2 Samuel 7:22 - Qullan Arunaka DC

²² ¡Kunja jach'ätas jumax Tatituxay! Nanak pachpaw yatiqapxta, janiw khitis jumjamax utjkiti, janiw yaqha diosas jumat sipan utjkiti.

Aymar Bibliia 1986

²² Uca laycu, nayan Tatitojja, ¡cunja jach'ätas jumajja! Janiraquiw qhitis jumjamajj utjquiti, ni yakha diosas utjcaraquiti jumat sipanjja, cunjämtejj nanacajj take cuna ist'apjjta uqhamarjamajja.

Qullan Arunaca

²² Uca laycu, nayan Tatitojja, ¡cunja jach'ätas jumajja! Janiraquiw qhitis jumjamajj utjquiti, ni yakha diosas utjcaraquiti jumat sipanjja, cunjämtejj nanacajj take cuna ist'apjjta uqhamarjamajja.

2 Samuel 7:22 Jak'a apnaqawi uñst'ayäwi

2 Samuel 22:32

¿Khitirak Tatitut sipan yaqha diosasti utjisti? ¿Khiti diosarak jiwasanakar arxatiristi utjisti?

1 Reyes 8:23

“Israelan Tatit Diosapa, janiw alaxpachansa, aka uraqinsa jumjam yaqha Diosax utjkiti, jumax arust'äwimar phuqtawa, taqi chuymampi jumar jaysirinakarux khuyapayasiñam uñacht'ayaraktaxa;

1 Crónicas 16:25

Tatitux taqi ch'amaniwa, yupaychatäñapax wakisipuniwa, ¡taqi diosanakat sipansa wali axsarkayawa!

2 Crónicas 2:5

5 (4) Ukampis kawkïr uttix luraykä ukax jach'äñapawa, nanakan Diosaxan taqi diosanakat sipan juk'amp jach'ätap layku.

Salmos 135:5

Tatitun muspharkayätap yatta, jupax taqi diosanakat sipan ch'amaniwa.

Salmos 145:3

Tatitux jach'apuniwa, jach'ar aptatäñapax wakisiwa; jach'a kankañapax jan amuyt'kayawa.

Salmos 44:1

1 (2) Tatit Diosay, jinchunakaxampiw ist'apxta, awkinakaxaw yatiyapxitu kuntix khaya urunakapan lurkta taqi ukanakata:

Salmos 48:1

1 (2) ¡Tatitux jach'a ch'amaniwa! ¡Diosasax jach'añchatäñatakix askiwa, qullan markapansa, qullan qullupansa!

Salmos 86:10

Juma sapakiw jach'a Diosätaxa; muspharkañanak lurtaxa.

Salmos 86:8

¡Tatay, janiw khiti diosas jumjamax utjkiti! ¡Janirakiw luratanakamjamax utjkiti!

Salmos 89:6

6 (7) ¡Tatay, janiw kawkïr diosas alaxpachanxa, jumampi chikachaskaspati!

Salmos 89:8

8 (9) Taqi ch'aman Tatit Diosay, taqpach ch'amax jumankiwa, chiqa kankañasti jumar muyuntiriwa; janiw khitis jumjamax utjkiti.

Salmos 96:4

Tatitux taqi ch'amaniwa, yupaychatäñapax wakisipuniwa, ¡k'ari diosanakat sipan wali axsarkayawa!

Éxodo 10:2

ukhamarak jumax wawanakamaru, allchhinakamar kuna muspharkañanaktix nayax egipcionak taypin lurkta, kunjämtix jupanakat laruskta ukanaksa jupanakar yatiyañamataki. Ukhamat jumanakax yatipxäta nayan Tatitütaxa.

Éxodo 15:11

Tatay, ¡janiw khiti diosas jumjam utjkiti! ¡Janiw khitis jumjam qullanasa, jach'a ch'amanis utjkiti! ¡Jumax kunayman muspharkañanaka, axsarkañanak utjaytaxa! ¡Askïtaw yupaychatäñataki!

