147 Kusisit jakañ yatiqañataki Biblian jiskʼa tʼaqanakapa

Tatituncasajj cusisitäpjjapunim take urunacana. Wasitat sapjjsma, cusisipjjam.

Jumaw jacañ thac uñacht'ayitäta, nayrakataman jach'a cusisiñaw utji; jac'amansti wiñay cusisiñaw utjaraqui.

Ucjjarojj Esdras chachajj sänwa: “Sarjjapjjam, mank'asinipjjam sumïri mank'anaca, umapjjaraquim mojjsa vinonaca, ucatsti churapjjaraquim qhitinacantejj jan mank'añapajj utjqui ucanacaru, jichhürusti Tatitusaru loktatätap laycu. Janiraqui llaquisipjjamti, Tatitusti cusisiñapampiw jiwasar ch'amañchistani” sasa.

k'apisiñapajj mä juc'ataquiquiwa, munasiñapasti wiñayataquiwa; jayp'u tokerutejj jachañajj puristanejja, willjta tokerojj cusisiñaw utj- jjestani.

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

Jïsa, Tatitojj jach'a luräwinac lurarapistu, jiwasanacasti wali cusisitäpjjäyätanwa.

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

llamp'u chuymanïña, janchin munañapar atipjaña. Acanac contrasti janiw cuna leyis utjquiti.

“Aqhamjja nayajj jumanacar parlapjjsmawa nayampi cusisipjjañamataqui, cusisiñampi phokt'atäpjjañamataquiraqui.

Suyt'añanjja cusisitaquïpjjam; t'akhesiñanaca utjipanjja llamp'u chuymanïpjjaraquim. Janirac Diosat oracionan mayisiñjja armasipjjamti.

Asqui jakenaca, Tatitump cusisipjjam, khana chuymaninaca, Tatitur cusisiñat jach'añchapjjam.

Cusisitäpjjapunim.

Jan inact'as orapjjam.

Take cunatsa Diosar yuspagarapjjam, Diosasti jumanacatjja uqhamwa muni, Cristo Jesusan iyawsirinacapjamajja.

cusisit chuymamp Tatitur loktapjjam, jallallt'asis nayrakatapar mantapjjam.

Jichhacamajj jumanacajj janiw cuns nayan sutejjaru mayipctati; mayipjjam, catokapjjätawa, cusisiñamp phokt'atäpjjañamataqui.

Jumanacajj jan uñjapcsta ucasa, Jesucristorojj munapjjtawa, uqhama jan uñjcasasa iyawsapjjaractawa, waliraqui cusisipjjtajja. Uca jach'a cusisiñanacamasti janiw arunacampi arsuñjamäquiti,

uqhama almanacamataqui khespiyasiñ jicjjatapjjatamatjja. Uca laycuraquipï jumanacajj iyawsapjjtajja.

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Jichhüruw Tatitojj lurcän uca urojja: cusisipjjañäni, c'uchirasipjjaraquiñäni.

Cusisit chuymajj jaken jacañapwa sumaptayi, ucampis llaquisit chuymajj jan ch'aman tucuyi.

Tatiturojj suma chuymamp munasim, jupasti chuyma mankheman mayisitamarjamaw churätam.

Diosan reinopajj janiw mank'añäquis ni umañäquisa, jan ucasti cheka sarnakaña, cusisiña, sumancaña Kollan Ajayu toke ucawa.

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Jumaw chuymajjarojj juc'amp cusisiñ uchtajja jilarquir trigoninacat sipansa, vinoninacat sipansa.

“Janisay higo kokanacajj pankarcpan, janisay uva alinacas, olivonacas achcpan; yapunacas janisay achunac churcpan; ovej tamanacas k'alasay tucusiscpan, janisay uywanacajj uyunacan utjcjjpan,

ucampisa cusisiñamp phokt'ataquïscäwa, Dios Tatitojjay nayan khespiyirejjächejja uca laycu.

Jilatanacajja, jumanacajj wali c'uchiquïpjjañamawa cunapachatejj cunaymani yant'anac pasapcta ucapachajja.

Colerat jakesti janiw cunatejj Diosataquejj sumäqui ucjja lurquiti.

