2 Samuel 7:22 - Qullan Arunaca

²² Uca laycu, nayan Tatitojja, ¡cunja jach'ätas jumajja! Janiraquiw qhitis jumjamajj utjquiti, ni yakha diosas utjcaraquiti jumat sipanjja, cunjämtejj nanacajj take cuna ist'apjjta uqhamarjamajja.

Aymar Bibliia 1986

²² Uca laycu, nayan Tatitojja, ¡cunja jach'ätas jumajja! Janiraquiw qhitis jumjamajj utjquiti, ni yakha diosas utjcaraquiti jumat sipanjja, cunjämtejj nanacajj take cuna ist'apjjta uqhamarjamajja.

Qullan Arunaka DC

²² ¡Kunja jach'ätas jumax Tatituxay! Nanak pachpaw yatiqapxta, janiw khitis jumjamax utjkiti, janiw yaqha diosas jumat sipan utjkiti.

2 Samuel 7:22 Jak'a apnaqawi uñst'ayäwi

2 Samuel 22:32

¿Qhitirac Tatitut sipan yakha diosast utjisti? ¿Qhiti diosarac jiwasanacar arjjatirist utjisti?

1 Reyes 8:23

“Israelan Tatit Diosapa, janiw alajjpachansa, ni aca orakensa jumjamajj yakha Diosajja utjquiti, jumasti phoktawa suma parlt'äwimjja, uqhamaraquiw qhuyapayasiractajja qhitinacatejj take chuymampi arcapctam ucanacarojja.

1 Crónicas 16:25

Tatitojj jach'ätapata, yupaychatäñapasa waquisitap laycu; ¡take diosanacat sipansa wali ajjsarcañätapataraqui!

2 Crónicas 2:5

Cawquïr templtejj luraycä ucajja wali jach'äñapawa, nanacan Diosajjasti take diosanacat sipansa wali jach'awa uca laycu.

Salmos 135:5

Tatitun muspharcayätap yatta, jupajj take diosanacat sipan ch'amaniwa.

Salmos 145:3

Tatitojj jach'apuniwa, jach'ar aptatäñapajj waquisiwa, jach'a cancañapajj jan amuyt'cayawa.

Salmos 44:1

Diosay, jinchunacajjampiw ist'apjjta, awquinacajjaw yatiyapjjetu: urunacapan luräwinacamata, nayra pachanacan luratanacamata.

Salmos 48:1

¡Tatitojj jach'a ch'amaniwa! Diosasajj jach'añchatäñataquejj asquiwa, kollan marcapansa, kollan kollupansa.

Salmos 86:10

Jumajj wali jach'a ch'amanïtawa, muspharcañanac lurtajja, juma sapaquiw Diosätajja.

Salmos 86:8

Tatay, janiw qhiti diosas jumjamajj utjquiti, janiraquiw luratanacamjamajj utjquiti.

Salmos 89:6

¡Tatay, janiw cawquïr diosas alajjpachanjja, jumamp chicachascaspati!

Salmos 89:8

Take ch'aman Tatit Diosay, takpach ch'amajj jumanquiwa, cheka cancañasti jumar muyuntiriwa; janiw qhitis jumjamajj utjquiti.

Salmos 96:4

Tatitojj take ch'amaniwa, jach'ar aptatäñapajj waquisipuniwa, c'ari diosanacat sipan wali ajjsarcayawa.

Éxodo 10:2

Uqhamaraqui jumajja wawanacamaru, allchhinacamaru cuntejj nayajj Egipton lurcta, uqhamarac cuna jach'a muspharcañ unanchanactejj egipcionac taypin lurcta ucanaca yatiyañamataqui. Uqhamata jumanacajj yatipjjañamataqui nayajj Tatitütajja.

Éxodo 15:11

Dios Tata, ¡janiw qhiti diosas jumampejj chicachascaspati! ¡Janiw qhitisa, jumjama Santo, uqhamarac jach'ajj utjquiti! Jumasti cunayman muspharcañanaca, uqhamarac ajjsarcañanacwa lurtajja. ¡Uca laycusti asquïtawa yupaychatäñataquejja!

Éxodo 8:10

Faraonasti sänwa: —Kharürpacha mayipjjam —sasa. Ucatsti Moisesajj saraquïnwa: —Lurasiniwa mayitamarjamajja, uqhamatwa yatïta jan yakhajj utjatapa nanacan Tatitu Diosajj-jamajja.

