2 Samuel 7:23 - Qullan Arunaka DC

²³ ¡Janirakiw Israel markamjamas yaqha markax aka uraqin utjkiti! Jumaw Tatay, juman markamäñatak qhispiytaxa, ukatsti wali aytat markaruw tukuyaraktaxa, jach'a muspharkañ luräwinak jupanakatak lurasa. Egiptot qhispiyanit markam nayraqatatsti jumaw yaqha markanakarusa, diosanakaparus jaqunuktaxa.

Aymar Bibliia 1986

²³ Israel marcama toketsti, ¡janiw yakha marcajj jupjamajj utjquiti, marcamasti maya sapaquiw aca orakenjja! Jumaraquiw, Dios, khespiytajja juman marcamäñapataqui, ucatsti jach'aruraquiw apttajja, jupataquisti jach'a muspharcañanacwa luraractajja. Egiptot khespiyanita marcam nayrakatatsti jumaw apanucuractajja, yakha marcanacarusa, uqhamaraqui diosanacaparusa.

Qullan Arunaca

²³ Israel marcama toketsti, ¡janiw yakha marcajj jupjamajj utjquiti, marcamasti maya sapaquiw aca orakenjja! Jumaraquiw, Dios, khespiytajja juman marcamäñapataqui, ucatsti jach'aruraquiw apttajja, jupataquisti jach'a muspharcañanacwa luraractajja. Egiptot khespiyanita marcam nayrakatatsti jumaw apanucuractajja, yakha marcanacarusa, uqhamaraqui diosanacaparusa.

2 Samuel 7:23 Jak'a apnaqawi uñst'ayäwi

2 Samuel 7:24

Jumaw amtarakta Israelan wiñayatak juman markamäñapataki, jumasti Tatit Diosapäñamatakiraki.

1 Crónicas 17:21

Israel markamjamasti, ¡janiw yaqha markax utjkiti, aka uraqinsti uka markakiwa! Jumax Tatay, markamäñapatakiw qhispiytaxa, ukatsti muspharkañanak lurasaw taqinimp uñt'ayastaxa. Egipto markat irpsunkta uka markaman nayraqatapat jumaw yaqha markanakar jaqunuktaxa, jumax markamarux Egipto markatsa kutsuyastawa, ukhamarak maynïr markanakatsa,

Nehemías 1:10

“Nanakax juman uywatanakamäpxtwa, juman markamäpxaraktwa, jach'a ch'amamampiw Egipto markat irpsusinipxistaxa.

Salmos 106:22

Cam uraqin muspharkañanak lurkipansa, Mar Rojo qutan jan amuyt'kañanak lurkipansa.

Salmos 111:9

Markaparux qhispiyiwa, arust'äwipsti wiñayatakiw utt'ayi. Diosax qullanawa, axsarkayarakiwa.

Salmos 145:6

Axsarkay ch'aman luratanakamat yatiyasini, nayasti jach'a luräwinakamat parlarakï.

Salmos 147:20

Janiw kawkïr markampis ukham lurkänti, uka markanakax janipuniw arsutanakap uñt'apkänti. ¡Tatitur yupaychapxañäni!

Salmos 40:5

5 (6) Dios Tatay, muspharkañ luratanakamax waljawa, nanakat khuyapayatamas waljarakiwa. ¡Janiw khitis jumjamax utjkiti! Ukanakxat yatiyañ munta, arsuñ munarakta, ukampis nayatakix janiw jakht'añjamäkiti.

Salmos 44:3

3 (4) Janiw ch'amampiti, espadampisa atipjapkiti, jupanak sapakix janiw uka uraq katuntasipkiti. ¡Jan ukasti, amparamampi, ch'amamampiwa! ¡Juman qhanamampiw atipjapxi, jupanakar munasitam layku!

