Sofonías 3:17 - Qullan Arunaca

¹⁷ Tatitu Diosaw jumanac taypincasqui, ¡jupajj take ch'amaniwa, juparaquiw khespiyätam! Diosasti jumar uñjasinjja cusisiniwa, munasiñapampejj machaka jacañrac churätam; cusisiñapansti k'ochuraquiniwa,

Aymar Bibliia 1986

¹⁷ Tatitu Diosaw jumanac taypincasqui, ¡jupajj take ch'amaniwa, juparaquiw khespiyätam! Diosasti jumar uñjasinjja cusisiniwa, munasiñapampejj machaka jacañrac churätam; cusisiñapansti k'ochuraquiniwa,

Qullan Arunaka DC

¹⁷ Tatit Diosamaw juma taypinkaski; ¡jupax taqi ch'amapampiw jumarux qhispiyätam! Tatitusti jumar uñjasin kusisiniwa. Munasiñapampiw machaq jakañ churätam; kusisiñapan q'uchuni,

Sofonías 3:17 Jak'a apnaqawi uñst'ayäwi

Génesis 1:31

Diosasti take cuntejj lurcän ucanacan sumätapwa uñjäna. Uqhamatwa sojjtïri urojj phokhasïna.

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 18:14

¿Utjaspati Tatitutaquisti cuna lurañas jupataqui wali ch'amätapa? Mara aca horasaw visitir cutt'aniraquï, ucqhataquisti Sarajj mä yokall wawanïniwa —sasa.

Génesis 2:2

Pakallkör urusti Diosajj take luräwinacapwa tucuyäna, ucatsti samaränwa.

Salmos 147:11

Jupar iyawsirinacaw cusisiyi, qhuyapayasiñapar iyawsirinacaw cusisiyaraqui.

Salmos 149:4

Tatitojj marcaparojj munasiwa, llamp'u chuyman jakenacarojj atipt'ayiwa.

Salmos 78:65

Tatitusti iquïwitjam sartäna, vinomp machjat nuwasir jakjamaw p'arjjtäna,

Isaías 12:2

Diosaw nayar khespiyirejja, juparuw iyawsta, janiw cunsa ajjsarcäti. Tatituw nayan arjjatirejjajja, nayar ch'amañchirejjasa, jupaw khespiyirejjajja.”

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Isaías 18:4

Tatitusti saraquituwa: “Utjäwejjatpachwa nayajj c'uchiqui uñch'uquiscta, mä suma uruna mä khanäcaspas uqhama, cosecha calor urunacan mä sulla jallun kenayäcaspas uqhama.

Isaías 63:1

—¿Qhitis ucajj Edom marcan Bosra capitalapat jutqui ucajja, wila tiñit isini, wali suma isthapt'ata, wali ch'amamp sartas jutqui ucajja? —Nayätwa, atipjatäquis ucanac yatiyirïtwa, khespiyañataquis ch'amaniraquïtwa.

Isaías 63:12

qhititejj uca jach'a ch'amapsa Moisesar churcaraqui; marcap nayrakatansa jach'a kotjja payar jaljaraqui, uqhamat wiñayataqui aytatäñapataqui;

Isaías 65:19

Naya quipcaw Jerusalenatjja cusisëjja, marcajjar uñjasinsti cusisiraquïwa. Ucanjja jachañajj janiw utjcjjaniti, janiraquiw llaquisiñat aykoñas utjcaniti.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

Jeremías 32:41

Jupanacaru asquinac lurasinsti nayajj cusisiraquïwa, take chuymaraquiwa jupanacarojj aca oraken utjasiyaraquï” sasa.

Oseas 14:4

Tatitojj siwa: “Naya contra sayt'asitanacapatjja kolljjatjjäwa; jupanacarusti munasiraquïwa jan waquiscchi jupanacar munañajj ucasa, jupanacataqui colerasitajjasti apartjjaraquituwa.

Joel 2:21

“Walpun cusisim orake, janirac ajjsaramti, Tatitusti jach'a luräwinacwa lurani uca laycu.

Sofonías 3:15

Diosaw apaktam juchanacamat mutuyatäñjja, uqhamaraqui uñisirinacamarus jakonucuraquiwa. Israelan reyipa, Tatitu Diosaw jumanac taypincasqui; janiw cunaru ajjsarañamas utjquiti.

Sofonías 3:5

Ucampisa Diosaw uca marcancasqui; jupasti cunatejj chekapäqui uc luri, janiraquiw jan walinacjja lurquiti. Sapa alwaraquiwa jan armt'asisa cheka arunacapjja arsuraqui. Ucampisa juchan phokt'ata jakejj jan p'enkaniraquiwa sarnake.

Números 14:8

Tatitojj qhuyapayasistani ucqhajj yanapt'istaniw uca oraker mantañasataquejja, uqhamarus churaraquistaniwa. Uca orakensti, leches, misq'is umjamaw jalasqui.

Lucas 15:32

Ucampis jichhajj waquisiw fiesta lurañajja, cusisiñasasa, jilamasti jiwatänwa, jichhasti jactanjjewa: chhakatänwa, jichhasti jicjjatatäjjewa’ ” sasa.

Juan 13:1

Mä uruquejjänwa Pascua fiestataquejja. Jesusajj yatïnwa aca orake jaytjjañapa, uqhamarac Awquipan ucaru sarjjañap horasas purinitapa. Aca orakencqui uca jupanquirinacarojj munasipunïnwa. Uca jach'a munasiñapsti khepacamaraquiw uñacht'ayäna.

Juan 15:11

“Aqhamjja nayajj jumanacar parlapjjsmawa nayampi cusisipjjañamataqui, cusisiñampi phokt'atäpjjañamataquiraqui.

Deuteronomio 23:15

“Cawquïri esclavotejj patronapat jaltanisina imantasiña mayipjjätam ucapachajj jan jumanacajj nayrïri patronapar catuyapjjamti.

Deuteronomio 30:9

Ucapachasti Diosajj take luräwinacamanwa jach'aptayapjjätam, wawanacamana, uqhamaraqui uywanacaman kallunacaparusa uqhamaraqui cosechanacamansa; Tatitu Diosamasti mayampwa jumanacar cusisiyapjjätam, cunjämatï nayra awquinacamampi cusiscän uqhama,

Hebreos 7:25

Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.