146 Diosax jiwasan Qalasawa, uk amtañataki jiskʼa tʼaqanaka

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Ucatsti saraquïnwa: “Tatay, jumaw ch'amañchirejjätajja, jumaruw take chuymamp munassma.

khespiñ thaquiruw irpsutu, nayar munatap laycuw khespiyitu.

Tatitojj k'oma sarnakatajjatjam churäwip wajjt'itu.

Nayajj Tatitun thaquipan sarnakta, janipuniw Diosajjarojj armanuccti;

takpach arsutanacapajj chuymajjancasquiwa, janipuniw arsutanacapat jithektascti;

janiw nayrakatapan juchachascti, ñankha lurañat jithektasta;

Tatituw churäwip wajjt'itu, nayrakatapan k'oma chuyman sarnakatajjata.

“Tatay, asqui jaketaquejj asquiraquïtawa, jan camscayäqui uca jaketaquis jan camscayaraquïtawa,

khana chuymanitaquejj khana chuymaniraquïtawa, sallka chuymanitaquisti ch'iqhi chuymanïtawa.

Jumaw t'akhesiyat jakenacarojj khespiytajja, jach'a jach'a tucurinacarusti jisc'achtawa.

Tatay, jumaw nayarojj khan churista, Diosajjay, jumaw arum ch'amacajjar khantaytajja.

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Jupaquiw khespiyitu, arjjataraquitu. Janiw pächascäti, jupaw imantasiñajjajja.

Jupaquiw khespiyitu, arjjataraquitu. Janiw tinccäti, jupaw imantasiñajjajja.

Diosat khespiyasïwejjampi, jach'a cancañajjampejj juti, jupaw suma thurt'at karkajjajja, juparaquiw imantasiñajjasa.

Tatiturupun iyawsapjjam, jupaw jiwasan wiñay arjjatirisajja.

Tatitusti nayan imantasiñajjawa, imantasiñ karkajjajj Diosawa.

jumaw arjjatir karkajjätajja imantasiñ utajjätasa. Sutim laycuy irpita, imaraquita.

Nayar arjjatir Tatitojj kollanäpan. Jupaw ch'ajjwañatac amparanacajj waquichi, luc'ananacajjarus nuwasiñatac waquicharaqui,

takeniraquiw pachpa ajay uma umapjjäna. Jupanacasti karkat jalsuri umat umapjjänjja, uca karkaw jupanacampi chicäscäna. Uca karkasti Cristo Tatitünwa.

Jupaw jiwasan arjjatirisajja; luräwipasa chekaparaquiwa, luratapasa chekaraquiwa. Jupasti chekapa Diosawa, janiw jupanjja cunatejj jan chekapäqui ucajj utjquiti, ¡jupasti chekapawa, asquiraquiwa!

¿Qhitirac Tatitut sipan yakha diosast utjisti? ¿Qhiti diosarac jiwasanacar arjjatirist utjisti?

Arjjatir Tatitojjay, jumaruw art'asinsma, janiquiy mayisitajjar jan ist'irejj tucumti; janitejj ist'quitasmajja, jiwatanacamp chicäjjeristwa.

“¡Tatitojj jallallatäpan! ¡Arjjatirejjajj kollanäpan! ¡Khespiyir Diosajjajj jach'añchatäpan!

Jupajj nayar art'asitaniwa: “Jumaw Awquejjätajja, Diosajjätasa, khespiyir Karkajjätasa” sasa.

Jumay nayan arjjatir karkajjäma, jumarac imantasiñ jach'a utajjäma, jumaw karkajjätajja, jach'a utajjätasa.

Chuymajjan aynacht'atap laycojj orak tucuyatpach jumar art'asinsma: jan mistcay karka patjjaruy sayt'ayita,

Ucampis ch'amañcht'asipjjam, janirac ajjsarapjjamti, nayacuchapï arstjja, yatiyaractsa nayratpacha cunatejj lurasiñapäqui ucjja, jumanacasti take ucanacjja uñjapjjtawa. ¿Utjiti yakha diosasti nayat sipanjja? Janiw yakha imantasiñajj utjquiti; janiw yakha dios uñt'cti.”