Uqhamapï jumanacajj cunatejj k'añüqui ucjja apanucupjjam, uqhamarac jan walinacas wali phokhantatäqui ucsa. Cuna arunacatejj jumanacan chuymanacaman yapuchatäqui ucjja llamp'u chuymampi catokapjjam, uca arunacasti ch'amaniwa almanacam khespiyañataquejja.

Ucampis cuntejj Diosan arunacapajj yatichquistu uc lurapjjaraquim, janiraqui alek isch'uquirinacaquïpjjamti, uqham alek isch'uquisajja jumanacpachaquiw sallkjasisipcasma.

Qhititejj alekaqui uca arunac isch'uqui, ucatsti janiraqui phokquiti ucajja, cunjämtejj mä jakejj ajanup espejot uñcatasquejja uqhamaquiwa.

Ucapachajj uñcatt'asiwa cunjämäquitejj uca, ucatsti sarjjasinjja armt'asjjewa cunjämäcäntejj ucjja.

Ucampis qhititejj jan armt'asqui cuntejj ist'qui ucjja, jan ucasti sum Diosan leyipatjja amuyt'asi, cawquïr leyitejj khespiyat sarnakasiñ churquistu ucarjam sum sarnakasa, phokasaraqui, uca jakejja cusisiñaniwa.

Maynitejj Diosar arcatap amuyaschejja ucatsti cuns parlascacchi ucajja, jupa pachpaw c'arintasisqui, Diosar arcatapasti inamayaquiraquiwa.

Cuna Diosar arcañatejj k'omäqui chekapäcaraqui Dios Awqui nayrakatan ucajj acanacawa: Wajchanacaru, ijmanacaru, llaquitanacaru yanapt'aña, ucatsti janiraqui acapach k'añu lurañanacampejj k'añuchasiña ucawa.

Yatjjapjjaractawa cunapachatejj jumanacan iyawsañanacamajj cunayman yant'anac pasqui ucqhajja, jumanacajj wali llamp'u chuymanïñwa yatekapjjtajja.

Llaquinacajjajj walipun yapjjatascän ucapachaw chuymachäwimampejj cusisiyista.

Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

Leyisti churatänwa juchajj juc'amp uñstañapataqui, ucampis cunapachatejj juchajj juc'ampi utjänjja juc'ampiraquiw Diosan qhuyapayasiñapajj utjaraquïna.

Take acanacasti lurasiwa cunjämtï juchajj jiwayañataqui ch'amanïquejja, uca quipcaraquiw Diosan qhuyapayasiñapajj jiwasatac ch'amaniraqui Diosampïtas laycu Jesucristo toke wiñay jacañ churañataqui.

Janiraquiw ucaquïquiti, jan ucasti t'akhesiñansa cusisiractanwa, uqhamatwa yatiractanjja t'akhesiñajj llamp'u chuymanïña yatichatapa.

“Jumanacajj ucatjja cusisitaw mistunjjapjjäta, marcamarusti sumaquiw cuttawayjjapjjaraquïta. Jumanacar uñjasinsti montenacasa, kollunacasa cusisiñat k'ochupjjani, pampanquiri kokanacasti amparanacapwa t'ajjllisipjjaraquini.

Asqui jakenaca: Tatitur art'asipjjam, asqui jakenacan yupaychäwipajj asquipuniwa;

Tatituw ch'amajjajja, arjjatirejjasa: juparuw takpach chuymamp iyawsta, jupasti yanapt'ituwa. Chuymajjajj cusisitawa, Tatituruw k'ochü, yuspagararaquï.

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Alajjpachanquir Diosay, jumïpan jach'a cusisiñajj utjitu; sutim aytasaw k'ochuracsma.

khespiyäw cusisiñam wasitat churjjeta, ch'aman ajayumamp thurt'ayita.

¡Asqui jakenaca, Tatitump cusisipjjam, kollan sutip jach'añchapjjam!

Sapüruw templon tantachasipjjäna. Utanacapansti mayaquiw t'ant'a pachjasajj mank'asipjjäna take cusisiñampi, llamp'u chuymampiraqui.

Diosarusti wal yupaychapjjäna, take jakenacansa wali munatäpjjaraquïnwa. Tatitusti sapüruw iglesiar yapjjattayäna qhitinacatejj khespiyasiñapäcän ucanacampi.

Cunapachatejj oración lurcta ucapachajja, take jumanacataquejj cusisiñampiw mayirapipjjsma.

