Josué 1:5 - Qullan Arunaka DC

⁵ Juman jakañamkamax janiw khitis atipjkätamti, nayasti kunjämatix Moisesamp chikäkäyät ukhamarakiw jumampïskä, janipuniw jumarux jaytanukkämati.

Aymar Bibliia 1986

⁵ Take jacañamansti janiw qhitis atipañ puedcätamti. Nayaw jumampïscä cunjämatejj Moisesampïcäyätjja uqhama; janipuniw jaytcämati ni apanuccaraquïmasa.

Qullan Arunaca

⁵ Take jacañamansti janiw qhitis atipañ puedcätamti. Nayaw jumampïscä cunjämatejj Moisesampïcäyätjja uqhama; janipuniw jaytcämati ni apanuccaraquïmasa.

Josué 1:5 Jak'a apnaqawi uñst'ayäwi

Génesis 39:2

Ukampis Tatituw Joseampiskäna, uywiripan utapan jakañapkamasti taqi kunas Joseatakix walikïskänwa.

1 Reyes 1:37

Kunjämtix Tatitux juma jach'a reyimpïkäna, ukhamarakïpan Salomonampixa, marka apnaqäwipsa juma reyixan apnaqäwipat sipan juk'amp jach'ar tukuypan —sasa.

1 Reyes 11:38

Jumatix ist'itäta kunanaktix luram siskäma ukanakaru, luräwinakamas naya nayraqatan chiqapäni, ukatsti kamachinakaxsa, kamachi arunakaxsa phuqharakïta, kunjämtix David luqtirixax lurkäna ukhamxa, nayax jumampïyäwa, jumat saraqir reyinakarusti ch'aman sayt'ayä, kunjämatix Davidan saraqirinakapar ch'aman sayt'aykta ukhama; Israel marksti jumaruw katuyäma.

1 Reyes 6:13

ukatsti nayax israelita jaqinak taypin jakä, janiw Israel markaxarux apanukkäti” sasa.

1 Reyes 8:57

“Jichhasti, Tatitu Diosax jiwasampïpan, kamisatix nayra awkinakasampïkän ukhama. Janipuni apanukustpanti, janirak jaytistpansa,

1 Crónicas 28:20

Ukhamasti Davidax Salomonarux sänwa: “¡Ch'amañchasim, ukatsti lurañarurak uskusim! ¡Jan mayjt'asimti, janirak axsaramsa, Tatitu Diosaxaw jumampïskani! Tatitux jupan utap lurañ tukuyañkamax janiw jaytjkätamti, janirakiw armaskätamsa.

Salmos 46:11

11 (12) ¡Taqi ch'aman Tatitux jiwasampïskiwa! ¡Arxatirisax Jacobun Diosapawa!

Éxodo 3:12

Tatitusti sarakïnwa: —Moisés, nayaw jumampiskä, naya pachpa jumar khithatax yatiñamatakisti, akäniw chimpuxa: Israelitanakar Egiptot irpsunxät ukapachasti, jumanakax taqiniw aka qullun nayar yupaychapxitäta —sasa.

Isaías 42:16

Juykhunakarusti jan uñt'at thakhinakanjam irpä. Jupanakan nayraqatapansti ch'amakxa qhanaruw tukuyä, qullunaksti pampa uraqiruw tukuyä. Taqi ukanaksti lurapunïwa.

Jeremías 1:8

Jan khitirus axsaramti, nayaw jumar imañatak jumamp chikt'atäskä. Naya Tatituw uk arsta” sasa.

Daniel (hebreo) 11:16

Atipir reyisti, atipjayasirinakampix kuntix munkani uk lurani, janiw khitis jupar saykatirix utjkaniti, kunanaktix thakhin jikxatkani taqi ukanaksa t'unjaskakiniwa, ukatsti Suma Uraqi satäki ukan qhiparxani.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

Romanos 8:37

Taqi akanakansti atipjirinakat sipansa juk'amp atipjirinakätanwa, khititix jiwasar munkistu jupa tuqi.

