ORACIÓN UKAT ARSUÑATAKI VERSIÓN

Awk taykajj mayipjja mayisiñapatakiw sistu. Mayisiñampiwa Diosamp chikachasiñ jikjjatastanjja. Mayisiñawa iyawsirinakan parltʼañapatapajja, mayisiñampiwa taqe mayitanakas Awkisar uchapjjta. Kawkïrïtï jan waltʼayatäkchï ukhajj, ukhamarak llakisiñampi phuqantatäkchï ukhajj, mayisiñampiwa Awkisar sarapjja. Mayisiñampiwa Diosajj kunanakatï munastan ukanak yatipjje, arunakap istʼapjje. Janïr nayrjam nasktan ukhajja, Diosajj jakäwip yatipjjeriwa, ukampis Jupar parltʼapjjañam, Jupar thaqpjjañam munaraki. Mayisiñampiwa Diosamp sum apasipjja, Jumamp chika amtamp apasipjja. Jesusan iyawsiripjamäki ukhajja, mayisiñawa mä jachʼa armanïkaspas ukhamawa, taqe chʼaxwawanakan uñjasipjjañapataki, mayisiñampiwa taqe chʼaxwawanakan atipjapjjañama. Mayisiñan chʼamapajja juman jakʼat juti, Jesusanwa chʼamapajja; Jupaw mayitanakasar istʼi, jaqenakatak jan phuqtʼkasir ukanaksa Jupaw phuqtʼayistu. Chuymamp mayisitapjjani ukhajja, awk taykan chuymachtʼäwipa, sumankañapa, munasiñapa katoqapjjasma. Llakisit chuymampita, altʼat chuymampita Diosar jakʼachasipjjam, janiw khitis jumanakarojj qʼal tukuykiti. (Efesios 6:18) Sapa kutiw Ajayu Santump mayisipjjañama, taqe mayitanakampi, ruwtʼatanakampi. Sum amuytʼasipjjam, taqe iyawsirinakatak mayisiñsa jan qʼal tukuyapjjamti. Mayisitapjjani ukhajja, Diosar yuspärapjjam, jan ukhamak mayitanakampiki, Jupa nayraqatan sum istʼapjjam. (1 Tesalonicenses 5:16-18) Kusisit jakapjjam, jan qʼal mayisipjjam, taqe uñjasitanakat Diosar yuspärapjjam, ukaw Criston iyawsiripjamäpjjani ukhajja, Diosan munañapätawa.

Nayasti, Tatituruw chekapar uñjatapat jach'añchä, alajjpachanquir Tatitun sutiparuw k'ochunac k'ochü.

Jumasti Tatitu Diosamaruquiw yupaychäta, jupawa jumanacarojj bendicipjjätam t'ant'sa, uqhamarac umsa. “Nayasti take usunacwa jumanacatjja apakapjjäma.

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!

Tatitojj jach'ätapata, yupaychatäñapasa waquisitap laycu; ¡take diosanacat sipansa wali ajjsarcañätapataraqui!

Jan karjasisaw Tatiturojj jach'añchä, lacajjajj jupar jach'añchapuniniwa.

Arsutam phokherïtamat marcam taypin jach'añchäma, arsutanacajjsti iyawsirinacam nayrakatan phokharaquï.

¡Jupan nayrakatapanjja jach'a cancañawa utji! ¡Ch'amasa, cusisiñasa, Santuariopan utji!

Tatitur k'ochupjjam mä machak k'ochu, wali jaya oraketpach juparojj yupaychapjjam, kotan tuyurinaca, uqhamarac uca kotan utjiri animalanaca, kota toke marcan jaquirinacasa.

Marcanaca, Diosasar jach'añchapjjam, jach'añchañ k'ochunac jach'at k'ochupjjam.

Tatituw nayan k'ochuñajjajja, juparaquiwa ch'amañchirejjasa, uqhamarac khespiyirejjasa. Jupawa nayan Diosajjajja, ucatwa yupaychäjja; juparaquiw awquejjan Diosapasa, ucatwa jach'añcharaquëjja.

