Josué 1:9 - Qullan Arunaka DC

⁹ Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Aymar Bibliia 1986

⁹ Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Qullan Arunaca

⁹ Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Josué 1:9 Jak'a apnaqawi uñst'ayäwi

Génesis 28:15

Nayaw jumampïskta; kawkirutix sarkäta ukan imaskapunïmawa, ukatsti aka pachpa uraqiruw kuttayanxäma. Arsutaxar phuqhañkamax janipuniw antutkämati” sasa.

Génesis 39:2

Ukampis Tatituw Joseampiskäna, uywiripan utapan jakañapkamasti taqi kunas Joseatakix walikïskänwa.

Génesis 39:3

Uywiripasti amuyarakïnwa Tatit Diosan Joseampïskatapa, ukat Joseatak taqi kunan walikïskatapa.

2 Samuel 13:28

uywatanakaparusti sarakitaynawa: “Amnonar walpun amuyapxäta machantatäxani ukapachaw nayax sapxäma: ‘Jiwayapxam’ sasa, ukatsti jumanakax jiwayapxätawa. Jupar jiwayañ janiw axsarapxätati, nayaw sapxsma. Ukhamasti ch'amañcht'asipxam, jan axsarapxamti” sasa.

1 Crónicas 28:20

Ukhamasti Davidax Salomonarux sänwa: “¡Ch'amañchasim, ukatsti lurañarurak uskusim! ¡Jan mayjt'asimti, janirak axsaramsa, Tatitu Diosaxaw jumampïskani! Tatitux jupan utap lurañ tukuyañkamax janiw jaytjkätamti, janirakiw armaskätamsa.

2 Crónicas 15:7

Ukampis jumanakax ch'aman sayt'asipxam, janirak mayjt'asipxamsa, luratanakamatsti churäwi katuqapxäta” sasa.

Salmos 46:7

7 (8) ¡Taqi ch'aman Tatitux jiwasampïskiwa! ¡Jacobun Diosapaw arxatirisaxa!

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 43:1

Jichhasti Israel, Jacobun markapa, jumar uywiri Tatitux sistamwa: “Jan axsaramti, nayaw qhispiysma, nayaw sutimat jawssma, jumax nayanktawa.

Isaías 43:5

Jan axsaramti, nayaw jumampïskta. Inti jalsu tuqitsa, inti jalanta tuqitsa, nayaw jaqinakam anthapinxä.

Isaías 8:12

“Jan jumanakax sayt'asiña amtäwinakaw sapxamti, kunjämtix aka markax taqi kunarus sayt'asiña amtäwiwa sapki ukanakaruxa. Jaqinakax wal mulljasipxi kunapachatix reyinakax nuwasiñatak amtapki ukapachaxa. Jumanakasti jan mulljasipxamti, janirak axsarapxamsa.

Daniel (hebreo) 10:19

sarakituwa: ‘Jan axsaramti, janirak llakisimsa. Tatitux jumar munastamwa; ¡kusisim, ch'amañcht'asirakim!’ sasa. Jupax ukhamaw nayar parlxayaskitäna, ukchañkamasti nayax ch'amaniw amuyasxäyäta, ukat sarakta: ‘Tatay, parlxayt'akita, parlatam ist'asin nayax ch'amaniw uñjasxta’ sasa.

Hageo 2:4

¡Zorobabel, ch'amañcht'asim! ¡Josué, sacerdotenakan jilïripa, jumas ch'amañcht'asirakim! Aka markankir jaqinaka, ch'amañcht'asipxam. Irnaqapxam, nayax jumanakampïsktwa. Naya, taqi ch'aman Tatituw arsta.

Hageo 2:5

Egipto markat mistunipkta ukapachax jumanakampïñatakiw nayax arsüyäta, ukasti phuqhasiskiwa. Ajayuxaw jumanakampïski, jan axsarapxamti.