Arjjatir Tatitojjan asquïtap yatiyapjjani, imasirejjan jan ñankha lurirïtap arsupjjani.

Diosaw imantasiñasajja, ch'amañchirisasa, jupaw chijinacan arjjatirisajja.

“Amuct'jjapjjam, nayan Diosätajj uñt'apjjam: Nayajj marcanacat juc'ampïtwa, oraket juc'ampiraquïtwa.”

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Uca laycuw jan ajjsarapcañäniti, orakes qhathatiscpan, kollunacas lamar kotar tincuntascpan,

“Israel marca, arjjatiri awquimatjja armastawa; armasiractaw jacañ churiri Diosamatsa.

qhititejj khespiyctam uca Diosar armatam laycu, janiraquiw amtasctati jupajj juman arjjatirimätamjja. Jumajj uqham suma pankar yapunacwa uscustajja, mä jan uñt'ata diosataquiraquiw pankaranacsa ayrustajja,

Dios sapanac ajayojjajj samarañ jicjjati, khespiyasiñajjajj jupat juti.

Ch'ajjwañanacarojj jan wayusipjjamti; janirac lunthatasiñar chuym catuyasipjjamti; kamiris tucusipcätajja, kollker jan alcatapjjamti.

Diosan arsutap ist'ta, jupan arsut arup yatta: “Diosajj ch'amaniwa, ch'amasa, munasiñas jupanquiwa, jupaw sapa maynirojj lurataparjam wajjt'i” sasa.

Jupaquiw khespiyitu, arjjataraquitu. Janiw pächascäti, jupaw imantasiñajjajja.

Arjjatir Diosajjarojj sistwa: “Karkajjay, ¿cunatarac armasistasti? ¿Cunatarac llaquit sarnakañajjast waquisi, uñisirejjan t'akhesiyatasti?” sasa.

naya tokeruy jinchum alcatanita, janc'aquiy nayar khespiyirejj jutita, nayan imantasiñ karkajjaruy tucum, khespiyasiñ utajjaruy tucuraquim,

jupanacamp chic utjatam laycuw ñankha luririnacan jan wali amtäwinacapat khespiytajja; timanacapamp jan tokeyañataquisti utamaruw jupanac imanttajja.

Tatitojj jach'añchatäpan, jupajj llaquisiñ urunacajjanjja, munasiñapampiw muspharcañanac lurarapitu.

Llaquimp atipjatajj säyätwa: “Tatitojj nayrakatapat jakonucjjetuwa” sasa; jumar arnakasinsma ucapachasti, art'asitajjarojj ist'istawa.

Tatitur iyawsirinaca, jupar munasipjjam: Tatitojj asqui arquirinacaparojj imiwa, jach'a jach'a tucurinacarusti lurataparjamaruw juchañchi.

Tatitur suyt'irinaca, ch'amañchasipjjam, jan ajjsarir chuymanïpjjaraquim.

jumaw arjjatir karkajjätajja imantasiñ utajjätasa. Sutim laycuy irpita, imaraquita.

Tatitojj sascaquïnwa: —Naya jac'ansti mä chekaw utji, ucampis jumajja uca chekancqui uca kala karka pataruw sayjjatäta.

Ucatsti nayajj jach'a cancañajjampi pascä ucqhajja, uca kala karka mä p'iyaruw uchäma, ucat amparajjampiw imjjatäma nayan pasañajjcama.

Chuymajjasa, janchejjas tucusisquiwa, ucampis Diosaw wiñay catokäwejjajja, jupaw chuymajjarojj catjjäsisqui.

Ucampis jumanacataquejj k'ochunacaw utjani kollana fiesta arumanacanjama; chuymapansti wali cusisitaraquïniwa, qhititejj pinquillun phust'asitaparjam sarnakquis Tatitun kollupar sarasajja, Israelan imantasiñ marcapar sarcaspasa uqhama.

Jan walt'añ urunac purincan ucapachajj, Tatituw utapan imantitani; ch'iwipampiw imjjäsitani; mä karka patjjaruw sayt'ayitani,

Alajjpachanquir Take atipirin imat sarnaker jakejja,

Chijejj janiw jac'achascätamti, usus janiraquiw utamar purincaniti,

Diosajj angelanacaparuw qhitanini, sarnakäwim imañataqui.

