Joel 2:23 - Qullan Arunaca

²³ ¡Sionan utjir jakenaca, cusisipjjam jumanacajja, cusisipjjam Tatitu Diosamana! Jupaw jalljja horasaparu apayanipjjtam, nayra jallu, uqhamarac khepa jallsa, cunjämtejj nayran apayancän uqhama.

Aymar Bibliia 1986

²³ ¡Sionan utjir jakenaca, cusisipjjam jumanacajja, cusisipjjam Tatitu Diosamana! Jupaw jalljja horasaparu apayanipjjtam, nayra jallu, uqhamarac khepa jallsa, cunjämtejj nayran apayancän uqhama.

Qullan Arunaka DC

²³ ¡Sionan utjir jaqinaka, kusisipxam, Tatitu Diosamampi kusisipxam! Jupaw wakisit urun jallu apayanipxtam, nayra jallsa, qhipa jallsa puriyaraki, kunjämtix nayra pachax apayankän ukhama.

Joel 2:23 Jak'a apnaqawi uñst'ayäwi

1 Reyes 8:36

jumajja alajjpachatpacha ist'asinjja perdonam Israel marcamana uywatanacamana juchanacapa. Ucatsti yaticham asqui thaqui sarapjjañapäqui uca. Ucatjja marcamaru aca orake herenciata churcta ucarusti jalluma puriyanim.

Job 33:23

“Ucampisa mä angelatejj jupan jac'apancchejja, ucanacatjja mayniquisaya warankatjja jupatjja arspan, chekätapatsa arsuracpan.

Job 37:13

Diosajj take ucanacjja acapachar t'akhesiyañataquiw utjayi, qhuyapayasiñapa uñacht'ayañataqui.

Salmos 104:34

k'ochojjajj Tatitun chuymapar purquirïpan, nayasti jupanacpun cusisiñ jicjjatä.

Salmos 147:8

Jupaw alajjpacharojj kenayanacamp phokhanti, oraketac jallu waquichi, ch'umi mankhanacan koranac ch'ojjñaptayi.

Salmos 149:2

Israel marcajj utjayiripat cusispan, Sión marcan wawanacapajj Reyipat cusisipjjpan.

Salmos 28:7

Tatituw ch'amajjajja, arjjatirejjasa: juparuw takpach chuymamp iyawsta, jupasti yanapt'ituwa. Chuymajjajj cusisitawa, Tatituruw k'ochü, yuspagararaquï.

Salmos 32:11

Asqui jakenaca, Tatitump cusisipjjam, khana chuymaninaca, Tatitur cusisiñat jach'añchapjjam.

Salmos 84:6

Jachañ taypinjam saraquipapcan ucapachajja, uma jalsuruw tucuyapjjani, jallumppachaw asquinacamp phokhantani;

Proverbios 16:15

Reyin cusisitapajj suma jacañwa utjayi; suma cancañapasti purekeri jallur uñtatawa.

Isaías 30:21

Cupi tokeru, jan ucajj ch'eka tokerus saranucütajja, khepäjjamatsti mä aru ist'äta, saraquïtamwa: “Aca chekaw thaquejja, sarasipcaquim” sasa.

Isaías 30:23

Tatituw jallu apayanïtam yapuchasitamar purjjatañataqui, ucatsti orakejj walja jilarquiri trigo achuraquini. Uca urunjja uywanacamataquejj mank'ajj walipunïniwa.

Isaías 41:16

Qhuyuraraquïtawa, ucatsti thayaw apasjjaraquini, tutuca thayaraquiw willitatjjani. Ucapachaw jumajj Tatitun cusisïta, Israelan Kollan Diosapatsti cusisiraquïtawa.

Isaías 61:10

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Jeremías 3:3

Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!

Jeremías 5:24

Janiw amuythapisipcaractasa, ni sapcaractasa: Tatitu Diosasarojj ajjsartañäni, horasaparuw khepa, nayra jallsa apayanistu, uqhamaraqui cosecha apthapiñ horasas apayaniraquistu.

Lamentaciones 4:2

Sión marcan jaquirinacasti, wali munatäpjjänwa, korïpcaspasa uqhama uñjatäpjjänwa, jichhasti ñek'e phuqhücaspasa uqham uñjataquëjjewa, jan yäkaña phuqhu luririn luratjama.

Ezequiel 34:26

“Nayaw ovejanacajjarojj kollan kollojjar muytata annokaraquëjja, jupanacarusti bendiciraquïwa; asqui jallunacwa horasaparu apayaniraquëjja.

Oseas 6:3

¡Ch'amacht'asipjjañäni Tatitur uñt'jjañasataqui! Tatituw jiwasanacan ucar jutani, cunjämtejj intejj jalsunqui uqhama, cunjämtejj jallojj purjjatanqui tucuyarusa, kalltarusa uqhama.

Levítico 26:4

nayajj jallunacsa horasaruw apayanipjjäma, orakesa uqhamarac frutanaca achuri kokanacasa wali sumwa achupjjaraquini;

Amós 4:7

“Cosecha horasataqui quimsa phajjsi faltquipansa jalljja janiw apayanipcsmati. Mä marcarusti jalljja puriyaractwa, mayarusti janiraqui; mä chekarusti jallojj puriwa, mä chekasti umatjamajj pharsuscaraquiwa.

Zacarías 10:1

Tatitur mayipjjam jallupach jallunaca, Tatituw utjayaraqui llijullijunacsa waljaracwa apayaninejja, takeniruraquiw pampan ch'ojjña pastonac churaraquinejja.

Zacarías 10:7

Efraín marcajj mä soldadjamäniwa. Vino umatjamaw chuymapajj cusisinejja, uc uñjasajj wawanacapajj cusisiraquiniwa. ¡Chuymapasti cusisiraquiniwa Tatitu laycu!

Zacarías 9:13

Ucampis utjituw guerrasiñ arcojja, ucasti Judá marcawa; ucarusti ucharactwa mä flecha, ucasti Efraín marcawa. Sión, jumatsti mä espadwa luräjja, sartayaraquïwa wawanacamarojja Grecia marcan wawanacap contra.”

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Hechos 14:17

Ucampis Diosajj jupanacarojj yatiyänwa jupan jacatapa, jakenacar asqui luratap toke. Jupajjay jallsa, suma cosechanacsa churchistojja, uqhamarac walja mank'añanacsa jiwasanacan cusisiñasataqui —sasa.

Deuteronomio 11:14

juparaquiwa horasapar apayanipjjätam nayra jallsa khepa jallsa, jumanacan trigo, aceite, vino apthapipjjañamataqui.

Deuteronomio 28:12

Ucatsti jist'arätamwa uca imantat alajjpachapa, orakemar jallu munqui uc churaniñataqui, uqhamaraquiw bendicïtam take irnakañamarusa. Ucsti take marcanacaruw mayt'araquïta, ucampis jumajj janiw cunsa mayt'ascätati.

Deuteronomio 32:2

“Nayan yatichäwejjajj jalljamaw purinini, nayan arsutajjas mä sulljamäniwa, sulla jalljamaw koranac patjjaru purini, pastonac patarusti umjamaraqui.

Filipenses 3:1

Jichhasti munat jilatanacajja, Tatituncjjasinjja cusisipjjam. Nayataquejj janiw cuna ch'amäquis jumanacar wasitat kellkaniñajja, ucasti jumanacataquejj asquiwa.

Filipenses 3:3

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Filipenses 4:4

Tatituncasajj cusisitäpjjapunim take urunacana. Wasitat sapjjsma, cusisipjjam.