Ucatsti mä aruraquiw tronotpacha ist'asïna: “Yupaychapjjam Diosasaru, take qhitinacatejj jupar sirvipjjta ucanaca, uqhamarac jupar ajjsaririnacasa, jisc'as jach'asa” sasa.

Takpach jaquirinacajj Tatitur yupaychapjjpan. ¡Tatitojj jach'ar aptatäpan!

Dios Tatay, ucat ajayojjajj jan amuct'as jach'añchañ k'ochunac k'ochuni, jumarusti wiñayaw yuspagaräma.

“Tatitur yuspagarapjjam, jupasti sumawa, munasiñapasa wiñayataquiwa.

Alajjpachanquir Diosay, jumïpan jach'a cusisiñajj utjitu; sutim aytasaw k'ochuracsma.

Jutapjjam, orakcam konkort'asipjjañäni; Tatitun nayrakatapar quillt'asipjjañäni, jupaw jiwasanacarojj irnokestu.

Tatay, jakenac nayrakatan yuspagaräma, marcanac nayrakatan k'ochunacamp jach'añchäma.

Tatitojj sapür jach'añchatäpan, Diosaw jan walt'añanacas apasqui, jupaw Diosasajja, khespiyasiñasasa.

Diosajjay, Reyejjay, jach'aruw aptäma, wiñayaw sutim jach'añchä.

Tatay, takpach chuymajjampiw yuspagarsma muspharcañ luratanacamat yatiyasa.

¡Tatitojj jach'añchatäpan! Tatitur loktirinaca, sutip jach'añchapjjam.

Lacajjat jach'añchañ arunacajj mistpan, jumaw leyinacam nayar yatichista.

Ucatsti ist'aractwa cuntejj Diosajj utjayqui ucanacaru. Take cunatejj alajjpachancqui, acapachancqui, orak mankhancqui, lamar kotancqui ucanacasti aqham sapjjaraquïnwa: “¡Yupaychañasa, jach'añchäwisa, jach'a cancañasa, munañanïñasa, qhititejj tronon kont'atäqui ucar churatäpan, uqhamarac Corderorusa wiñayan wiñayapataqui!” sasa.

Ucampis horasajj puriniwa, anchhichhawa, Awquiru chekpach yupaychirinacajj Ajayun, uqhamarac cheka cancañampin yupaychapjjani. Awquejj uqhamwa yupaychayasiñ muni.

Diosajj Ajayuwa, qhitinacatejj jupar yupaychapqui ucanacajja Ajayuna, uqhamarac cheka cancañampina yupaychapjjañapawa.

nayar yuspagarirejj jach'aruw aptitu; asqui thaquejjan saririrusti Diosan khespiyäwip uñjayä” sasa.

Ucatwa jichhajja nanacan Diosajja yuspagarapjjsma, uqhamarac jach'a sutimsa yupaychapjjaracsma;

Takpach chuymajjampiw Tatitur jach'añchä, takpach chuymajjampiw kollan sutip jach'ar aptä.

kollan sutipar k'ochupjjam, aytat cancañapar k'ochunac k'ochupjjam;

Ucampis nayajja, yuspagarañ arumpiwa jumar sacrificionac loktämajja; cuntejj nayajj arscta ucsti phokharaquïmawa. ¡Jumaquiw khespiyasirïtajja!” sasa.

Jumasti kollanätawa; jumaw Israel marcan jach'añchatätajja.

Lajjrajjampiw asqui cancañamat yatiyä, ¡sapüruw jach'ar aptaraquïma!

Uca laycu, nayan Tatitojja, ¡cunja jach'ätas jumajja! Janiraquiw qhitis jumjamajj utjquiti, ni yakha diosas utjcaraquiti jumat sipanjja, cunjämtejj nanacajj take cuna ist'apjjta uqhamarjamajja.

Machak k'ochu lacajjar uchitu, Diosajjar yupaychañ k'ochu. Uc uñjasajj waljaniw chuym ch'alljjtayasipjje, Tatiturusti take chuymampiw iyawsapjje.