Amparapjjaruw apapjjätam, cayuman kalar jan lanctasiñapataqui;

catarinacarusa, asïrunacarus takjjatascaquïtawa, leonanac taypinsa, ajjsarcañ animalanac taypinsa, sarnakascaquïtawa.

“Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa.

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

walja maranacaw jacayä, ¡khespiyäwejjampiw jupar cusisiyaraquï!”

Tatiturojj siwa: “Jumätaw imantasiñajjajja, jarc'akasiñajjasa, Diosajjay, jumaruw takpach chuymamp alcatsma” sasa.

Sapakata jupanacasti thayat imantasiñjama samaräwïniwa, jach'a mathapi thayatsti jupajj imaniwa, waña oraken uma irpañ k'awanacjama, wasaran mä jach'a kalan ch'iwipäniwa.

“Qhititejj ist'quitu ucat cuntejj siscta uc luraraquejja, ucajj mä suma amuyun jakempi sasiwa, utapsa mä karka pataru lurascaspa uqhama.

Jallu purintatapatsti jawiranacaw wal sarti, ucamp chicasti waliraquiw thayajj thayt'ani uca utarojja, ucampis janiw tincuyquiti karka patancatap laycojja.

“Uñisirisasti sumwa yatipjje, jupanacan arjjatiripajj janiw jiwasan arjjatirisjamäquiti.

¿Qhitirac Tatitut sipan yakha diosast utjisti? ¿Qhiti diosarac jiwasanacar arjjatirist utjisti?

Tatituw khanajjasa, khespiyasiñajjasa, ¿qhitirurac ajjsarästi? Tatituw jacañajjar arjjati, ¿cunarurac ajjsarästi?

Tatitur suyt'irinaca, ch'amañchasipjjam, jan ajjsarir chuymanïpjjaraquim.

“Ist'apjjeta take qhitinacatejj cheka chuymampi thakapquista, jacañsa munapjjaracta ucanaca —siw Tatitojja—. Uñtapjjam cawquïri karkat qhuchsutäpctatejj uca; cawqha kala ch'iyañat apsutäpctatejj uca;

Marcajjay, jupar take chuymamp iyawsam, chuymanacam jupar jist'arapjjam, Diosaw jiwasan imantasiñasajja.

Tatay, niy lanctasiñampïscäyät ucapachaw, qhuyapayasiñamajj yanapt'itu.

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Utachirinacan jakonucut kalajja, esquina kalaruw tucjje.

¡Tatitojj jallallatäpan! ¡Arjjatirejjajj kollanäpan! ¡Khespiyir Diosajjajj jach'añchatäpan!

Tatiturojj jac'achasipjjamaya mä jacquir kaläcaspas uqhama. Jakenacajj jisc'achasaw apanucupjjaraqui uca kaljja, ucampis Diosataquejj mä suma ajllit kalawa, wali asquiraquiwa.

Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.

Tatay, juman ucaruw jutta: janiquiy wiñayatac atipjat uñjasiyistati.

Timasirinacajjajj nayjjat parlasipjje, nayar jiwayañ munirinacajj jan walinac amtapjje.

Jupanacajj sapjjewa: “Arctapjjam, catuntapjjam, Diosajj jupar apanucjjewa, janiw qhitis arjjatcaniti” sasa.

Diosajjay, janiquiy nayat jayarst'amti; Diosajjay, janc'aquiy nayar yanapt'ir jutam.

Nayar jiwayañ munirinacajj aynacht'apjjpan, tucusipjjaracpan, nayar ñankha luririnacajj t'akhesipjjpan, p'enk tucupjjaracpan.

Nayasti jumaruquiw suyt'ascäma, juc'amp jach'aruw aptäma;

lacajjajj arjjatatamjjat yatiyani, khespiyäwimat sapür arsuni. Ucajj janiw nayatac amuyañjamäquiti.

Tatay, jach'a luräwinacamat yatiyä, takpach asqui atipjatanacamat arsuraquï.

Diosajjay, wayna cancañajjatpach yatichasista, nayasti jichhürcamaw muspharcañ luratanacamat yatiyascta;

Diosajjay, ch'ama karit pachan uñjascasasa, jank'o ñic'utan pachanccasasa, janiquiy jaytanuct'asistati, jutir mita jakenacar ch'amamat yatiyañajjaw wact'asquitu.