Salmos 65:5

5 (6) Qhispiyir Diosaxay, muspharkañ aski kankañampiw jaysapxista; taqi uraqpachaw jumarux alkatapxtam, qutat khurin jakirinakas alkataraktamwa;

Salmos 66:3

Diosarux sapxam: “Luratanakamax muspharkañapuniwa. Timanakamax jach'a ch'amam laykuw nayraqataman axsarañat tinkurapxi;

Éxodo 12:12

Uka arumasti nayax taqpach Egipto uraqi chiqaw sarakipawayä, ukatsti egipcionakan taqi jilïr tayna yuqall wawanakap jiwaräwayä, ukhamarak uywanakan nayrïr qallunakaparu, ukhamat Egipton diosanakaparux mutuyä. Naya, Tatituw uk arsta.

Éxodo 33:16

Jumatix nanakamp jan sarkasma ukasti ¿kunjämatarak yatipxiriststi markamasa, nayasa juman yanapamamp sarasipkataxsti? Juman yanapamampikiw markamampi, nayampix aka uraqin utjir yaqha markanakat mayjäpxirista —sasa.

Éxodo 6:7

Jumanakarusti nayan markaxaruw tukuyapxäma, nayaw jumanakan Diosamäyä. Ukhamat jumanakax yatipxäta nayan jumanakar wali ch'ama lurañanakamp egipcionakax t'aqhisiyapktam ukanakat qhispiyir Tatit Diosamätaxa.

Éxodo 9:15

Nayatix muniriskäyät ukaxa, mä jan wali usumpiw taqpach egipcionakar mutuyiriskäyäta, niya jiwatäxapxasapänwa.

Éxodo 9:16

Ukampis nayaw juman jan jiwañam munkti, ch'amax uñjañamatakiw jakaysma, ukhamat nayan sutixan taqi uraqin uñt'atäñapataki.

Jeremías 32:20

Jumaw Egipto markan muspharkañanak lurtaxa, jichhas Israel markana, yaqha markanak taypinsa uka pachpa luräwinak luraskaraktaxa, ukhamat sutiman jach'añchatäñapataki.

Jeremías 32:21

Israel markamarusti jumarakiw jach'a ch'amamampi Egipto markat irpsuntaxa, muspharkañanak lurasa, taqinirus axsarañampi phuqhantasaraki.

Ezequiel 20:9

Ukampis sutixan jach'ätap laykuw Egiptot irpsunta, ukhamat yaqha markanak nayraqatan sutixan jan jisk'achatäñapataki, kawkïr markanak taypintix israelitanakax jakapkän uka markanak nayraqatana, uka markanak nayräxan jupanakarux uñstäyäta, Egiptot irpsunxañatakis arsurakïyäta.

Números 6:27

“Ukham jupanakax israelitanak taypin sutix aytapxani, nayasti jupanakarux askinak churarakï.”

Efesios 1:6

Diosan muspharkañ khuyapayasiñapat jach'añchañasataki, uka pachpa khuyapayasiñapampiw munat Wawap tuqi askinak waxt'istu.

Deuteronomio 10:21

Juparukiw q'uchunak q'uchupxäta, jupakiw jumanakan Diosamaxa, jumanak laykuw jumanakan uñjkañ jach'a muspharkañanak luraraki.

Deuteronomio 15:15

Janiw jumax Egipto markan t'aqhisiyat sarnaqatam armasïtati, Tatit Diosamaw qhispiyantam. Ukat nayax jumar aka iwxanak chursma.

Deuteronomio 33:29

Israel marka, kusisim; Tatit Diosam kipkaw qhispiytam, jupaw imasktam, yanapaskaraktam. ¡Jupaw atipt'ayir arxatirimaxa! Jumaw uñisirinakamarux jisk'achjäta, kayumampiw takxatarakïta” sasa.

Deuteronomio 9:26

achikt'asisaw juparux sarakta: ‘Dios Tatay, janikiy jumax aka markamar t'unjamti, juman markamawa, jach'a kankañampiw qhispiytaxa, jach'a ch'amamampiw Egipto markatsa irpsuntaxa.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Josué 7:9

Cananeonakasa, uka chiqan jakir jaqinakasa ukanak yatipxaniwa, ukatsti jupanakax mayacht'asisin nanakar chhaqtayañkamaw tukjapxitani. Jumasti, ¿kunarak luräta jach'a sutiman jan p'inqachatäñapatakisti? —sasa.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.