Tatay, lacajjajj jumar k'ochusajj cusisiniwa, juman khespiyat ajayojjas cusisiraquiniwa.

Nayasti Tatitumpiw cusisï, nayar khespiyatapat cusisï.

¡Alajjpacha, cusisiñat art'asim! ¡Orake, walpun cusisiraquim! ¡Kollunaca, cusisiñatsti wal arnakasipjjam! Tatitun marcaparu chuymachatap laycu, llaquisiñ horasapansti Tatitojj marcapatjja qhuyapt'ayasiwa.”

Jumamp arjjatayasiñ thakerinacajj cusisipjjpanaya, jupanacar imascatam laycojj, cusisiñat wiñayapun k'ochupjjpan. Jumar munasirinacajj jumïpan cusisipjji:

Salmonacampi maynit maynicama chuymachasipjjam, yupaychañ k'ochunacampi, ajayun k'ochunacamp k'ochusina, uqhamarac Tatituru take chuymamp yupaychasina.

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Dios Awquirojj take cunatsa yuspagarapjjapunim, Tatit Jesucristosan sutiparu.

Arunacamajj nayatac wiñay catokäwiwa, arsutanacamajj chuymajjaruw cusisiyi.

¡Jupan nayrakatapanjja jach'a cancañawa utji! ¡Ch'amasa, cusisiñasa, Santuariopan utji!

Tatay, jumar cusisiñamp yupaychir marcajj cusisiñaniwa: khanamamp khant'ayat sarnaker marcajj cusisiñaniwa,

juman sutim laycuw sapür cusisiñanïpjje, juman asqui cancañam laycuw cusisipjje.

Jan tucusquir asquinac jupar churtajja, jupamp chic sarnakatam laycuw cusisiñamp phokhanttajja.

Asqui jakenacan suyt'äwipasti cusisiñ catokañapawa utji, ucampis ñankha jakenacan suyt'äwipasti tucusiniwa.

Ucampis jan cusisipjjamti ñankha ajayunacan jumanacar jaysapjjatam laycojja, jan ucasti cusisipjjam sutinacamajj alajjpachan kellkatätapata —sasa.

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw khespiyirejjasa, Diosajjasa!

Diosan munañapächi ucajj nayajj cusisita jumanacan ucaru puriñajjataqui, ucat sumancañajj jumanacanjj utjañapataqui.

Asqui jakenacajj jach'a cancañapar uruyapjjpan, iccasas cusisiñat k'ochupjjpan.

Jacht'asis yapuchirinacajj, cusisiñampiw apthapjjapjjani.

Nayan quipca jacañajjas sacrificatäcchinejja, cawquïr catuyäwtï iyawsapjjatam laycu Diosaru loktapctas uca phokhañataqui ucajja, nayajj cusistwa, jumanacampi chicaraquiw cusisiractjja.

Cusisipjjaraquimay jumanacajja nayan cusisiñajjansa.

Uqham phokt'at marcajj cusisiñan marcawa, Tatitut Diosanïqui uca marcajj cusisiñaniwa.

Asqui jakenacasti cusisipjjewa, Diosan nayrakatapan cusisipjje, cusisiñat t'isctapjji.

Wal cusisipjjam uqham t'akhesisajja, alajjpachan catokañanacamajj jach'äniwa; quicparacwa nayra awquinacapajj profetanacarojj lurapjjerïna.

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Khanajj asqui jaketaquejj c'ajtiwa, cusisiñasti chekap chuyman jakenacataquejj khantaraquiwa.

Cunapachatejj jumajj nayaru parljjayista ucapachajja, arunacamjja nayajj mank'jamwa mank'ayäta; uca arunacamaw chuymajjarojj cusisiyaraquïnjja, nayasti jumancaracstjjaya, take ch'amani Dios Tatitu.

Ñankha lurir jakenacan lup'itanacapanjja c'ariwa utji; sumanquir jakenacan suma ewjja arunacapansti cusisiñawa utji.

Lacajj larusiñampiw atipjayasïna, lajjrasti cusisiñ k'ochunacampiw phokhantasiraquïna. Ucapachasti Diosar jan uñt'irinacajj sapjjänwa: “Tatitojj jach'a luräwinac jupanacataquejj luri” sasa.