Diosay, muspharcañ asqui cancañamajj alajjpachcamaw puri: jumajj jach'a luräwinac uñachaytajja; janiw qhitis jumjamajj utjquiti.

Asqui cancañam laycuy khespiyita, antutayaraquita, naya tokeruy jinchum alcatanim, khespiyaquitaya.

Tatitun sutipajj imantasiña jach'a torrer uñtatawa, asqui jakenacajj jupan ucar imantasiñataqui jutapqui ucanacataquejja.

Nayajj Tatitump chicapuniw sarnakascta, jupaw cupëjjajjanqui, janiw cunas tincuyquitaniti.

Tatitur takpach chuymamp iyawsam, ch'amañchasim, jan ajjsaramti, ¡Tatitur takpach chuymamp iyawsam!

Tatituw t'akhesiyat jakenacarojj arjjatasqui, jupaw llaquisiñ pachanacan imasqui.

Jumajj Tatitumpiw imayastajja, Alajjpachanquiriruw arjjatirimat uchastajja.

Ucatsti jupanacarojj saniwa: ‘¿Cawquincaraqui uca diosanacamasti, cawquïri arjjatiri diosarutejj iyawsapcäyäta ucasti,

Ucatwa Tatitojj saraqui: “Sionarojj mä kala uscü, mä suma ajllit kala, wali jila alaniraqui, jach'a jilïr kalaraquïniwa, uta cimienton esquin kalaparaquïniwa. Uca kalar iyawsiristi sumaquiw jacasini.

Qhuyapayasiñaman muspharcañanacap uñacht'ayita, ch'amamar take chuymamp iyawsirirojj jumaw timanacapat arjjattajja.

Asqui jakenacajj Tatitut yanap catokapjje, juparaquiw jan walt'añ urunacan arjjatiripajja.

Tatiturojj suma chuymamp munasim, jupasti chuyma mankheman mayisitamarjamaw churätam.

Tatituw jupanacar khespiñ yanapi, khoru jakenacan amparapat jaltayi, khespiyaraqui, jupar takpach chuymamp thakapjjatap laycu.

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!

nayrakatapatsti llijtir khejjokhejjow mistüna, kenayanacatsti chhijchhimpi, naqhasquir sanc'anacampiw jallüna.

jiwañ p'iyat waysusitu, mic'ayar jalantquiriruw khespiyitu; karka patjjaruw cayunac tact'ayitu, tact'añajjaruw ch'amañchi.

Tatitur takpach chuymamp iyawsirinacajj jan onjjtcayäpjjewa; Sión kollur uñtatäpjjewa, wiñayataquiw sayt'asipjje.

Tatitojj art'asirinacapan jac'apancasquiwa, takpach chuymamp jupat art'asirinacan jac'apanquiwa.

Jupar arquirinacan munataparjamaw phokhe, arnakasitanacap ist'i, khespiyaraqui.

Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

wiñayataquiw jupajj imaraquini. Yatiñ cancañampi yatjjatañampisti mä suma kamir yänacjamawa, khespiyaraquiwa, Tatitur ajjsartañasti kamir cancañat sipansa juc'ampi sumawa.

Ajjsarcay lajja ch'amac chekawja sarcasasa, janiw cunarus ajjsarcäti, nayamp chic saratam laycu: lawamasa, thujrumasa, ch'am churitani.

Diosar llaquinacam catuyam, jupasti ch'aman tucuyätam, Diosar jaysirin aynacht'añapjja, janipuniw jupajj muncaniti.

Tatituruw nayajj jach'añchta, jupaw ch'am churirejjajja. ¡Jupaw khespiyirejjajja!

k'apisiñapajj mä juc'ataquiquiwa, munasiñapasti wiñayataquiwa; jayp'u tokerutejj jachañajj puristanejja, willjta tokerojj cusisiñaw utj- jjestani.

“Nayätwa take jaquirinacana ch'amani Diosapajja. Janiraquiw nayataquejj cunas jan lurasirjamajj utjquiti.

