Josué 1:9 - Qullan Arunaca

⁹ Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Aymar Bibliia 1986

⁹ Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Qullan Arunaka DC

⁹ Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Josué 1:9 Jak'a apnaqawi uñst'ayäwi

Génesis 28:15

Nayaw jumampïscta, cawquirutejj sarcät ucan imascapunïmawa, ucatsti uca pachpa orakeruw cuttayaniraquïma. Janipuniw antutcämati jan arsutajjar phokhasajja” sasa.

Génesis 39:2

Ucampis Tatitojj Joseampïscänwa, uywiripan utapan jacañcamasti take cunas waliquïscänwa Joseataquejja.

Génesis 39:3

Uywiripasti amuyaraquïnwa Tatitojj Joseampïscatapa, ucataracwa take cunas Joseataquejj waliquïscänjja.

2 Samuel 13:28

uywatanacaparusti saraquitaynawa: “Walpun amuyapjjäta, cunapachatejj Amnonajj vinompi niya machantasjjani, ucapachasti nayaw sapjjäma: ‘Jiwayapjjam’ sasa, ucatsti jumanacajj jiwayapjjätawa. Jan jupar jiwayañjja ajjsarapjjamti, nayan arunacajjawa. Uqhamasti ch'amañcht'asipjjam, jan ajjsarapjjamti” sasaw Absalonajj säna.

1 Crónicas 28:20

Ucatsti Davidajj Salomonarojj sänwa: “¡Ch'amañchasim, janirac mayjt'asimti, uqhamarac jichhajj lurañaru uscusim! ¡Janipun ch'am thayjtayasimti, ni ajjsaramsa, Tatitu Diosajjasti jumampïscatap laycu! Jupasti janiw jaytanuccätamti, ni apanuccätamsa, take lurañanacajj Tatitur sirviñataqui templona tucusiñapcama.

2 Crónicas 15:7

Ucampis jumanacajj jan ajjsarirïpjjamti, ucatsti janiraqui mayjt'asipjjamti, luratanacamatsti catokapjjätawa” sasa.

Salmos 46:7

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 43:1

Ucampis jichhajj Israel, Jacobon marcapa, jumar uywiri Tatitojj sistamwa: “Jan ajjsaramti, nayaw khespiysma, nayaw sutimat jawssma, jumajj nayanctawa.

Isaías 43:5

Jan ajjsaramti, nayaw jumampïscta. Inti jalsu toketsa, inti jalanta toketsa, nayaw jakenacamjja anthapinjjä.

Isaías 8:12

“Jan jumanacajj sayt'asiña amtäwinacaw sapjjamti cunürutejj aca marcajj sayt'asiña amtäwiw sisqui ucarojja. Jan ajjsarapjjamti, janirac sustjasipjjamsa cunanacarutejj aca marcajj ajjsarqui ucanacarojja.

Daniel (hebreo) 10:19

ucatsti saraquituwa: ‘Jan ajjsaramti, janirac llaquisimsa. Diosajj jumarojj walwa munastam. Uca laycu sayt'asim, ch'amañcht'asiraquim’ sasa. “Jupajj uqhamaw nayaru parlasquitäna, uqham parlañapcamajja nayajj ch'amaniw amuyasjjäyäta, ucatsti saractwa: ‘Tata, parljjayt'aquita, parlatam ist'asasti nayajj ch'amaniw uñjasjjta’ sasa.

Hageo 2:4

¡Ucampis ch'amacht'asim Zorobabel! ¡Ch'amacht'asiraquim jumas Josué sacerdotenacan jilïripa! Ch'amacht'asipjjaraquim jumanaca aca marcanquir take jakenaca trabajapjjam, nayaw jumanacampïscta. Naya ch'amani Tatituw arsta.

Hageo 2:5

Cunjämtejj Egiptot mistunipcäyäta ucapachajja sapjjayäsmawa: Ajayojjaw jumanacampïsqui, jan ajjsarapjjamti;

Hechos 4:19

Pedrompi Juanampisti ucjjar arsusinjja sapjjänwa: —Amuyt'apjjam. ¿Waliquïspati Diosan nayrakatapanjja, Diosat sipan jumanacar nayrakat ist'añajja?

