праведніка ведаюць, што даспадобы [Богу], а ў вуснах бязбожнікаў — падступнасьць.

ВЫСЛОЎІ 11:6

Праведнасьць правых ратуе іх, а ліхадзеі будуць злоўленыя злачынствам сваім.

ВЫСЛОЎІ 16:27

Чалавек нягодны ліхоцьце рыхтуе, і ў вуснах ягоных нібы агонь палючы.

ВЫСЛОЎІ 16:30

прыплюшчвае вочы свае, каб прыдумляць подступ, крывіць губы свае, робячы ліха.

ВЫСЛОЎІ 17:4

Ліхотнік зважае на вусны нягодныя, хлус слухае язык згубны.

ВЫСЛОЎІ 2:12

каб выратаваць цябе ад шляху ліхога і ад чалавека, які гаворыць хлусьліва,

ВЫСЛОЎІ 3:32

бо ГОСПАД брыдзіцца крывадушным, а з правымі Ён сябруе.

ВЫСЛОЎІ 4:24

Адкінь ад сябе вусны хлусьлівыя, аддалі ад сябе язык крывадушны.

ВЫСЛОЎІ 6:14

хавае ліхоту ў сэрцы сваім, увесь час прыдумляе благое, сваркі расьсявае.

ВЫСЛОЎІ 8:13

Страх перад ГОСПАДАМ — ненавідзець ліхоту, пыху і фанабэрыстасьць; шляхі ліхія і вусны крывадушныя я ненавіджу.

ЕРАМІІ 24:2

У адным кашы фігі вельмі добрыя, фігі раньнія, а ў другім кашы фігі вельмі кепскія, якія нельга есьці, бо яны сапсутыя.

МАЦЬВЕЯ 12:34

Спараджэньне яхідны! Як вы можаце гаварыць добрае, калі вы злыя? Бо з перапоўненага сэрца гавораць вусны.

ДЗЕІ 20:30

і спасярод вас саміх паўстануць людзі, якія будуць гаварыць сапсавана, каб пацягнуць вучняў за сабою.

1 ЦІМАФЕЯ 5:13

Да таго ж яны прывучаюцца не працаваць, цягаючыся па дамах; і ня толькі не працаваць, але і балбатаць, і рабіць непатрэбныя рэчы, гаворачы, чаго ня сьлед.

ЯКАВА 1:21

Дзеля гэтага, адкінуўшы ўсякі бруд і празьмернасьць ліхоты, у ціхасьці прыйміце насаджанае слова, якое можа збавіць душы вашыя.

ЯКАВА 3:6

І язык — агонь, сьвет няправеднасьці. Язык гэтак зьмяшчаецца сярод членаў нашых, што апаганьвае ўсё цела, і запальвае круг жыцьця, і сам запальваецца ад геенны.

1 ЦАРСТВАЎ 17:28

І пачуў Эліяў, старэйшы брат ягоны, як ён гаварыў пра гэта з іншымі, і загневаўся Эліяў на Давіда, і сказаў: «Навошта ты прыйшоў і каму пакінуў той малы статак у пустыні ? Я ведаю пыху тваю і ліхоту сэрца твайго, бо ты прыйшоў сюды, каб паглядзець на вайну».