Tatitojj jach'apuniwa, jach'ar aptatäñapajj waquisiwa, jach'a cancañapajj jan amuyt'cayawa.

juparuw lacajjajj art'asi, lajjrajjasti juparuw jach'añchi.

ucapachaw p'ekejj waytä, muyuntir timanacajjar aynacht'ayasa. Ucapachaw utapan loktäwinac churä, cusisiñat wararï, Tatituruw cusisiñamp k'ochuraquï.

Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.

cusisit chuymamp Tatitur loktapjjam, jallallt'asis nayrakatapar mantapjjam.

Tata, jumätaw nayan Diosajjajja; nayajj jumaruw yupaychsma, sutimsa bendiciractwa, muspharcaña amtatanacamwa phoktajja uca laycu, ucanacasti chekapapuniwa imantasiñajjaraquiwa nayra pachanacatpacha.

Ucatpï Diosarojj yupaychañasaquipunejja Jesucristo toke. Aca yupaychañawa suma sacrificiot churañasajja, lacanacasampi yupaychañäni.

Nayajj jumar sismawa: “Jumaw nayan Tatitojjätajja, asquejjätasa, janiw cunas jumjamajj utjquiti” sasa.

Sapjjam: ‘¡Khespiyapjjeta nanacan Khespiyiri Dios Tata! ¡Marcanac taypitsa, khespiyasa apthapisjjapjjeta, kollan sutima yupaychañanacajjataqui, uqham cusisita jumar yupaychapjjañajjataqui!’

Jan levaduran t'ant'a nact'ayasa yuspagarasina ofrenda loktasipjjaraquim, yatiyapjjaraquim take chekana ofrenda churapcäta ucanacsa, niyaquejjay jumanacataquejj uqham lurañajj sumächejja.” Uqham siw Tatitojja.

Ucampis niya chica arumarojja, Pablomp Silasampejj oración lurasipcäna, uqhamarac Diosarus k'ochunac k'ochusipcäna. Maynïr presonacasti ucanacjja ist'apjjaraquïnwa.

Diosajj Ajayuwa, qhitinacatejj jupar yupaychapqui ucanacajja Ajayuna, uqhamarac cheka cancañampina yupaychapjjañapawa.

Sión marcan Diosapa, jumajj jach'añchatäñataquejj asquïtawa, jumar arsutanac phokhañajj waquisiwa,

Salmonacampi maynit maynicama chuymachasipjjam, yupaychañ k'ochunacampi, ajayun k'ochunacamp k'ochusina, uqhamarac Tatituru take chuymamp yupaychasina.

Lacajjajj sapüruw khapak cancañamatjja, jach'añchäwi k'ochunacamp phokt'atäsqui.

¡Jach'añchäwi churatäpan Dios Awquisarojja wiñayan wiñayapataqui! Uqhamäpan.

Chuymajj mankhenjja Diosan leyiparu wal munta,

Tatitun arunacapajj chuymanacamarojj phokhantpan, jumanaccamaraqui yaticht'asipjjam, waytt'asipjjaraquim take amuyt'a chuymampi, Tatitur k'ochuñäqui ucanacsa k'ochupjjaraquim, Diosar yuspagarasa.

yuspagarañ chuymamp nayrakatapar mantapjjañäni, phust'añanacamp chic jupar jallallapjjañäni.

Ucatsti cunapachatï wali cusisita k'ochunaca k'ochuña kalltapjjäna ucqhajja, Tatitojj jan walt'ayawa kalltäna amonitanaca moabitanaca, uqhamarac Seir sat kolluta jutirinaca taypina, qhitinacatejj Judá marcar nuwir jutapcäna ucanacana. Jupanacasti atipjatäpjjänwa.

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Kollan ut toker amparanacam loktapjjam, Tatiturusti jach'añchapjjam.

Tatay, takpach chuymajjampiw yuspagarsma muspharcañ luratanacamat yatiyasa.

Tatay, sutim yatirinacajj jumaruw iyawsapjjtam, jumar thakerinacarojj janipuniw apanucctati.