Criston ch'amapampejj take cunaruw saycatirista.

Ucampis Tatitojj chekawa, jupajj ch'amañchapjjätamwa, take jan walitsa imapjjaraquïtamwa.

Tatitojj wali suma Diosawa, llaquisiñ horasansti arjjatasiriraquiwa; jupasti arjjataraquiw qhitinacatejj jupar iyawsapqui ucanacarojja.

Jupaw karitarojj ch'am churi, pisi ch'ama jakerusti ch'am yapt'araqui.

Jumanacasti jan llaquisipjjamti, Tatituwa jumanac lantejj nuwasiscani —sasa.

Nayar jutapjjam take karjatanaca jatjatanaca, nayaw samarayapjjäma.

Nayan yugojja apapjjam, ucatsti nayat yatekasipjjaraquita. Nayasti llamp'u chuymani, alt'at chuymaniraquïtwa, ucatwa almaman samarañapjja jicjjatapjjäta.

jisct'añataqui —¿Jumätati jutañapäquis uca Cristojja, jan ucajj yakharuch suyapjjäjja? —sasa.

Nayan yugojjasti jasa apañaquiwa, qhumojjasti sinti phisnaquiraquiwa.”

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Diosaw nayar khespiyirejja, juparuw iyawsta, janiw cunsa ajjsarcäti. Tatituw nayan arjjatirejjajja, nayar ch'amañchirejjasa, jupaw khespiyirejjajja.”

Uqhamajj jichhajja, take iyawsañampiw arssnajja: “Tatituw yanapt'irejjajja; janiw cuntejj jakejj lurquitaspa ucjj ajjsarcäti” sasa.

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Ucampis Tatay, jumaw nayan arjjatirejjätajja, jumaw jach'ar aptirejjätajja, jumaraquiw ch'amañchirejjätasa.

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

“Amuct'jjapjjam, nayan Diosätajj uñt'apjjam: Nayajj marcanacat juc'ampïtwa, oraket juc'ampiraquïtwa.”

Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.

Take llaquisiñanacamsti Diosar jaytapjjaraquim, jupasti jumanacatjja llaquisiraquiwa.

Nuwasir tamas nayatac tantachasiscpan, chuymajjajj janiw qhathatcaniti; nayar jaljjatañataquis waquichasisipcpan, janiw nayajj llaquiscäti.

Jumajj pobrenacan arjjatiripätam laycu, qhititejj aynacht'atäqui ucarus arjjataractawa, jan walt'añanjja jumaw arjjattajja lupinsa jumaw ch'iwiñcht'aractajja. Khoru jakenacan samananacapasti thaya horasan jach'a thayar uñtatawa,

Llaquinquipan nayarojj chhucjjatapjjetu, Tatitusti yanapt'apampiw arjjatitu:

Diosan arsutap ist'ta, jupan arsut arup yatta: “Diosajj ch'amaniwa, ch'amasa, munasiñas jupanquiwa, jupaw sapa maynirojj lurataparjam wajjt'i” sasa.

kollan sutipar k'ochupjjam, aytat cancañapar k'ochunac k'ochupjjam;

Tatay, jumaw nayan suyt'añajjätajja, wayna cancañajjatpach alcatañajjätasa.

Davidasti aca k'ochwa k'ocht'asïna, cunapachatejj Tatitojj juparu Saúl reyin amparapata, uqhamaraqui uñisirinacapatsa khespiycän ucapacha.

Tatitur thakhapjjam, ch'amapa thakhapjjam, take horasansa Tatitur thakhapjjam.

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

Diosajj jumanacarojj churapjjaraquïtamwa samarañapa, ucasti take cuntejj jakejj amuyt'caspas ucat juc'amp jach'awa. Uca samarañasti jumanacan chuymanacamsa, amuyunacamsa imaniwa Cristomp mayaquïpjjatam laycu.

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

“Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa.

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

walja maranacaw jacayä, ¡khespiyäwejjampiw jupar cusisiyaraquï!”

“Tatitur take chuymamampi catuyasim; juman ch'iqhi cancañamaruquejj jan alcatasimti.

Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

jumaw nayan imantasiñajjätajja. Jumaw timasirejjat jarc'aker ch'aman pucarätajja.

