Isaías 9:3 - Qullan Arunaca

³ Tatitu, mä jach'a cusiscañwa apantajja, cusisiñasti walipuniwa. Jakenacsa waljaptayaractawa, takeniw juma nayrakatanjja cusisipjje, yapu apthapiña urunacanjama, cunjämatejj jakenacajj cusisipqui kamir cancaña jaljasisajj uqhama.

Aymar Bibliia 1986

³ Tatitu, mä jach'a cusiscañwa apantajja, cusisiñasti walipuniwa. Jakenacsa waljaptayaractawa, takeniw juma nayrakatanjja cusisipjje, yapu apthapiña urunacanjama, cunjämatejj jakenacajj cusisipqui kamir cancaña jaljasisajj uqhama.

Qullan Arunaka DC

³ 3 (2) Tatitu, jumaw mä jach'a kusiskañ apantaxa, uka kusisiñasti wali jach'apuniwa. Taqiniw juman nayraqataman kusisipxta, kunjämtix yapu apthapiñanakan nanakax kusisipkta ukhama, kunjämatix jaqinakax qamir kankañ jaljasisax kusisipki ukhama.

Isaías 9:3 Jak'a apnaqawi uñst'ayäwi

Nehemías 9:23

Jupanacarojj walja wawaninacaruwa tucuyäyätajja cunjämatï alajjpachana warawaranacajj walja utjqui uqhama, ucatjja irpäyätawa cawquïr oraktejj nayra awquinacaparu arscäyäta churañataqui uca orake catokasipjjañapataqui.

Job 12:23

Jupaw marcanacarojj jach'añchi, tucjaraqui, jupaw ananucu, ucatsti anthapiraqui.

Salmos 107:38

Tatituw asquip churi, juc'amp jiljjatayi, uywanacap mirantayaraqui.

Salmos 119:162

Nayajj arsutamampejj cusisitätwa, imantat yänac jicjjatasin cusisir jakjamätwa.

Salmos 4:7

Jumaw chuymajjarojj juc'amp cusisiñ uchtajja jilarquir trigoninacat sipansa, vinoninacat sipansa.

Isaías 10:26

Take ch'amani Tatituw jupanacarojj mutuyaraquini, cunjämtejj Madianarojj Oreb karka jac'an atipjcänjja uqhama, Asiriataquisti ch'amapwa uñacht'ayaraquini, cunjämtejj Egiptotaquejj uñacht'aycän uqhama.

Isaías 12:1

Uca urunsti saraquïtawa: “Yuspagarsmaw Tatay, nayataquejj coleratäcchiyäta ucasa, jichhajj colerasiñamajj tucusjjewa, ucatsti sumancañracwa nayarojj churjjesta.

Isaías 14:5

Tatitojj uca ñankha luririn ch'amapjja tucjiwa, uca khoru jaken varapsti, p'aquinokaraquiwa,

Isaías 25:9

Uca urunsti sataraquïniwa: “Acapi jïwasan Diosasajja, juparuw iyawstan, juparaquiw jiwasarojj khespiyistu, cusisipjjañäni, c'uchirtasipjjaraquiñäni, jupaw khespiyistu.”

Isaías 26:15

Tata, jumaw marcamarojj jiltaytajja; juman asquimataquiw jiltayaractajja, take korpanacapsa jithitatayaractawa.

Isaías 35:10

Sión marcarusti cusiscañ k'ochunac k'ocht'asisaw mantapjjani, cusisitapuniw jacapjjani. Cusisiñampi, sumancañapwa jicjjatapjjani, jachañasa, t'akhesiñasa ucanjja tucusjjaniwa.

Isaías 35:2

lirio pankarjam pankarpan, cusisiñampisti phokt'asiracpan. Diosajj juparojj Líbano kollur uñtatwa wali suma tucuyani, wali suma achuri orakeraqui Carmelo jan ucajj Sarón sisqui uca kollunacjama. Takeniw Tatitun c'ajquir jach'a cancañapa uñjapjjani, Diosan jach'a cancañapa.

Isaías 54:1

Tatitusti siwa: Jan wawani, janiraqui wawachasir warmi, cusisiñat arnakasim, cusisiñat k'ochusiraquim, juma jan wawachasirejja. “Apanucut warmejj walja wawanacanïniwa, chachan warmit sipansa.”

Isaías 55:12

“Jumanacajj ucatjja cusisitaw mistunjjapjjäta, marcamarusti sumaquiw cuttawayjjapjjaraquïta. Jumanacar uñjasinsti montenacasa, kollunacasa cusisiñat k'ochupjjani, pampanquiri kokanacasti amparanacapwa t'ajjllisipjjaraquini.

Isaías 61:10

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Isaías 61:7

Cunjämatejj marcajjajj t'akhesïnjja, pä ucqha p'enkachata, jisc'achataraqui, ucat jichhajj pä ucqha kamir cancañjja catokapjjaraquini, wiñay cusisiñampiw cusisiraquini.

