Josué 1:6 - Qullan Arunaka DC

⁶ Jumasti wali ch'amani sayt'asim janirak axsaramti, jumaruw aka markaru uraq lakiñax wakt'tam; uksti nayaw nayra awkinakapar churañatak arsüyäta.

Aymar Bibliia 1986

⁶ Jumasti wali ch'amani sayt'asim janirac ajjsaramti. Aca marcaru orak laquiñajj jumaruw wact'tam; ucasti nayajj: —Herencia churä —siscäyata awquinacaparu ucawa.

Qullan Arunaca

⁶ Jumasti wali ch'amani sayt'asim janirac ajjsaramti. Aca marcaru orak laquiñajj jumaruw wact'tam; ucasti nayajj: ‘Herencia churä’ siscäyata awquinacaparu ucawa.

Josué 1:6 Jak'a apnaqawi uñst'ayäwi

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

2 Samuel 10:12

Ch'am katxatam, markasar arxatañ layku, Diosasan markanakap arxatañ layku jan axsaras nuwasiñäni. ¡Tatituy jupan amtataparjam lurpan!” sasa.

1 Reyes 2:2

“Nayax sarxäwa, kunjämatix taqi jaqinakas aka uraqit sarxapki ukhama. Jumax ch'amañchasim, chachjamarak sarnaqam.

1 Crónicas 22:13

Jumatakix taqi kunas askiruw mistuni, jumatix Tatitun kamachinakap Moisés tuqi Israel markar arsuwayki uk phuqhäta ukkhaxa. ¡Ch'amampi qamasampi sayt'asim; jan mayjt'asimti, janirak axsaramti!

1 Crónicas 28:10

Jichhasti jumax amuyam, Tatituw jupan qullan utap lurañatak ajllistam. ¡Ch'amañchasim, ukatsti lurarakim!” sasa.

1 Crónicas 28:20

Ukhamasti Davidax Salomonarux sänwa: “¡Ch'amañchasim, ukatsti lurañarurak uskusim! ¡Jan mayjt'asimti, janirak axsaramsa, Tatitu Diosaxaw jumampïskani! Tatitux jupan utap lurañ tukuyañkamax janiw jaytjkätamti, janirakiw armaskätamsa.

2 Crónicas 15:7

Ukampis jumanakax ch'aman sayt'asipxam, janirak mayjt'asipxamsa, luratanakamatsti churäwi katuqapxäta” sasa.

2 Crónicas 20:11

Jichhasti, ukata phuqsusiñatakiw nuwasir jutapxi, uraqimat nanakar alisnukuñataki, kawkïr uraqtix nanakan katusiñanakaxatak churapkista uka uraqita.

2 Crónicas 20:7

Nanakan Diosaxay, jumaw Israel markan nayraqatapat aka uraqin jakir jaqinakarux jaqunuktaxa, ukatsti juman munata Abrahaman wawanakaparuw wiñayatak churxtaxa.

Salmos 27:14

¡Tatitur taqpach chuymamp iyawsam! ¡Ch'amañchasim, jan axsaramti! ¡Tatitur taqpach chuymamp iyawsam!

Daniel (hebreo) 10:19

sarakituwa: ‘Jan axsaramti, janirak llakisimsa. Tatitux jumar munastamwa; ¡kusisim, ch'amañcht'asirakim!’ sasa. Jupax ukhamaw nayar parlxayaskitäna, ukchañkamasti nayax ch'amaniw amuyasxäyäta, ukat sarakta: ‘Tatay, parlxayt'akita, parlatam ist'asin nayax ch'amaniw uñjasxta’ sasa.

Hageo 2:4

¡Zorobabel, ch'amañcht'asim! ¡Josué, sacerdotenakan jilïripa, jumas ch'amañcht'asirakim! Aka markankir jaqinaka, ch'amañcht'asipxam. Irnaqapxam, nayax jumanakampïsktwa. Naya, taqi ch'aman Tatituw arsta.

Zacarías 8:9

Taqi ch'amani Tatitux siwa: “Jumanaka, aka urunakan profetanakan arunakap ist'irinaka, ch'amañcht'asipxam, taqi ch'amani Tatitun utap wasitat sayt'ayañatak qallta qala uchantapkäna uka urutpach ist'irinaka.

Números 26:53

“Taqi aka jaqinakaruw uraqinak lakintäta, qawqha jaqinakatix qillqantatäki ukhamarjama.