Éxodo 8:10

10 (6) Faraonasti sänwa: —Qharürpacha —sasa. Moisesasti sarakïnwa: —Mayitamarjamaw phuqhasini, ukhamat yatïta Israelan Tatit Diosapjamax yaqha diosan jan utjatapa.

Éxodo 8:6

6 (2) Aaronasti Egipto uraqin utjir umanakxaruw thujrup aytäna, ukatsti k'ayra jamp'atunakax uka umanakat mistsunisax Egipto markpacharuw phuqhantäna.

Éxodo 9:14

jichha kutix taqi mutuyäwinakax apayanï, jumataki, yanapirinakamataki, taqi jaqinakamataki, ukhamat yatïta jani yaqhax nayjam aka uraqpachan utjatapa.

Isaías 40:18

¿Khitimpirak Tatiturusti kikipayapxasmasti? ¿Kuna k'ari diosampirak jupar uñtasiyapxasmasti?

Isaías 40:25

Qullana Tatitusti jiskt'iwa: “¿Khitimpis jumanakax uñtasiyapxitäta? ¿Khitirak naya kipkarakïspasti?”

Isaías 45:18

Alaxpach luriri, khititix Diosäki, Tatitükaraki, khititix aka uraqi lurasax sayt'ayki, khititix aka uraqin jan ch'usäñapatak jaqinaksa lurkaraki ukaxa, siwa: “Nayätwa Tatituxa, janiw yaqhax utjkiti.

Isaías 45:22

“Jaya chiqan utjir markanaka, nayan ukar jutapxam, nayaw qhispiyapxäma, nayakïtwa Diosaxa, janiw yaqhax utjkiti.

Isaías 45:5

Nayätwa Tatituxa, nayat yaqha Diosax janiw utjkiti. Nayaw jumarux nuwasiñatak wakichsma, janis jumax nayar uñt'kchiyästa ukasa,

Ezequiel 36:22

“Ukat jichhax Israel markarux sarakïta: ‘Tatitux akham siwa: Israelitanaka, kuntix jichhax lurkä ukax janiw jumanak laykut lurkäxa, jan ukasti qullan sutix laykuw lurä, jumanakax kawki markanakarutix sarapkta ukan nayan sutix takisipxtaxa.

Ezequiel 36:32

Naya, Tatituw uk arsta: ‘Yatipxam israelita jaqinaka, janiw jumanakan ukanak katuqañamatak lurkti, jan ukasti, luräwinakamat jumanak pachpa p'inqasiñanakamatakiw lurta’ sasa.

Daniel (hebreo) 2:45

Uk sañ muni, qullut jan khitinsa nukt'kat qurumt'ankäna, jach'a jaqir t'unjkarakïna uka qalaxa. Jach'a ch'aman Diosaw juma reyirux uñacht'aytam kunatix akat qhiparu utjkani ukanaka. Uka samkax chiqawa, qhanañchäwipas chiqarakiwa.”

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Deuteronomio 3:24

‘Dios Tatay, jumaw aka luqtirimar ch'amam uñacht'aytaxa. Janiw jumjam jach'a muspharkañanak lurir yaqha Diosax utjkiti alaxpachansa, akapachansa.

Deuteronomio 32:39

Jichhax amuyasipxam, naya sapakïtwa Diosaxa. Janiw nayat sipan yaqha diosanakax utjkiti. Nayaw jakañ churta, nayarakiw jakañ apaqta; nayaw usuchnuqta, nayarakiw k'umarachta. ¡Janiw khitis utjkiti ch'amaxat qhispirixa!

Deuteronomio 4:35

Ukanakasti Tatitun chiqpach Diosätapa yatipxañamataki uñacht'ayatawa, jupat sipansa yaqhax jan utjatap yatiñamataki.

Deuteronomio 4:39

“Ukhamasti, chuymanakamar sum imapxam Tatitukiw Diosaxa, alaxpachansa, akapachansa, janiw yaqhax jupat juk'amp utjkiti.

1 Samuel 2:2

¡Tatay, jumjam qullanax janiw khitis utjkiti! ¡Nanakan Awkixa, jumjam arxatirix janiw khitis utjkiti! ¡Jumat juk'ampix janiw khitis utjkiti!