Isaías 65:14

jupanacajj cusisiñatsa k'ochusipjjaniwa, chuymanacapan cusisiñajj utjatap laycu, ucampis jumanacajj arnakasipjjätawa, wararipjjaraquïtawa, llaquisiñatsa chuymanacamajj cawcst'ataraquïniwa.

Isaías 65:18

Wiñayataqui cusisiñampi c'uchirt'asiñampi phokhantasipjjam, cuntejj nayajj usccä ucanacata, nayasti mä cusiscañ Jerusalén lurt'araquï, ucan jaquir jakenacasti c'uchiquïpjjaraquiniwa.

Isaías 66:10

“Jerusalenampi chica cusisipjjam, qhitinacatejj Jerusalenar munapjjta ucanacasti jupampi cusisipjjam; qhitinacatejj Jerusalenatjama jachapjjayäta ucanacasti jichhajj jupampi chicaraqui cusisipjjam;

Jeremías 31:7

Tatitojj siwa: “Cusisiñat k'ochupjjam, Jacobon marcapatjja, jupasti take marcanacan jilïripawa. K'ochusitanacamsti ist'ayapjjaraquim, sapjjaraquim: ‘Tatitojj marcaparojj khespiyiwa, Israelat jilt'irirojja’ sasa.

Oseas 4:7

“Sacerdotenacan waljanïpjjatapatsti, juc'ampiracwa naya contrajj juch lurapjje; uca laycuw nayajj jach'añchäwipsa p'enkaru tucuyaraquï.

Levítico 26:13

Nayätwa jumanacan Tatitu Diosamajja, nayaw jumanacarojj Egiptot apsunipjjaracsma jan ucan juc'ampi esclavot sarnakasipcañamataqui; cuna t'akhesiñatejj jumanacjjanccäna ucsa nayaw t'unatataracta, nayaw jumanacarojj jan cuna ajjsarasa sarnakayapjjaracsma.

Zacarías 10:8

“Nayasti jupanacaru jawsasajja, tantacht'araquïwa, jupanacaru khespiyatajj laycu. Waljaniruwa tucupjjaraquinejja cunjämäpcäntejj nayrapachajj uqhama.

Zacarías 2:11

Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.

Zacarías 8:23

Qhä urunjja, tunca jan uñt'atanacaw yakha marcanquirinacata mä judío jakerojj isipat catuntasipjjani, sapjjaraquiniwa: ‘¡Jumanacamp saraña munapjjta, nanacasti ist'apjjtwa Diosajj jumanacampïtapa!’ ” sasa.

Lucas 11:22

Ucampis maynitejj jupat juc'amp ch'amani jutejja ucat atipjaraquejja, ucapachasti take cuna armanacaparutejj alcatascäna ucjja apakewa. Ucatsti apakcän uca yänacjja munañaparuw ucharaqui.

Hechos 8:8

Ucanac uñjasinjja takeniw uca marcanjja wal cusisipjjäna.

Filipenses 4:4

Tatituncasajj cusisitäpjjapunim take urunacana. Wasitat sapjjsma, cusisipjjam.

1 Pedro 1:8

Jumanacajj jan uñjapcsta ucasa, Jesucristorojj munapjjtawa, uqhama jan uñjcasasa iyawsapjjaractawa, waliraqui cusisipjjtajja. Uca jach'a cusisiñanacamasti janiw arunacampi arsuñjamäquiti,

Jueces 5:3

¡Juma reyinacajja, ist'apjjeta! ¡Juma jilïr apnakerinacasa, ist'apjjaraquita! ¡Nayajj, Diosaruw k'ochöjja! ¡Nayajj, Israelan Diosaparuw k'ochöjja!

Jueces 7:22

Ucampis quimsa pataca israelitanacasti pututusipcaquïnwa. Diosasti madianitanacarojj jupanacpurwa nuwasiyäna. Ucatsti tutuctjjapjjänwa Bet-sita sat, Zerera thaquicama, uqhamarac Abel-mehola sat korpacama, ucasti Tabat sat jac'awa.

Jueces 8:12

Ucatsti Zeba, Zalmuna sat reyinacajja mistsuwayapjjänwa jaltjjañataqui, ucampis Gedeonajj arctasinjja catjaränwa. Uqham uñjasinsti take ejercitpachaw wali ajjsarayasipjjäna.

1 Samuel 30:16

Ucatsti, cawqhancapcäntejj uca lunthatanacajj ucacamaw irparaquïna. Jupanacasti take uca pampana aywitatatäsipcänwa, ucan mank'asipcäna, umasipcaraquïna, uqhamarac jach'a fiesta lurasipcäna take cunanactejj jupanacajj filisteonacan orakepata, uqhamarac Judá oraketsa lunthatanipcatayna ucanacampi.