Chuymajjasti Khespiyir Tatitu Diosajjan cusisi.

¡Alajjpachasa, aca orakesa cusisipjjpan! Marcanacanjja arsutäpan: ‘¡Tatituw reyejj!’ sasa.

Alajjpachajj cusispan, orakejj c'uchiraspan, lamar kotan utjirinacas cusisipjjpan;

pampanacasa, ucan utjirinacas jallallapjjpan, ch'uminquir kokanacas cusisiñat wararipjjpan,

Jumar thakerinacasti cusisipjjpan, jumamp chic larusipjjpan; khespiyäwimar munirinacajj arsupjjapunpan: “Tatitojj jach'a ch'amanipuniwa” sasa.

Tatitu Diosaw jumanac taypincasqui, ¡jupajj take ch'amaniwa, juparaquiw khespiyätam! Diosasti jumar uñjasinjja cusisiniwa, munasiñapampejj machaka jacañrac churätam; cusisiñapansti k'ochuraquiniwa,

“Jichhajj jutjjasctwa juman ucaru; aca arunacjja sistwa acapachanccasina, jupanacajj nayjama cusisiñampi phokt'atäpjjañapataqui.

Nayajj arsutamampejj cusisitätwa, imantat yänac jicjjatasin cusisir jakjamätwa.

Tatitur iyawsirinacasti wali cusisitäpjjänwa. Kollan Ajayumpi phokt'atäpjjaraquïnwa.

Ñankha lurir jaken sipitapajja, jupan pachpa jucha luratapawa, ucampis cheka lurir jakesti cusisitaw c'uchiqui jacasi.

Diosar k'ochupjjam, sutipar jach'añchapjjam, kenay patan sarnakerir jach'añchapjjam. Tatitump cusisipjjam, nayrakatapan c'uchirasipjjam.

Wiñayataqui cusisiñampi c'uchirt'asiñampi phokhantasipjjam, cuntejj nayajj usccä ucanacata, nayasti mä cusiscañ Jerusalén lurt'araquï, ucan jaquir jakenacasti c'uchiquïpjjaraquiniwa.

Cusisipjjaraquim qhitinacatejj cusisitäqui ucanacampejja, jachapjjaraquim jachirinacampejja.

Jichhasti munat jilatanacajja, Tatituncjjasinjja cusisipjjam. Nayataquejj janiw cuna ch'amäquis jumanacar wasitat kellkaniñajja, ucasti jumanacataquejj asquiwa.

Tatay, luräwinacamajj nayatac cusisiñawa, luratanacamajj cusisiñampiw phokt'itu.

Jupampiw chuymanacasajj cusisi, kollan sutiparuw take chuymamp iyawsapjjtan.

Anasti aca oración luraraqui: “Tatitu, nayasti take chuymaw juman cusista, jumajj nayar ch'ama churatamata. Jichhacuchapï uñisirinacajjatjja arsusïjja, jumaw nayarojj yanapt'ista uca laycu. ¡Wali cusisitätwa!

Take acapachanquir jakenaca, Tatitur cusisit k'ochupjjam,

Jumanacas cusisitaw sarapjjaraquisma, jupan khespiyasiñ umapat umt'irejja,

Tatitur k'ochupjjam, sutip jach'añchapjjam, sapürupun atipjäwipat yatiyapjjam.

Aytat cancañapat marcanacar yatiyapjjam, muspharcañ luräwinacapat take jakenacar parlapjjam:

Ucatpï, munat jilatanaca, jumanacarojj wal uñjañ munapjjsma, jumanacaquïpjjtawa nayan cusisiñajjajja, uqhamarac nayan wajjt'asïwi catocañasa. Nayan munatanacajja, ch'amanipuni Tatitumpejj sarantapjjam.

Takpach almajjampiw temploman uyupancañ munta, takpach chuymajjampiw jacquir Diosar cusisit k'ochta.

¡Sionan utjir jakenaca, cusisipjjam jumanacajja, cusisipjjam Tatitu Diosamana! Jupaw jalljja horasaparu apayanipjjtam, nayra jallu, uqhamarac khepa jallsa, cunjämtejj nayran apayancän uqhama.

Cusisit chuyman jakesti ajanupanjja cusisitaraquiwa; llaquit chuyman jakesti llaquita ajanuniwa.