Hechos 4:19

Ukampis Pedrompi, Juanampix jupanakar sapxiwa: —Jumanak pachpay amuyt'apxam, ¿Diosan nayraqatapan jupar jaysañat sipana, jumanakar jaysañat walïspaxa?

Deuteronomio 1:21

Jumanakan Tatit Diosamaw aka uraqinak churapxtam, jichhasti mantapxamaya, awkinakaman Tatit Diosapan arsutaparjam utjantasipxam. Jan axsarapxamti janirak ch'amanakamsa jiwt'ayasipxamti’ sasa.

Deuteronomio 20:1

Moisesasti saskakïnwa: “Kunapachatix jumanakax uñisirinakamamp nuwasir sarantapkät ukapachaxa, janiw jupanakar axsarapxätati. Uñisirinakamax jumanakat sipan juk'amp ch'amanïskpasa, walja caballonakani, walja nuwasiñ carronakanïskpasa; Egipto uraqit irpsunipktam uka Tatit Diosamaw jumanakampïskani.

Deuteronomio 31:23

Tatitux Nun chachan Josué yuqaparux aka iwxanak churäna: “Josué, ch'amañcht'asim, qamas katxatarakim, jumaw israelitanakar puriyäta, jupanakar churañ nayax arskta uka uraqiru, nayarakiw jumampïskä” sasa.

Deuteronomio 31:28

Jichhax markan jilïrinakapampiru, ayllunakan jilïr jaqinakapampir akar irpanipxam, nayan aka arunak jupanakar yatiyañaxataki, alaxpachampi akapachampiw ukanakat qhanañchani.

Josué 1:10

Ukatsti Josué chachax markankir jilïrinakaruw lurapxañapatak säna:

Josué 1:17

Kunjämtix nanakax Moisesar taqi kunan jaysapxäyäta, ukhamarakiw jumarux jaysapxäma. Nanakasti Tatitu Diosaman jumampïñap munapxta, kunjämtix Moisesampïkan ukhama.

Josué 1:18

Khiti jaqitix arunakamar jan ist'kani ukax jiwaniwa. Nanakax ch'amampi, chiqa chuymampi sayt'asiñamak munapxta —sasa.

Josué 10:25

ukatsti Josué chachax jupanakarux sänwa: “Jan axsarapxamti, janirak ch'amsa jiwt'ayasipxamti; jan ukasti wali ch'aman sayt'asipxam, Tatitusti jumanakan taqi uñisirinakamarux uka kipka lurarakini” sasa.

Josué 10:8

Tatitusti Josué chacharux sänwa: “Jan jupanakar axsaramti, nayaw amparamar katuyaskäma, janirakiw jupanakat khitis saykatkätamti” sasa.

Josué 3:7

Tatitusti Josué chacharux sänwa: “Jichhürut uksarux israelitanakan nayraqatapan jach'aruw tukuyäma, ukhamat jupanakax nayan jumampïskatax yatipxani, kunjämatix nayax Moisesampïkäyät ukhama.

Josué 6:27

Tatitux Josué chacharux yanapänwa, sutipasti taqi uksa tuqinakan aytasïna.

Josué 8:1

Tatitux Josué chacharux sänwa: “Jan axsaramti janirak mayjt'asimsa. Taqpach ejercitomampi Ai markar nuwantir sarxarum, nayaw Ai markan reyiparu, jaqinakaparus atipt'ayäma. Markapasa, uraqinakapas jumankaniwa,

Jueces 6:14

Tatitusti jupar uñkatasin säna: —Qawqhatix ch'amamax utjki ukampi israelitanak qhispiyir saram, madianitanakan t'aqhisiyatäñata. Nayaw jumarux khithasksma —sasa.

1 Samuel 10:7

Kunapachatix taqi ukanakax jumamp luraskani ukkhasti, kunatix amuyatamat walïki uk luraskakim, Tatituw yanapt'arakïtam.