Deuteronomio 20:1

Moisesasti saskakïnwa: “Kunapachatix jumanakax uñisirinakamamp nuwasir sarantapkät ukapachaxa, janiw jupanakar axsarapxätati. Uñisirinakamax jumanakat sipan juk'amp ch'amanïskpasa, walja caballonakani, walja nuwasiñ carronakanïskpasa; Egipto uraqit irpsunipktam uka Tatit Diosamaw jumanakampïskani.

Deuteronomio 20:4

jumanakan Tatit Diosamaw jumanakampïski; jupaw uñisirinakamamp nuwasiskani, jupanakarux atipjapxarakïtawa’ sasa.

Deuteronomio 31:23

Tatitux Nun chachan Josué yuqaparux aka iwxanak churäna: “Josué, ch'amañcht'asim, qamas katxatarakim, jumaw israelitanakar puriyäta, jupanakar churañ nayax arskta uka uraqiru, nayarakiw jumampïskä” sasa.

Deuteronomio 4:31

Diosan suma chuymanïtap laykux janiw jaytanukupkätamti, t'unjapkätamsa, janiw awkinakamamp lurat arust'äwit armaskaniti, janirakiw arupampi arsuwayki ukanak phuqhañsa armaskaniti.

Deuteronomio 7:24

Reyinakaparus jumanakaruw katuyapxätam, ukatsti jumanakaw jupanakarux chhaqtayapxäta aka uraqin khitis jupanakat jan amtaskiri. Janiw jupanakat khitis jumanak nayräxan sayt'asirjamäkaniti, jumanakaw taqi jupanakarux jiwarayapxäta.

2 Timoteo 4:17

Ukampis Tatituw yanapt'itu, ch'am churarakitu, qhispiyasiñ arunak parlañaxataki, khitinakatix Tatitur jan uñt'apki uka jaqinakan ist'apxañapataki. Tatitux jiwañat qhispiyitu, leonan lakapatsa qhispiykitaspa ukhama.

Hebreos 13:5

Jan qullqirux munapxamti; qawqhatix utjapktam ukampix kusisitakïpxam, Diosasti siwa: “Janiw jaytjkämati, janirakiw armkämasa” sasa.

Josué 1:17

Kunjämtix nanakax Moisesar taqi kunan jaysapxäyäta, ukhamarakiw jumarux jaysapxäma. Nanakasti Tatitu Diosaman jumampïñap munapxta, kunjämtix Moisesampïkan ukhama.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Josué 10:8

Tatitusti Josué chacharux sänwa: “Jan jupanakar axsaramti, nayaw amparamar katuyaskäma, janirakiw jupanakat khitis saykatkätamti” sasa.

Josué 21:44

Tatitux arsutaparuw phuqhäna, ukatsti israelitanakaru taqi uka uraqpachan sumankañ churäna. Uñisirinakapax janiw jupanakarux saykatirjamäkänti, Tatituw uka uñisirinakarux atipjäna.

Josué 3:7

Tatitusti Josué chacharux sänwa: “Jichhürut uksarux israelitanakan nayraqatapan jach'aruw tukuyäma, ukhamat jupanakax nayan jumampïskatax yatipxani, kunjämatix nayax Moisesampïkäyät ukhama.

Josué 6:27

Tatitux Josué chacharux yanapänwa, sutipasti taqi uksa tuqinakan aytasïna.

Jueces 2:18

Tatitusti sapa kuti mä jilïrir sayt'aykän ukarusti yanapt'arakïnwa, uka jilïrin jakañapkamasti Tatitux israelitanakarux uñisirinakapan amparapat qhispiyäna, jupanakan art'asitapa, t'aqhisitanakap ist'asax khuyapt'ayasïnwa.

Jueces 6:16

Tatitusti sänwa: —Nayaw jumampiskä, madianitanakarux atipjätawa, kunjämtix mä sapa jaqiruki atipjkasma ukhama —sasa.

1 Samuel 10:7

Kunapachatix taqi ukanakax jumamp luraskani ukkhasti, kunatix amuyatamat walïki uk luraskakim, Tatituw yanapt'arakïtam.