Josué 1:7 - Qullan Arunaka DC

⁷ Nayax ch'aman sayt'asiñamak maysma, ukatsti kuna kamachinaktix Moisés luqtirixax churktam ukanak phuqharakim. Kuntix uka kamachinakax siski ukanakat janipun maysar saranukumti, ukhamat taqi luräwinakamax sumaki sarañapataki.

Aymar Bibliia 1986

⁷ Nayasti sismawa: Ch'amani sayt'asim, ucatsti phokharaquim Moisés sirvirejjajj ley jaytawayctam take ucanacaru. Cuntï sisqui ucanacatjja janipuni maysar saranucumti, uqhamat take luräwinacamajj sumaqui sarañapataqui.

Qullan Arunaca

⁷ Nayasti sismawa: Ch'amani sayt'asim, ucatsti phokharaquim Moisés sirvirejjajj ley jaytawayctam take ucanacaru. Cuntï sisqui ucanacatjja janipuni maysar saranucumti, uqhamat take luräwinacamajj sumaqui sarañapataqui.

Josué 1:7 Jak'a apnaqawi uñst'ayäwi

1 Reyes 2:2

“Nayax sarxäwa, kunjämatix taqi jaqinakas aka uraqit sarxapki ukhama. Jumax ch'amañchasim, chachjamarak sarnaqam.

1 Reyes 2:3

Tatit Diosaman iwxanakap phuqham, munañap lurasa, kamachi arunakapa, arsutanakap phuqhasa, Moisesan kamachipan qillqatäki ukhamarjama, kawkharutix sarkäta ukkhansa taqi luräwinakaman askir sarañapataki.

2 Reyes 22:2

Josías reyin luratanakapasti Tatitun nayraqatapan chiqapänwa; jupasti David nayra awkipan sarnaqäwiparjamaw arkäna.

1 Crónicas 22:13

Jumatakix taqi kunas askiruw mistuni, jumatix Tatitun kamachinakap Moisés tuqi Israel markar arsuwayki uk phuqhäta ukkhaxa. ¡Ch'amampi qamasampi sayt'asim; jan mayjt'asimti, janirak axsaramti!

2 Crónicas 15:7

Ukampis jumanakax ch'aman sayt'asipxam, janirak mayjt'asipxamsa, luratanakamatsti churäwi katuqapxäta” sasa.

2 Crónicas 26:5

Zacarías profetan jakañapkamasti, Tatiturux thaqhapunïnwa; jupaw Oziasarux Diosar axsart'añ yatichäna. Jupax Tatitur thaqtkäna ukkhaxa, Tatitux juparux askiruw sartayäna.

Job 1:8

Ukat Tatitux juchañchir angelar sarakïna: —¿Job luqtirixar uñjaniwaytati? Janiw khitis jupjamax uraqin utjkiti. Jupax chiqap jakiri aski jaqiwa, Diosar axsartiri, jan wali lurañat jithiqtatawa —sasa.

Salmos 80:19

19 (20) Taqi ch'aman Diosay, kunjamäpkäyättix ukhamaruy kutjtayxapxita, ¡khuyapayasiñamampiy uñtanipxita, nanakasti qhispiyataw uñjasipxä!

Proverbios 4:27

Thakhimat jan maysar saranukumti; jan wali sarnaqäwinakat jithiqtam.

Proverbios 8:20

Nayax chiqap thakhinjam sarta, chiqa kankañ thakhinjama.

Daniel (hebreo) 10:19

sarakituwa: ‘Jan axsaramti, janirak llakisimsa. Tatitux jumar munastamwa; ¡kusisim, ch'amañcht'asirakim!’ sasa. Jupax ukhamaw nayar parlxayaskitäna, ukchañkamasti nayax ch'amaniw amuyasxäyäta, ukat sarakta: ‘Tatay, parlxayt'akita, parlatam ist'asin nayax ch'amaniw uñjasxta’ sasa.

Números 27:23

Ukatsti, Tatitun arsutaparjamaw amparapamp p'iqipxar luqxatasin lurañap churxäna.

Deuteronomio 11:8

“Jumanakasti jichhürun churapksma uka kamachi arunakarux phuqhapxamaya, ukhamat ch'amañchasisin uka uraqinak katuntasipxañamataki,

Deuteronomio 12:32

“Ukhamasti, taqi aka kamachinak phuqhapxam, ukhamarjam sarnaqapxarakim, jan kunsa k'ichxatasa, janirak kuns k'ichiqasa.

Deuteronomio 28:14

janirak yaqha diosanakarus arkkäta ukapacha.

Deuteronomio 29:8

8 (7) Ukatsti uraqinakap katuntastan, uka uraqinaksti Rubén, Gad, Manasesan chikat aylluparuw churaraktan.

Deuteronomio 29:9

9 (8) Ukhamasti, taqi aka arust'äwin arunakapar phuqhapxam, ukarjamarak sarnaqapxam, ukhamat taqi luräwinakaman sum sarañapataki.

Deuteronomio 31:7

Ukatsti Moisesax Josué chacharuw jawsäna, ukat taqpach Israel marka nayräxan jupar akham säna: “Josué, ch'amañcht'asim, qamas katxatarakim, jumaw aka jaqinakar irpäta, kawkïr uraqtix jumanakan nayra awkinakamar Tatitux churañ arskäna uka uraqiru, ukatsti jumarakiw uka uraqinak jupanakar lakintäta.

Deuteronomio 4:2

Churapksma uka kamachi arunakarux janipun jilxatayapxamti, janirak apaqapxamsa; jan ukasti, Tatit Diosaman kamachi arunakap phuqhapxam.

Deuteronomio 5:32

Ukhamasti israelitanaka, Tatit Diosaman taqi iwxanakaparjamay jan kawksarus jithiqtasa jakäwinakaman sarnaqapxam.

Josué 1:1

Tatitun luqtiripa Moisesan jiwxatapatxa, Tatitux Nun chachan Josué yuqapampiw parläna, khititix Moisesan yanapiripäki, juparusti sänwa:

Josué 1:8

Kuntix Tatitun kamachi qillqatapanxa siski ukanak amtasipunïtawa, uruy arumaw lup'irakïta, kuntix uka arunakan siski ukhamarjam phuqhañamataki. Ukhamat taqi luräwinakamax sumaru sarani.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Josué 11:15

Tatitux Moisesaruw ixwa arunakap churatayna, Moisesasti Josué chacharuw uka ixwa arunak churarakïna, jupasti uka arunakarjamax taqpun phuqhäna.

Josué 23:6

“Moisesan kamachipan qillqatäki uka arunakar phuqhañatak chamañcht'asipxam; uka arunakat janirak ch'iqa tuqirusa, kupi tuqirus saranukupxamti.