Diosay, nayajj altaramaruw jac'achasï, arpamp chicaw yuspagaräma. Diosajjay, jumaw jacañajjarojj cusisiytajja.

Uca khepatsti Pablompir Silasampir utapar irpasinwa mank'ayäna. Jupamp familiapampisti Diosar iyawsapjjatapatjja, wal cusisipjjäna.

Diosajj ajllit marcaparojj cusisit irpsunïna, cusisiñat arnakt'asisaw mistunjjapjjäna.

Wali khana arumpi parlañajjaw utjitu, uqhamaraqui wali cusisiñaw jumanacatjja utjitu. Take t'akhesiñanacajj taypinsti, walwa ch'am catjjatta, cusisiñans phokt'ataraquïtwa.

Tatitu, mä jach'a cusiscañwa apantajja, cusisiñasti walipuniwa. Jakenacsa waljaptayaractawa, takeniw juma nayrakatanjja cusisipjje, yapu apthapiña urunacanjama, cunjämatejj jakenacajj cusisipqui kamir cancaña jaljasisajj uqhama.

Jach'a mank'äwinquir jakjamaw cusisï, lacajjasti cusisitaw jach'añchätam.

Arumanacaw iquiñan jumat amtasta, iquintataw jumjjat lup'ista,

Jumaw nayan yanapirejjätajja, ¡amparamancasajj cusisitätwa!

Asqui cancañarojj munastawa, ñankharusti uñistawa: ucat Diosamajj jumar ajllistam, masinacam taypin cusisiñampiw phokhanttam.

Sacerdotenacaparojj khespiyasiñ isimpiw isthapiyä, arquirinacaparusti cusisiñampiw art'asiyä.

¡Alajjpacha, cusisiñat arnakasim cuntejj Tatitojj lurqui ucata! ¡Orak mankhanaca, cusisiñat arnakasipjjam! ¡Kollunaca, uqhamaraqui ch'uminaca take kokanacamampi, cusisiñat arnakasipjjam! Tatitojj jach'a cancañap uñacht'ayatap laycu, Israelar, Jacobon marcaparu khespiyatap laycu.

machak k'ochump yupaychapjjam, juparojj wali sumpun jallallt'apjjam.

Sapjjsmawa, uca pachpawa alajjpachanjj juc'amp cusisiñajj utji mä juchararan arrepientisitapatjja, llätunc tunca llätuncani asqui jakenacajj jan cunats arrepientisipjjañapajj utjqui ucanacat sipansa.

Janiw ucaquïcaraquiti jan ucasti Diosancjjasinjja cusisiractanwa Jesucristo toke, Tatit Jesucristos tokew Diosampejj sumancthapitäjjtanjja.

Israel marcajj utjayiripat cusispan, Sión marcan wawanacapajj Reyipat cusisipjjpan.

Sión marcarusti cusiscañ k'ochunac k'ocht'asisaw mantapjjani, cusisitapuniw jacapjjani. Cusisiñampi, sumancañapwa jicjjatapjjani, jachañasa, t'akhesiñasa ucanjja tucusjjaniwa.

Arunacamarjam sarnakañ thaquin cusisï, kamir yänacamp cusisiñat sipana.

Tawakonacajj c'uchiquiw thokt'asipjjani, waynanacasa, chuymani jakenacasa uqhamaraqui. Nayaw jupanacarojj chuymacharaquï, jachatanacapsa cusisiñaruw tucuyaraquï, t'akhesiñanacapat sipansa juc'ampi jach'a cusisiñwa churäjja.

Jumaw amsta toksa, aynach toksa lurtajja, Tabor kollump Hermón kollumpejj cusisitaw sutim jach'añchapjje.

Uca urunsti sataraquïniwa: “Acapi jïwasan Diosasajja, juparuw iyawstan, juparaquiw jiwasarojj khespiyistu, cusisipjjañäni, c'uchirtasipjjaraquiñäni, jupaw khespiyistu.”

Marcanacajj cusisiñat k'ochupjjpan, asqui cancañamp acapachar apnakatam laycu. Chekaparuw takpach marcanac saraytajja.

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

take qhitinacatejj nayan sutejj apapqui, qhitinacarutejj nayajj uywcta, jilsuycaracta, nayan cusisiñajjataqui uywcta ucanacaru cuttayanjjam” sasa.

