Josué 1:4 - Qullan Arunaka DC

⁴ Jumanakarux wasarata, Líbano qullunakat qalltasa, Éufrates jach'a jawirkam churapxäma, hitita jaqinakan taqi uraqinakapa, Mediterráneo sat jach'a qutakama.

Aymar Bibliia 1986

⁴ Nayasti orakjja churapjjämawa wasara lugaratpacha, uqhamaraqui Líbano kollunaca, jach'a Eufrates sat jawircama, uqhamaraquiw churapjjäma hitita jakenacan take orakenacapa, intis jalantqui ucsa Mediterráneo sat jach'a kotcama.

Qullan Arunaca

⁴ Nayasti orakjja churapjjämawa wasara lugaratpacha, uqhamaraqui Líbano kollunaca, jach'a Eufrates sat jawircama, uqhamaraquiw churapjjäma hitita jakenacan take orakenacapa, intis jalantqui ucsa Mediterráneo sat jach'a kotcama.

Josué 1:4 Jak'a apnaqawi uñst'ayäwi

1 Reyes 10:29

Egipto markat apanit mä carron alapax suxta patak qullqïnwa, mä caballosti patak phisqa tunkan qullqirakïnwa. Hitita reyinakasa, sirio reyinakasa, Salomonan alakip lurir jaqinakapat carronaka caballonaka alasipxirïna.

1 Reyes 4:21

21 (22) Salomón reyix taqpach markanak apnaqäna, Éufrates jawirata, filisteonakan uraqipkama, Egipto uraqimpi qurpäki ukkhakama. Salomón reyin jakañapkamasti, taqi uka markanakax qullqi juparux churapxäna, juparurakiw jaysapxäna.

1 Crónicas 18:3

Davidax Hamat chiqana, Sobá markankir Hadad-ézer reyiruw atipjäna, kunapachatix jupax Éufrates jawir uraqinak katuntasir sarkatayna ukapacha.

1 Crónicas 5:9

Inti jalsu tuqirusti, Éufrates jawir chiqata wasarax qalltaski ukakama, uywanakapasti Galaad chiqan walipuniw mirantäna.

Esdras 4:20

Ukatsti, Jerusalén markan ch'aman reyinakan utjatapas uñstarakiwa, uka reyinakax Éufrates jawirata inti jalant tuqin utjir markanakxar munañanïpxänwa, khitinakarutix impuestonaka, kuna churañanakatix wakt'ki ukanak churapxirïna.

Éxodo 23:31

Uraqiman qurpanakapax akhamäniwa: Mar Rojo qutata, Mar Mediterráneo jach'a qutkama, ukatsti wasarata Éufrates sat jawirkama. Nayaw uka uraqinakan jakir jaqinakarux amparamar katuyäma, jumasti nayraqatamat jupanakar alisnuküta.

Deuteronomio 1:7

Jichhasti taqi yänakam apthapisxapxam, ukatsti amorreonakan qullunakaparu, jupanak jak'an utjir uraqinakar sarapxam: Arabá wasararu, qullu chiqanakaru, qhirwanakaru, Négueb pampanakaru, quta thiyanakaru, cananeonakan uraqiparu, Líbano uraqiru, Éufrates sat jach'a jawirar puriñkama.

Deuteronomio 11:24

Kawkharutix jumanakan kayunakamax takt'kani ukawjax jumanakankaniwa. Uraqinakaman qurpanakapax wasarat qalltasin Líbano uraqkamäniwa; ukatsti Éufrates jawirata Mar Mediterráneo jach'a qutakamäniwa.

Deuteronomio 3:25

Jordán jawir khurkatar makhatt'ayakitaya, khä suma uraqi uñjañ munta, khä suma qullunaksa, Líbano uraqsa uñjañ munarakta’ sasa.

Apocalipsis 9:14

Uka arusti trompeta phust'katayna uka suxtïr angelaruw säna: “Éufrates jawir thiyan chinuntatäkis uka pusi angelanakar antutnukxam” sasa.