Sión kollun jaquir Tatitur k'ochupjjam, muspharcañ luratanacap marcanacar yatiyapjjam;

Diosajj t'akhesirinacat amtasipuniwa, janiw jachatanacapat armasquiti, jupanacar t'akhesiyirinacarojj mutuyiwa.

Tatay, nayat qhuyapt'ayasita, uñisirinacajjan nayar t'akhesiyatap uñtanim, jiwañ puncut wayst'asita.

Uqhamat jumar jach'añchäma, khespiyatamatsti Sión puncunacan cusisï.

Jumar jan uñt'ir marcanacajj jupanacan waquichat sipitaruw jalantapjje, cayunacapajj sipitrantataw uñjasi, jupanacan imantat pachpa sipitaparu.

Tatitojj chekapar uñjañataquiw uñachayasi: ñankha lurir jakesti pachpa luräwinacapampiw pejjtuntayasi.

Ñankha lurir jakenacampi, Diosar jan uñt'irinacampejj jiwañ mic'ayaruw chhaktapjjani, Diosat armt'asir jakenacajj wiñay jiwampiw tucusipjjani.

Jan cunan jakenacajj janipuniw armatäpcaniti, janiraquiw suyt'añapas wiñayatac tucuscaniti.

Tatay, sartasiquimaya, janiquiy jaken jach'a jach'a tucuñap alekac uñch'uquimti, Tatitur jan uñt'irinacarojj nayrakataman taripam.

Alajjpachanquir Diosay, jumïpan jach'a cusisiñajj utjitu; sutim aytasaw k'ochuracsma.

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Tatitur loktapjjam jach'a cancañsa, uqhamaw waquisi; ofrendanacampi jupa nayrakatan uñstapjjam, muncañ santuariopan Tatitur yupaychapjjam.

Tatay, jumaw takpach marcanac utjaytajja, jupanacasti nayrakatamaruw jutapjjani, jumar yupaychiri, sutimar jach'añchiri.

Janiw acch'as walïquiti jupanacan yupaychaña churatanacapajja, jupanacan yatichäwipajj jakenacan yatichäwipaquïtap laycu.’

¡K'ochupjjam, Diosatac k'ochupjjam! K'ochupjjam, reyisatac jayllipjjam.

¡Diosaw takpach oraken Reyipajja!, cusisiñamp jupar k'ochupjjam.

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Tatitusti Ajayuwa. Cawqhantï Tatitun Ajayupajj utjqui ucqhanjja khespiyat sarnakasiñaw utji.

Ucatpï jiwasanacajja, ajanunacasajj jan uca velompi imantatäjjatap laycojj mä espejor uñtatjamaw Tatitun jach'a cancañapatjja c'ajtanjja. Uqhamaraquiw jiwasajj juc'ampi juc'ampi Cristjama tucusctan juc'ampi khanapajj jiwasancatap laycu. Ucwa Ajayüquis uca Tatitojj jiwasanacataquejj luri.

Diosajj sayt'asqui ucapachajja, jupamp timasirinacajj chhuqhutatapjjewa, jupar uñisirinacajj nayrakatapat jaltjjapjjewa;

Marcamajj uca oraken utjantasïna, Diosay, munasiñam laycuw jan cunan jakerojj waquisirinac churtajja.

Tatituw mä yatiyäw arsu, warank warank jakenacaw ucjjat yatiyapjjäna:

“Reyinacamp nuwasir tamanacampejj jaltjjapjjewa, warminacajj catuntat yänac jalanokasipjje.

Uywa uyunacan samarañamcamasti palomanacajj kollke chhekhanacap qhiwiliyapjjäna, phuyunacapan korejj c'ajäna.

Ucch'añcamasti take Atipirejj reyinacaruw chhucjayäna, qhunojj Salmón kolluruw qhununtäna” sasa.

Basán kollunacajj wali jach'anacawa, kollunacapajj wali khathanacawa:

khatha kollunaca, ¿cunatarac Diosan utjasiñapatac ajllit kollur uñisipjjtasti? ¡Tatituw uca kollun wiñayatac jacani!

Diosan nuwasiñ carronacapajj warank warankawa: Sinaí kollutpach Diosajj kollan chekawjarojj jutanti.