Wiñayataquiw utaman jacañ munta, amparamamp jarc'akataw utjasiñ munaracta.

qhitinacatejj Diosan wawanacapäqui, ucanacajja, acapacharojj atipjiwa. Iyawsañasasti acapacharojj atipt'ayaraquistuwa.

Qhititejj Jesusarojj Diosan wawapata iyawsquejja, ucaquiw acapacharojj atipjaspajja.

Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Tatituruw nayajj art'asta, jupasti take llaquinacat irpsutu;

Tatitojj art'asirinacapan jac'apancasquiwa, takpach chuymamp jupat art'asirinacan jac'apanquiwa.

Jumaw nayan yanapirejjätajja, ¡amparamancasajj cusisitätwa!

Ajayojjajj jumamp chict'atawa, cupi amparamasti janiw antutnucquituti.

Tatay, qhuyapayasiñamat wiñayapuniw k'ochü, juman asquïtamat jan karjasisaw yatiyä.

jumaw lamar kotanquir ajjsarcañ animalar t'unjtajja, ch'aman amparamampiw timanacamarojj ananuctajja.

Alajjpachas acapachas jumanquiwa, jumaw acapach lurtajja, takpach oraken utjirinacs luraractajja.

Jumaw amsta toksa, aynach toksa lurtajja, Tabor kollump Hermón kollumpejj cusisitaw sutim jach'añchapjje.

Amparamajj take ch'amaniwa; ch'eka amparamajj jan atipcayawa, cupi amparamasti wali ch'amaniwa.

Chekapar uñjañampi, asqui cancañampiw reyi konuñamarojj thurjjäsiyi, munasiñamp, cheka cancañampiw jumar jicjjatirejj jutapjje.

Tatay, jumar cusisiñamp yupaychir marcajj cusisiñaniwa: khanamamp khant'ayat sarnaker marcajj cusisiñaniwa,

juman sutim laycuw sapür cusisiñanïpjje, juman asqui cancañam laycuw cusisipjje.

Jumaw ch'amapätajja, aytat cancañapätasa, qhuyapayasiñam laycuw ch'amanacajjajj jiljjati.

Jiwasanacan arjjatirisajj Tatituwa, Reyisasti Israel marcan Kollanapawa.

Nayra pachanjja, uñstäwi tokew parläyätajja, iyawsirinacamarusti aqham säyätawa: “Marcajj taypit jan ajjsarir chacharuw ajllista, juparuw jach'ar aptta, yanaparacta.

Wiñay munasiñamat arsü; arsutam phokherïtamat yatiyä, alajjpachjam jan mayjt'irïtamat parlaraquï.

Tatitojj munasiriwa, qhuyapayasiriraquiwa, k'apisiñapajj c'achhaquiwa, munasiñapasti jilarquiriwa.

Tatitojj takenir munasiriwa, takpach luratanacaparojj munasiñampiw uñji.

Ucataracpï Kellkatan sejja: “Nayaw Sionarojj mä kala uchta esquin kalawa, ajllit kalawa, wali jila alaniraquiwa. Ucar iyawsiristi janiw mayjt'ascaniti” sasa.

Ucatpï jumanacajj jan jaya jakenacäcjjapjjtatejja yakha orakensa, take Diosanquirinacampejj marca masëjjapjjtawa, Diosan familiapäjjapjjaractawa.

Acapachan sarnakäwinacaparjamaw jacasipcäyäta, cawquïri ajayutejj ñankha ajayunacaru apnakqui, uqhamarac ch'amañchqui Diosar jan ist'irinacarusa, uca ajayun munañap lurasina.

Jumanacajj mä jach'a utjamäpjjtawa, apostolonacjjaru uqhamarac profetanacjjaru perkjjatatäpjjtawa. Pachpa Jesucristoraquiw kallta esquin kalajja.

Tatay, jumaw sum uñjtajja qhititejj mä sapa amtañaniquïqui ucarojja, jupan jumaru iyawsatap laycu,

Tatiturupun iyawsapjjam, jupaw jiwasan wiñay arjjatirisajja.

jupaw nayan asqui lurirejjajja, imantasiñ pucarajjasa, khespiñatac waquichat uyusa, jarc'akasiñajjasa, imantasiñajjasa, juparaquiw marcanacar nayamp apnakayirisa.