Tatitutaquejj machak k'ochu k'ochupjjam, acapachanquir jakenaca, Tatitur k'ochupjjam,

Ucat chuymajjajj walpun cusisi, ajayojjas cusisi, janchejjas samararaqui.

Takpach marcanaca, ampar t'ajjllirasipjjam, cusisiñat art'asiñamp Diosar jach'añchapjjam:

Uca urunsti saraquïtawa: “Yuspagarsmaw Tatay, nayataquejj coleratäcchiyäta ucasa, jichhajj colerasiñamajj tucusjjewa, ucatsti sumancañracwa nayarojj churjjesta.

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

Uqhamat jumar jach'añchäma, khespiyatamatsti Sión puncunacan cusisï.

Tatituw nayan k'ochuñajjajja, juparaquiwa ch'amañchirejjasa, uqhamarac khespiyirejjasa. Jupawa nayan Diosajjajja, ucatwa yupaychäjja; juparaquiw awquejjan Diosapasa, ucatwa jach'añcharaquëjja.

Qhuyapayasiñam uñacht'ayita, jacañ churaraquita, cusisiñajjasti munañam phokhañäniwa.

Uc sasinjja amparapwa uñacht'ayi, uqhamarac ch'illapsa. Discipulonacasti Tatitur uñjasinjja cusisipjjänwa.

Janiw nanacajj iyawsañanacamarojj cun sañs munapcsmati, jumanacasti iyawsañanacamanjj suma thurt'atäjjapjjtawa. Uqhamïpansti, yanapt'añ munapjjsma cusisipjjañanacamataqui.

¡Sión kollojj cusispan! Chekap arsutanacamampejj Judá orakenquir marcanacajj cusisipjjpan.

Jumaw nayan yanapirejjätajja, ¡amparamancasajj cusisitätwa!

Nayajj yatistwa jacascañajja jumanacar yanapt'añataqui, ucat jumanacan juc'ampi cusisiñajj utjañapataqui iyawsañanacamana.

Qhä chekanwa Tatitu Diosaman nayräjjapana mank'apjjaraquïta, ucatsti familianacamampi chicaw cusisipjjäta luräwinacaman achupa uñjasina, cunanacampitejj Diosamajj bendicipjjätam ucanacata.

Jach'añchañ loktäwinac jupar catuyapjjam, luräwinacapatsti cusisiñamp yatiyapjjam.

Uqhamaraquiw Tatitun khespiyatanacapajj cuttanipjjani, Sión marcarusti cusisiñat arnakt'asisaw mantanipjjani, ajanunacapasti wiñayataquiw c'uchiquïni; cusisiñampi, sumancañampwa jicjjatapjjani, t'akhesiñasa, jachañasa tucusjjaraquiniwa.

Takpach orakejj cusispan, jan jact'cay islanacajj cusisipjjpan. ¡Tatituw Reyejja!

Jach'a qhuyapayasiñamat amtasaw yatiyapjjani, juman asqui cancañamat jach'at jallallapjjani.

ucampisa cusisiñamp phokt'ataquïscäwa, Dios Tatitojjay nayan khespiyirejjächejja uca laycu.

Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

Tatay, qhuyapayasiñamat wiñayapuniw k'ochü, juman asquïtamat jan karjasisaw yatiyä.

jumaw lamar kotanquir ajjsarcañ animalar t'unjtajja, ch'aman amparamampiw timanacamarojj ananuctajja.

Alajjpachas acapachas jumanquiwa, jumaw acapach lurtajja, takpach oraken utjirinacs luraractajja.

Jumaw amsta toksa, aynach toksa lurtajja, Tabor kollump Hermón kollumpejj cusisitaw sutim jach'añchapjje.

Amparamajj take ch'amaniwa; ch'eka amparamajj jan atipcayawa, cupi amparamasti wali ch'amaniwa.

Chekapar uñjañampi, asqui cancañampiw reyi konuñamarojj thurjjäsiyi, munasiñamp, cheka cancañampiw jumar jicjjatirejj jutapjje.

Tatay, jumar cusisiñamp yupaychir marcajj cusisiñaniwa: khanamamp khant'ayat sarnaker marcajj cusisiñaniwa,

juman sutim laycuw sapür cusisiñanïpjje, juman asqui cancañam laycuw cusisipjje.