Deuteronomio 1:21

Jumanacan Tatitu Diosamaw aca orakenac churapjjtam, jichhasti mantapjjamay ucatsti utjantasipjjam, cunjämtï awquinacaman Diosapajj sapctam uqhama. Jan ajjsarapjjamti janirac ch'amanacamsa jiwt'ayasipjjamti’ sasa.

Deuteronomio 20:1

“Cunapachatejj jumanacajj uñisirinacamampi nuwasiñatac mistuwayapjjäta, ucatsti uñjapjjäta jupanacarojj soldadonacapa caballonacar lat'jjatata, nuwasiñ carronacani, uqhamaraqui ejercitopas jumanacat sipansa juc'ampi waljani, ucapachajj jan jupanacaru ajjsarapjjamti; Egipto marcat irpsunipctam uca Tatitu Diosamaw jumanacampïsqui.

Deuteronomio 31:23

Josué sat Nun chachan yokaparojja Tatitojj aca ewjjanacwa churaraqui: “Ch'amañcht'asim, sayt'asiraquim, jumaw israelitanacar puriyäta, cawquïri oraktï arojjampi arsusin churä siscta ucaru, nayaraquiw jumampïscä” sasa.

Deuteronomio 31:28

Irpanipjjam acaru take tribunacaman awquinacapa, jilïri jakenacapa, nayan aca arunacat parlañajjataqui, ucatsti alajjpachampiru acapachampiru testigot jupanac contra uchañajjataqui.

Josué 1:10

Ucatsti Josué chachajj marcanquir jilïrinacaruw lurapjjañapataqui aqham säna:

Josué 1:17

Cunjamtï Moisesarojj take cunansa jaysapjjäyätjja, uqhamaraquiw jumarojj jaysapjjäma. Nanacasti munapjjtwa Diosajj jumaru yanapañapa, cunjamtï Moisesarojj yanapcäna uqhama.

Josué 1:18

Cawquïri jaketï jan arunacamaru ist'cätam, uqhamaraqui jan jayscaraquïtamsa ucasti jiwaniwa. Nanacasti juman ch'amampi uqhamarac cheka chuymampi sarañamacwa munapjjta —sasa.

Josué 10:25

Ucatsti Josué chachajj sänwa: “Jan jumanacajj ajjsarapjjamti ni sustjasipjjaraquimsa, jan ucasti wali ch'amani sayt'asipjjam, Diosasti aca quipca luraraquini jumanacan uñisirinacamampejja” sasa.

Josué 10:8

Ucatwa Diosajj Josué chacharojj säna: “Jan jumajj ajjsarayasimti, nayaw jumar catuysma, janiraquiw cawquïri reyis jumampi nuwasiñjja puedcaniti” sasa.

Josué 3:7

Ucatsti Diosajj Josué chacharuw parläna aqham sasa: “Jichhürutwa jumarojj juc'ampi amuyt'an jake tucuyäma take aca israelit jakenacan nayrakatapana, ucatsti yatipjjaraquiniw nayajj jumampïscatajja cunjämatï Moisesar yanapcäyät uqhama.

Josué 6:27

Uqhamaw Diosajj Josué chacharojj yanapäna, uqhamarac sutipasa take jakena aytataraquïnwa.

Josué 8:1

Diosajj Josué chacharojj sänwa: “Jan jumajj ajjsaramti ni sustjasimsa. Ejercitomampi saram ucatsti Hai sat marcaru t'unjanim; nayaw amparamaru churäma Hai marcan reyipsa, take marcapsa uqhamaraqui take orakepsa. Marcapasa, orakenacapasa jumancaniwa.

Jueces 6:14

Diosasti uñcatasinjja sänwa: —Kawkhatejj ch'amamajj utjqui ucampi israelitanac khespiyir saram madianitanacan t'akhesiyatäñata. Nayawa jumarojj qhithascsma —sasa.

1 Samuel 10:7

Cunapachatejj take ucanacajj jumampi lurasini ucapachasti, cunas amuyatamatjja walïspa uc luraraquim, Diosaw yanaparaquïtam.