Jacobon Diosapan yanapat jakejj cusisiñaniwa, Tatitu Diosapar suyt'irejj cusisiñaniwa.

Jupaw alajjpach acapach luri, lamar kotarusa, take ucan utjirinacarusa. Jupajj arsutap phokhapuniwa.

Karkanacajj cabranacatac uchatawa, mic'ay kollunacasti añathuyanacan imantasiñapawa.

Jupaw jumanacataquejj mä sipitar uñtat ch'anktasiñ kaljamänejja, uca kalasti paypach Israelan reinonacaparuraquiw liwisiyani, mä sipitjamaraquïniwa, ucat Jerusalén marcan utjirinacajj liwisipjjani.

Tatitojj jupar iyawsirinacarojj imiwa; jupan arsutanacapasti chekapawa.

Tatay, sutim yatirinacajj jumaruw iyawsapjjtam, jumar thakerinacarojj janipuniw apanucctati.

Dios sapanac ajayojjajj samarañ jicjjati, khespiyasiñajjajj jupat juti.

Tatituw nayarojj yanapasquitu, ucatwa jaken jan wali arunacapajj jan chuyma ust'ayquituti, ucatracwa nayajj mä karkar uñtata suma sayt'astjja, yatiractwa nayajj janiw cuna p'enksa pascäti.

Ucampis t'akhesiñancasin Tatitur art'asipjjäna, jupasti t'akhesïwit waysüna.

Nayasti sum yattjja, Diosajj cuna suma luräwinactï jumanacampi kalltqui ucanacajj lurascaquiniwa, Jesucriston jutañapcama.

Tatay, jumar wakaychirinacataquejj jach'a munasiñ imaraptajja, jumar maqhatirinacarusti taken uñjcañaw qhuyapayasiñam uñachaytajja;

Davidasti wali llact'ataw jicjjatasiraquïna, jakenacapasti juparojj kalampiw c'upjaña munapjjaraquïna, takenisa wali mayjt'ataraquïnwa, cunatejj wawanacaparu pascatayna ucanacata. Ucampisa jupajj Tatitu Diosaparuw confiasiraquïna.

Ucampis janiw mäqui mistunipjjañamäquiti, janiw mäqui jalsunipjjañamäquiti, Israelan Tatit Diosapajja, jumanacarojj imasipcätamwa uca laycu.

Yupaychañäni Jesucristo Tatitusan Dios Awquiparu. Jupaw jiwasar qhuyapayasir Awquisajja, uqhamarac chuymachirisasa.

Take t'akhesiñanacasanwa Diosajj chuymachistu, jiwasajj t'akhesirinacar chuymachañasataqui, cunjämtï Diosajj jiwasar chuymachquistu uqhama.

Jiwasanacajj Tatituruw take chuymamp iyawsapjjtan: jupaw arjjatirisajja, jarc'akerisasa.

Jupampiw chuymanacasajj cusisi, kollan sutiparuw take chuymamp iyawsapjjtan.

Tatay, qhuyapayasiñamajj nanacjjar purinpan, camisatejj jumat suyapcsma uqhämarjama.

Ajjsarcay urun waytasita, nayajj jumaruquiw alcatsma.

Diosaruw takpach chuymamp iyawsta, arunacap jach'ar aptaracta; Diosaruw takpach chuymamp alcatta, janiw cunarus ajjsarcti: ¿Camächaraquitan jakesti?

Jumaw imantasiñajjätajja, jarc'akasiñajjätasa, arunacamaruw takpach chuymajj catuyta.

¡Tatitojj jach'ar aptatäpan! Takpach chuymajjampiw Tatitur jach'añchä.

Tatitojj wiñayapuniw apnakani, Sión marca, Diosamajj wiñayan wiñayapaw apnakani. ¡Tatitojj jach'ar aptatäpan!

Jacañajjcamajj Tatituruw jach'ar aptä; jupataquiw k'ochuraquï.

Jan walt'añanacajj take toket muyuntapcchitu ucqhasa, janipuniw atipjayasipcti, llaquisiñanacas wal utjcchejja, janipuniw k'ala aynacht'atäpcti.