Jumaw ch'amapätajja, aytat cancañapätasa, qhuyapayasiñam laycuw ch'amanacajjajj jiljjati.

Jiwasanacan arjjatirisajj Tatituwa, Reyisasti Israel marcan Kollanapawa.

Nayra pachanjja, uñstäwi tokew parläyätajja, iyawsirinacamarusti aqham säyätawa: “Marcajj taypit jan ajjsarir chacharuw ajllista, juparuw jach'ar aptta, yanaparacta.

Wiñay munasiñamat arsü; arsutam phokherïtamat yatiyä, alajjpachjam jan mayjt'irïtamat parlaraquï.

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.

¡K'ochupjjam, Diosatac k'ochupjjam! K'ochupjjam, reyisatac jayllipjjam.

¡Diosaw takpach oraken Reyipajja!, cusisiñamp jupar k'ochupjjam.

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

Jupanacasti yupaychasinjja wali cusisitaw Jerusalenar cutt'awayjjapjjäna.

Ucatsti Diosarojj templonjja yupaychasipcaquipunïnwa.

Ucampis Diosajj jupanacarojj yatiyänwa jupan jacatapa, jakenacar asqui luratap toke. Jupajjay jallsa, suma cosechanacsa churchistojja, uqhamarac walja mank'añanacsa jiwasanacan cusisiñasataqui —sasa.

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw cusisiñajjasa, Diosajjasa!

Uca pachparaquiw jumanacajj jichhajj llaquisipjjta; ucampis nayajj wasitampiw cutt'anis uñjapjjäma, ucqhawa jumanacajj wal chuymanacaman cusisipjjäta, uca cusisiñsti janiw qhitis apakapcätamti.

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta. ¡Jupaw cusisiñajjasa, Diosajjasa!

Yuspagaratäpan Diosajja. Jupasti atipañarupuniw irpistu Cristomp chica, jiwas tokeraquiw arunacapsa yatiyi mä suma k'apquir kolläcaspas uqham take chekar puriyasina.

Take jacäwejjan jach'ar aptäma, jumar art'asisaw amparanacajj aytä.

Jach'a mank'äwinquir jakjamaw cusisï, lacajjasti cusisitaw jach'añchätam.

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

¡Tatitojj jach'ar aptatäpan! Tatiturojj machak k'och k'ochupjjam, iyawsirinacap taypin jach'añchapjjam.

¡Marcan tantachasïwipan jach'añchapjjam! ¡Jilïr jakenacan tantachasïwipan jach'ar aptapjjam!

Tatay, take chuymampiw jumar yuspagaräma; angelanacan nayrakatapan jumatac k'ochurapïma.

Kollan templom uñcatataw quillt'asï, munasiñamampita, cheka cancañamampit sutimar yuspagarä: sutimarusa, arunacamarus take cunjjaruw jilancaytajja.

Janitejj yatichäwinacamajj nayar cusisiyquitasapänjja, niyaw llaquisiñajjamp tucusiriscäyäta.

Patronasti juparojj siwa: ‘Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim’ sasa.

Jacañajjcamajj Tatituruw jach'ar aptä; jupataquiw k'ochuraquï.

Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam.

Salmonacampi maynit maynicama chuymachasipjjam, yupaychañ k'ochunacampi, ajayun k'ochunacamp k'ochusina, uqhamarac Tatituru take chuymamp yupaychasina.

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Dios Awquirojj take cunatsa yuspagarapjjapunim, Tatit Jesucristosan sutiparu.

¡Cunj asquisa jisct'aru arunac jicjjatañajja, ucat juc'ampisa horasapar jicjjatañajja!

Jan ucasti cusisipjjam Tatitjama t'akhesipjjatanacamatjja, uqhamata cusisiñan phokt'atäpjjañacamataqui cunapachatejj jupajj jach'a cancañapampi uñstancan uc uñjapcäta ucqhajja.

Jumanacajj nanacaru uñtasaw sarnakapjjta, uqhamarac Tatituru uñtasa. Ucatsti Kollan Ajayojj churapctam uca cusisiñampiw Tatitun arunacapjja catokapjjta, jach'a t'akhesiñanacsa catokapcsta ucasa.