Éxodo 8:6

Aaronajj amparapwa loktäna Egiptonquir umanacjjaru, ucatsti c'ayranacajja umanacat mistsunisajja Egipto marcpacharuw phokhantäna.

Éxodo 9:14

Jichhacuchasti nayajj take mutuyäwejjwa apayanëjja jumaru, sirvirinacamaru, uqhamarac take jakenacamaru, uqhamatwa yatïta jani yakhajj nayjama aca oraken utjatapjja.

Isaías 40:18

¿Cunampirac jumanacasti Diosarusti tinct'ayapjjasmasti? ¿Cuna yakha diosampirac Diosarusti ‘Aqhamaw’ sapjjasmasti?

Isaías 40:25

Kollana Diosasti jisct'araquiwa: “¿Cunampis jumanacajj uñtasiyapjjetata? ¿Qhitis nayampi chicachasiraquispajja?”

Isaías 45:18

Alajjpach lurirejja, qhititejj Diosäqui, Tatitücaraqui ucawa, qhititejj aca orake lurqui sayt'aycaraqui, qhititejj uchqui jan ch'usäñapataqui, jan ucasti jakenïñapataqui lurqui ucajj, siwa: “Nayätwa, Tatitojja, janiraquiw yakhajj utjquiti.

Isaías 45:22

“Nayan ucar jutapjjam, nayaw khespiyapjjäma, orake tucusin utjir marcanaca, nayaquïtpï Diosajja, janiw yakhajj utjquiti.

Isaías 45:5

Nayätwa Tatitojja, janiw yakhajj utjquiti, nayat yakha Diosajj janiw utjquiti. Nayaw jumarojj nuwasiñataqui waquichsma, jumajj nayar jan uñt'cchiyästa ucasa,

Ezequiel 36:22

“Ucatpï jichhajj Israel marcarojj parlätajja: ‘Aqham siw Tatitojja: Cuntejj jichhajj lurcä ucajj, israelita jakenaca, janiw jumanac laycuti lurcäjja, jan ucasti kollana sutejj laycuwa, jumanacasti nayan sutejj-jja cawqui marcanacarutejj sarapcta ucanjja taquisipjjtawa.

Ezequiel 36:32

Naya Tatituw ucjja arsta: ‘Yatipjjam israelita jakenaca, aca luräwinacjja janiw jumanacan p'enkasiñanacamataqui lurcti’ sasa.

Daniel (hebreo) 2:45

Ucwa sañ muni cuntejj juma, jach'a reyejj, uca kollut mä jach'a kala jan qhitin nuct'ata sarakasinquiri uñjcäyäta ucajja, uca kalasti lak'aruw tucuyaraqui uca hierro, bronce, ñek'e, kollke uqhamaraqui korsa. Jach'a Diosasti juma, jach'a reyirojj, uñacht'ayaractamwa cunatejj acat kheparu pascani take ucanacjja. Uca samcajj chekäscapuniwa uqhamaraqui khanañchäwisa chekaraquiquiwa.”

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Deuteronomio 3:24

‘Dios Tata, jumaw aca sirvirimar ch'amam uñacht'aytajja. Janiraquiw yakha Diosajj jumjamajj utjquiti alajjpachansa ni acapachansa, cunjämatï jumajj jach'a uñacht'äwinac lurcta uqhama.

Deuteronomio 32:39

Naya sapaquïtwa Diosajja. Janiw yakha diosanacajj nayat sipan utjquiti. Nayaw jacañ churta, uqhamaraqui apakaractsa, nayaw usuchjaracta, uqhamaraqui kollaractsa. ¡Janiraquiw qhitis ch'amajjat khespiyirejj utjquiti!

Deuteronomio 4:35

Ucanacsti jumanacarojj uñacht'ayapjjsmawa jumanacan chekpach Diosätapa yatipjjañamataqui, uqhamaraqui jupat sipansa jan yakhajj utjatapa.

Deuteronomio 4:39

“Uqhamasti suma amuyt'asipjjam, Tatitaquiw Diosajja alajjpachansa, acapachansa, janiw yakhajj jupat sipan utjquiti.

1 Samuel 2:2

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!