Uñisiñampis arcnakapcchitu ucasa, janipuniw sapa irpanucutäpcti, orakerus taquisipcchitu ucasa, janipuniw tucjatäpctsa.

Jesucristojj pachpaquïsquiw wasürusa, jichhürusa, wiñayasa.

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Kellkatajja siwa: “Janiw maynis jupar iyawsirejj p'enkachatäcaniti” sasa.

Nayranacajjampiw kollunac uñatatta: “¿cawquitarac yanapast nayatac jutani?” sasa.

Yanapajj Tatitut nayatac jutani, alajjpach acapach lurir Tatituta.

“Ucampis Jesurún ucasti liq'intänwa, mat'akt'araquïnwa, (wali liq'intasinsti lliphipiscaquïnwa), lurasir Diosaparusti apanucuraquïnwa, arjjatiri khespiyiriparusti, jisc'acharaquïnwa.

Nayasti qhaya Horeb sat kollunjja mä karka patan suyäma. Ucampis cunapachatejj uca karkaru jach'a thujrumampi jisctcäta ucqhasti, umawa ucatjja mistunini jakenacan umt'apjjañapataqui —sasa. Ucatsti Moisesajj uqhamwa luräna, Israelanquir jilïri jakenac nayrakatanjja.

Atipirinacarjamaw irpäna, uca oraken kollu patanacanjama, pampanquir achunacwa mank'ayaraquïna, karkatwa misq'i umañ churäna, ch'ollkhe kalatwa aceite churaraquïna;

Wasara chekanac irpancchi ucasa, janiw jupanacajja umat pharjayasipquiti; jupaw jach'a karka ch'iyji, walja uma jalsuyaniraqui.

T'akhesiñancasinsti Tatitut art'asipjjäna, jupasti t'akhesïwit waysüna.

Jach'a thayarojj llamp'u thayaruquiw tucuyäna, lamar kota mathapinacasti llamp'uchataw uñjasïna.

marcanac taypit tantachthapitanaca, amsta toketa, aynach toketa, inti jalsu toketa, inti jalanta toketa.

Ojjenac t'acurir uñjasajj cusisipjjänwa, Diosasti cawqharutejj mistuñ munapcäna, ucaruw puriyäna.

Nayasti yatiractwa arjjatirejjan jacascatapa, jupaw nayaru aca oraken arjjataraquitani.

Jumaw ajllit reyimarojj atipaytajja, Davidampir allchhinacapampirojj munasiñampipuniw uñjtajja.

Ucatsti aca aruraquiw phokhasi: “Uca kalajj mayninacarojj lanctasiyiwa liwisiyir karkaraquiwa.” Uca jakenacasti Tatitun arunacapar jan iyawsapjjatap laycuw liwisipjje, ucataqui uchatäpjjaraquïnwa.

“Nayan ucar jutapjjam, nayaw khespiyapjjäma, orake tucusin utjir marcanaca, nayaquïtpï Diosajja, janiw yakhajj utjquiti.

Jutapjjam, Tatitur k'ochupjjañäni, arjjatir khespiyirisar cusisit jayllipjjañäni;

“Jan jumanacajj llaquisipjjamti. Iyawsapjjam Diosaru, nayarus iyawsapjjaraquita.

Diosajjay, aykosquir arnakasitajjarojj ist'aquimaya, mayisitajjarojj jaysaquimaya.

Chuymajjan aynacht'atap laycojj orak tucuyatpach jumar art'asinsma: jan mistcay karka patjjaruy sayt'ayita,

Tatitun amparapar sarnakäwim catuyasim, jupar take chuymamp alcatam, jupasti yanapätamwa.

Asqui cancañamarojj willjtar uñtat khantayani, asqui sarnakatamsti chicürjam khanayani.

Yakhepanacajj nuwasiñ carronacaruw alcatapjje, yakhanacasti walja caballonacaruw chuym uchapjje; jiwasanacasti Tatit Diosasaruw art'asipjjtan.

Ch'aman sayt'asipjjañäni, jan pächasisa, iyawsäwisanjja cuntejj suyt'ctan ucanjja, Diosasasti phokhaniwa cuntejj arsuwayquistu ucjja.