Diosay, alajjpacharuw maqhattajja, catuntat jakenac anaquisa; churäwir uñtat jakenac catokastajja. Tatay, jumar kallcatir jakenacamppachaw jumar maqhatjjapjjtamjja.

Tatitojj sapür jach'añchatäpan, Diosaw jan walt'añanacas apasqui, jupaw Diosasajja, khespiyasiñasasa.

jiwk'er uñtataw chhaktapjje, ninamp umatatayat liq'jamaw umatatapjje, ñankha lurir jakenacajj Diosan nayrakatapan tucusipjje.

Diosasajj khespiyir Diosawa, jupaw wiñay jiwañat khespiyistaspa.

Diosajj uñisirinacapan p'ekep jaljtayani, ñankha lurañ jan wanir jakenacan p'eke ch'aqhap t'unjani.

Tatitojj siwa: “Basán oraketpach cutiyanjjäma, lamar kota mankhatpach irpsunjjäma,

timasirinacaman wilapampiw cayum jarekasïta, anunacamasti uca wil jallk'apjjaraquini” sasa.

Diosay, jumar wakaychirinacaw uñstasinqui, kollan chekawja tokeruw sarantasipqui. Diosajjan, Reyejjan wakaychirinacapawa.

K'ochurinacajj nayrakat sarantapjje, arpa jachsuyirinacasti khepat arcapjje, chica taypinsti tawakonacaw chhulluchhullunacamp sarantapjjaraqui.

¡Tatit Diosar cusisiñamp jach'añchapjjam, Israel marcpach tantachat jupar yupaychpan!

Jupanacan nayrakatap sullquïr Benjaminajj sarantasqui, Judá marcanquir jilïrinacamp chicaw saranti, Zabulón, Neftalí marcanacan jilïrinacapamp chicaw sarantaraqui.

Diosay, ch'amam uñacht'ayaquimaya, nanac laycu lurir qhuyapayir ch'amam uñachayam.

Jerusalenanquir utamaruw reyinacajj churäwinac apanipjje, ucawjatpachay jumajj,

Asqui jakenacasti cusisipjjewa, Diosan nayrakatapan cusisipjje, cusisiñat t'isctapjji.

Cawquintejj paninisa, quimsanisa sutejjaru tantachatächejja, nayajj jupanac taypinctwa.

Tatitun arquirinacapa, jupar k'ochupjjam, kollan sutipar yuspagarapjjam;

¡Tatitojj jach'ar aptatäpan! Tatiturojj machak k'och k'ochupjjam, iyawsirinacap taypin jach'añchapjjam.

Israel marcajj utjayiripat cusispan, Sión marcan wawanacapajj Reyipat cusisipjjpan.

Thokoñanacamp sutiparojj jach'añchapjjam, arpanacampi, chhulluchhullunacamp k'ochupjjam.

Jumaruw yuspagarsma, muspharcañpun nayataquejj lurtajja, ¡ucsti sumpun yatista!

Ucampis llamp'u cancañampi chuymachasiñampi churir Diosajja jumanacan jacäwimana yanappan sumaqui mayninacajj mayninacampi jacapjjañamataqui, Tatit Jesusanquirinacjama,

uqhamata takenisa mayaqui jach'a Dios Awquisaru yupaychañataqui, jupasti Jesucriston Awquiparaquiwa.

Jan karjasisaw sapür jach'añchsma, chekap camächit arunacamata.

Nayasti Diosaruw jac'achasï, ucaw nayarojj cusisiyitu. Tatay, jumaw arjjatirejjätajja, takpach luräwinacamat yatiyä.

¡Tatay, uywirejjay, sutimajj takpach oraken muspharcayawa! ¡Khapak cancañamajj alajjpachat juc'amp qhuricamawa!

Timasirinacaman utjatap laycojj ñuñusquir wawanacan jach'añchatapampiw ch'amam uñacht'aytajja, timasirinacampir kallasirinacampir t'unjañataqui.

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

llamp'u chuymanïña, janchin munañapar atipjaña. Acanac contrasti janiw cuna leyis utjquiti.

Diosar mayisiña