Números 33:53

Uka uraqi katuntapxam, ukan utjantasipxam, nayaw jumanakar uka uraq katusxapxañamatak churapxsma.

1 Corintios 16:13

Suyapxapunim, iyawsañanakamansti ch'aman sayt'apxam, qamas katxatapxam, ch'amañchasipxarakim.

Efesios 6:10

Jichhasti jilatanaka, Tatitunkasin ch'amañchasipxam, jan atipjkay ch'amapampi.

Deuteronomio 1:21

Jumanakan Tatit Diosamaw aka uraqinak churapxtam, jichhasti mantapxamaya, awkinakaman Tatit Diosapan arsutaparjam utjantasipxam. Jan axsarapxamti janirak ch'amanakamsa jiwt'ayasipxamti’ sasa.

Deuteronomio 1:8

Nayaw taqi uka uraqinak amparamar katuyapxsma; jichhasti sarapxamay uka uraqinak katuntiri, naya Diosaw uka uraqinak Abrahamampiru, Isaacampiru, Jacobumpiru, jupanakat saraqir wawanakapampir churañatak juramentomp arsta’ sasa.

Deuteronomio 11:8

“Jumanakasti jichhürun churapksma uka kamachi arunakarux phuqhapxamaya, ukhamat ch'amañchasisin uka uraqinak katuntasipxañamataki,

Deuteronomio 31:23

Tatitux Nun chachan Josué yuqaparux aka iwxanak churäna: “Josué, ch'amañcht'asim, qamas katxatarakim, jumaw israelitanakar puriyäta, jupanakar churañ nayax arskta uka uraqiru, nayarakiw jumampïskä” sasa.

2 Timoteo 2:1

Jumasti wawaxa, Diosax Cristo Jesús tuqi munasiñap uñacht'ayktam ukamp ch'amañchasim.

Josué 1:18

Khiti jaqitix arunakamar jan ist'kani ukax jiwaniwa. Nanakax ch'amampi, chiqa chuymampi sayt'asiñamak munapxta —sasa.

Josué 1:7

Nayax ch'aman sayt'asiñamak maysma, ukatsti kuna kamachinaktix Moisés luqtirixax churktam ukanak phuqharakim. Kuntix uka kamachinakax siski ukanakat janipun maysar saranukumti, ukhamat taqi luräwinakamax sumaki sarañapataki.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Josué 10:25

ukatsti Josué chachax jupanakarux sänwa: “Jan axsarapxamti, janirak ch'amsa jiwt'ayasipxamti; jan ukasti wali ch'aman sayt'asipxam, Tatitusti jumanakan taqi uñisirinakamarux uka kipka lurarakini” sasa.

Josué 13:6

Naya Diosaw israelitanakan nayräxapat sidonio jaqinakarux jaqunukü, ukhamarak qullunakan jakapki ukanakarusa, Líbano chiqat qalltasa Misrefot-maim chiqakama. Jumasti jichhax israelitanakar uka uraqinak churañar uchasim, kunjämtix nayax sisksma ukhamar phuqhasa.

Josué 18:3

Ukat Josué chachax israelitanakarux säna: “¿Kunapachkamarak jumanakasti suyapxäta, nayra awkinakaman Tatitu Diosapax churapktam uka uraq katuntasiñatakisti?

Josué 21:43

Ukhamawa Tatitux Israel markaru taqi uka uraqinak churäna, kunjämtix nayra awkinakapar juramentompi arskatayna ukhamar phuqhasa, jupanakasti uka uraqinakan utjnuqtasipxäna, ukan jakasipxarakïna.

Josué 5:6

Israelitanakax pusi tunka mara wasaran sarnaqañkamax Egipto markat mistunkän uka nuwasir chachanakax taqiniw jiwarxapxatayna. Uka chachanakax janiw Tatiturux jaysapkänti, ukat Tatitux jupanakar kawkïr uraqtix nayra awkinakapar churapxämaw siskatayna uka uraqi jan uñjaykänti, lechesa misk'isa umjama jalaski uka uraqi.

1 Samuel 4:9

¡Filisteo soldadonaka, jan kun axsarasay wakichasipxam, ukatsti taqi chuymampi nuwasipxam, ukhamat israelitanakan t'aqhisiyata jaqinakapar jan tukuñasataki, kunjämtix jupanakax jiwasan t'aqhisiyatänxa ukhama!” sasa.