Josué 1:8 - Qullan Arunaka DC

⁸ Kuntix Tatitun kamachi qillqatapanxa siski ukanak amtasipunïtawa, uruy arumaw lup'irakïta, kuntix uka arunakan siski ukhamarjam phuqhañamataki. Ukhamat taqi luräwinakamax sumaru sarani.

Aymar Bibliia 1986

⁸ Amtasipunïtaw cuntï Diosan leyi libropanjja sisqui uca, uqhamaraqui uruy arumaraquiw lup'iraquïta cuntejj librojj sisqui uca lurañamataqui. Uqhamatwa take luräwinacamajj sumaru sarani.

Qullan Arunaca

⁸ Amtasipunïtaw cuntï Diosan leyi libropanjja sisqui uca, uqhamaraqui uruy arumaraquiw lup'iraquïta cuntejj librojj sisqui uca lurañamataqui. Uqhamatwa take luräwinacamajj sumaru sarani.

Josué 1:8 Jak'a apnaqawi uñst'ayäwi

Génesis 24:63

Jupasti pampa tuqinak muytt'iriw saratayna. Ukatsti akatjamat uñtäna, mä camellonakar jak'achasisinkiri.

2 Crónicas 26:5

Zacarías profetan jakañapkamasti, Tatiturux thaqhapunïnwa; jupaw Oziasarux Diosar axsart'añ yatichäna. Jupax Tatitur thaqtkäna ukkhaxa, Tatitux juparux askiruw sartayäna.

Salmos 119:11

Chuymaxaruw arunakam imta, juma nayraqatan juch jan lurañataki;

Salmos 119:15

Arsutanakamat lup'isï, thakhiman sarnaqañ amuyt'arakï.

Salmos 119:97

¡Yatichäwimarux walpun munasta! ¡Sapüruw ukxat lup'iskta!

Salmos 119:99

Taqpach yatichirinakaxat sipan juk'amp amuyta, arunakamat wal lup'itax layku.

Salmos 19:14

14 (15) Tatay, arsutaxasa, chuymaxan lup'itapas jumar kusisiykirïpan, Tatay, nayan qhispiyirixa, imantasiñaxa.

Salmos 40:10

10 (11) Aski kankañamat arsuñxa, janiw chuymaxar imantkti; arsutam phuqhirïtamampita, qhispiyäwimampit yatiyta. Jach'a tantachasïwi taypinsti, janipuniw khuyapayasiñamampita, aski kankañamampit amukt'kti.

Proverbios 3:1

Munat wawaxay, janiy yatichäwinakaxat armasimti; kamachi arsutanakax chuymamarupun imam,

Isaías 59:21

Tatitux siwa: “Nayaw jumanakampix mä arust'äwi lurta, arsuraktwa, ch'amaxasa, yatichäwinakax churapksma ukanakasa, janipuniw jumanakatxa juk'ampi jayarst'kxaniti, janirakiw wawanakamatsa jayarst'kxaniti, ukanakasti wiñayatakipunïniwa” sasa.

Mateo 12:35

Mä suma jaqix sumanak arsu, chuymapan suma amtañanak utjatap layku, jan wali jaqisti jan walinakak arsu, chuymapan jan wali amtañanak utjatap layku.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Mateo 7:21

“Janiw taqi khitinakatix: ‘Tatay, Tatay’ siskitu ukanakax alaxpach markar mantkaniti, jan ukasti khitinakatix Awkixan munañap lurki ukanakakiw mantani.

Mateo 7:24

“Khititix ist'kitu ukat kuntix siskta uk lurki ukax, qarqa patar utachasir amuyt'an jaqir uñtatawa.

Lucas 11:28

Jupasti sänwa: —¡Khitinakatix Diosan arunakap ist'apki, jaysapkaraki ukanakax juk'amp kusisiñaniwa! —sasa.

Juan 13:17

Akanaktix amuyt'apxäta, ukat ukarjam lurapxarakïta ukasti, kusisitäpxätawa —sasa.

Juan 14:21

Khititix kamachinakax katuqki, ukatsti phuqkaraki ukax, chiqpach nayar munatap uñacht'ayi. Awkixasti khititix nayar munaskitu ukarux munasirakiniwa, nayasti juparux munasirakïwa, ukatsti uñacht'ayasirakïwa.”

Efesios 4:29

Jan wali arunakax lakamat jan mistpati, jan ukasti mayninakar ch'amañchir suma arunak mistpan, ukhamat ist'irinakatak askïñapataki.

Deuteronomio 29:8

8 (7) Ukatsti uraqinakap katuntastan, uka uraqinaksti Rubén, Gad, Manasesan chikat aylluparuw churaraktan.

Deuteronomio 29:9

9 (8) Ukhamasti, taqi aka arust'äwin arunakapar phuqhapxam, ukarjamarak sarnaqapxam, ukhamat taqi luräwinakaman sum sarañapataki.

Deuteronomio 30:14

Ukat sipan, kamachi arunakax jumanakat wali jak'ankiwa, jumanakan lakamankiwa, amuyumankarakiwa, ukhamat phuqhapxañamataki.

Deuteronomio 31:11

Kunapachatix uka marax purinkani, ukatsti israelitanakax Tatit Diosapan ajllit chiqawjar tantachasipkani, Chhujllanakan urup taqpachani uruyañataki ukapachasti, taqi aka kamachi arunak jupanakan nayräxapan ullart'äta.

Deuteronomio 31:24

Kunapachatix Moisesax uka kamachinak qillqañ tukuyxän ukkhaxa,

Deuteronomio 5:1

Moisesasti Israel markar tantachthapisin säna: “Israelankir jaqinaka, sum ist'apxam kawkïr kamachinaka, kamachi arsutanaktix jichhürun yatiyapkäma ukanaka. Sum p'iqinakamar yatiqapxam, ukatsti taqi sarnaqäwiman ukarjam sarnaqapxarakim.

Deuteronomio 5:29

¡Walïspaw jupanakan ukham amuyunïpxaspa ukaxa, ukatsti jach'añchapxitaspa, kamachi arunakaxsa taqi urunakan phuqhapxarakispa ukaxa, ukhamat wawanakapasa, jupanakas wiñay sum sarnaqapxaspa!

Deuteronomio 5:32

Ukhamasti israelitanaka, Tatit Diosaman taqi iwxanakaparjamay jan kawksarus jithiqtasa jakäwinakaman sarnaqapxam.

Colosenses 3:16

Ukhamasti Tatitun arunakapax chuymanakamar phuqhantpan. Jumanakkamax taqi amuyt'a chuymampi yaticht'asipxam, iwxt'asipxarakim. Chuymanakaman Diosar yuspagaras ajay q'uchunak q'uchupxam.

Josué 1:7

Nayax ch'aman sayt'asiñamak maysma, ukatsti kuna kamachinaktix Moisés luqtirixax churktam ukanak phuqharakim. Kuntix uka kamachinakax siski ukanakat janipun maysar saranukumti, ukhamat taqi luräwinakamax sumaki sarañapataki.

Josué 8:34

Ukatsti Josué chachax Tatitun kamachinakapat ullaräna, aski arunaka, ukhamarak ñanqhachäwi arunaka.

Apocalipsis 22:14

Jakañ churir quqan achupat manq'asiñatak isinakap t'axsusirinakax kusisiñanïpxiwa, ukhamarak markar punku chiqa mantañ munirinakasa.