Nahúm 1:7 - Qullan Arunaca

⁷ Tatitojj wali suma Diosawa, llaquisiñ horasansti arjjatasiriraquiwa; jupasti arjjataraquiw qhitinacatejj jupar iyawsapqui ucanacarojja.

Aymar Bibliia 1986

⁷ Tatitojj wali suma Diosawa, llaquisiñ horasansti arjjatasiriraquiwa; jupasti arjjataraquiw qhitinacatejj jupar iyawsapqui ucanacarojja.

Qullan Arunaka DC

⁷ Tatitux wali suma Diosawa, llakisiñanakan arxatasiriwa; jupar alkatirinakarux arxatarakiwa.

Nahúm 1:7 Jak'a apnaqawi uñst'ayäwi

1 Crónicas 16:34

“Tatitur yuspagarapjjam, jupasti sumawa, munasiñapasa wiñayataquiwa.

1 Crónicas 5:20

ucampis Diosajj jupanacarojj yanapänwa, agarenos, uqhamarac jupar jakcattata jakenacasa atipjatäpjjänwa, jupanacajj chica nuwasïwinwa Diosar mayisipjjäna jupanacar yanapañapataqui uca laycu. Diosasti jupanacarojj yanapänwa, jupar iyawsapjjatap laycu.

2 Crónicas 13:18

Uqhamawa qhä urunacanjja israelita jakenacajj jisc'achjatäpjjäna, Judá orakenquir jakenacasti wali ch'amaniwa tucupjjäna, jupanacajj nayra awquinacapan Tatit Diosapar iyawsapjjatap laycu.

2 Crónicas 32:11

Ezequiasatejj sapjjstam: ‘Tatit Diosasaw jupan amparapata khespiyistani’ sasajja, jumanacarojj c'arintasipctamwa, ucatsti jumanacarojj mank'ata, umata jiwarañataquiwa nuct'asipctam.

2 Crónicas 32:21

Ucatsti Tatitojj mä ángel qhitanïna ucatsti tucjänwa take soldadonacaru, capitananacaru, uqhamarac asirianquiri reyin campamentopana jilïrinacaparusa. Ucatsti Senaquerib reyejj wali p'enkasiñampi phokt'atawa orakeparu cutt'awayjjäna. Ucatjja cunapachatï diosapana temploparu mantcäna ucqhawa jupan pachpa yokanacapajj jupar jiwayapjjäna.

2 Crónicas 32:8

Jupasti jakenacan ch'amapampiquiwa, ucampis Tatitu Diosasaw jiwasampïsqui, nuwasïwinacasana jiwasaru yanapt'añapataqui” sasa. Ezequías reyin arunacap ist'asinjja, jakenacajja ch'amañchasipjjänwa.

Esdras 3:11

Mayninacajja yupaychaña k'ochunacwa k'ochupjjäna, mayninacasti sapjjaraquïnwa: “Tatiturojj yuspagarapjjam, jupajj asquiwa, uqhamarac munasiñapas Israel marcapataquejj wiñayataquiwa uca laycu” sasa. Ucatsti take marcpachawa cusisiñata art'apjjäna, uqhamarac Tatiturus yupaychapjjaraquïna, Tatitun templopa lurañanjja kalltasitap laycu.

Salmos 1:6

Tatituw asqui jakenacan sarnakäwip yati, ñankha lurir jakenacan thaquipasti aynacht'añaruw puriyi.

Salmos 100:5

Tatitojj munasiñaniwa, qhuyapayasiñapajj wiñayawa, cheka cancañapasti jan tucusquiriwa.

Salmos 20:1

Tatitojj llaquisiñaman jumarojj ist'pan, Jacobon pachpa Diosapajj jumar arjjatpan;

Salmos 25:8

Tatitojj asquiwa, chekaparaquiwa, jupaw jucharar jakenacarojj asqui thac uñachayi;

Salmos 27:5

Jan walt'añ urunac purincan ucapachajj, Tatituw utapan imantitani; ch'iwipampiw imjjäsitani; mä karka patjjaruw sayt'ayitani,

Salmos 37:39

Asqui jakenacajj Tatitut yanap catokapjje, juparaquiw jan walt'añ urunacan arjjatiripajja.

Salmos 37:40

Tatituw jupanacar khespiñ yanapi, khoru jakenacan amparapat jaltayi, khespiyaraqui, jupar takpach chuymamp thakapjjatap laycu.

Salmos 46:2

Uca laycuw jan ajjsarapcañäniti, orakes qhathatiscpan, kollunacas lamar kotar tincuntascpan,

Salmos 50:15

llaquincasin jawsanita; nayajj khespiyämawa, jumasti jach'aruw aptitäta” sasa.

Salmos 59:16

Nayasti willjtaw jumarojj k'ochüma, munasiñamampita, ch'amamampit yatiyä. Jumaw nayan arjjatirejjätajja, jumaw llaquisiñajjan imantasiñajjätajja.

Salmos 71:3

Jumay nayan arjjatir karkajjäma, jumarac imantasiñ jach'a utajjäma, jumaw karkajjätajja, jach'a utajjätasa.

Salmos 86:7

llaquisiñajjan jumar art'asinsma, juman ist'asirïtam laycuw mayisinsma.

Salmos 9:10

Tatay, sutim yatirinacajj jumaruw iyawsapjjtam, jumar thakerinacarojj janipuniw apanucctati.

Salmos 91:15

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Proverbios 18:10

Tatitun sutipajj imantasiña jach'a torrer uñtatawa, asqui jakenacajj jupan ucar imantasiñataqui jutapqui ucanacataquejja.

Isaías 25:4

Jumajj pobrenacan arjjatiripätam laycu, qhititejj aynacht'atäqui ucarus arjjataractawa, jan walt'añanjja jumaw arjjattajja lupinsa jumaw ch'iwiñcht'aractajja. Khoru jakenacan samananacapasti thaya horasan jach'a thayar uñtatawa,

Isaías 32:2

Sapakata jupanacasti thayat imantasiñjama samaräwïniwa, jach'a mathapi thayatsti jupajj imaniwa, waña oraken uma irpañ k'awanacjama, wasaran mä jach'a kalan ch'iwipäniwa.

Isaías 50:10

Jumanaca qhitinacatejj Tatitur jach'achapjjta ucanacajja, sirviripan arunacapsa ist'apjjaracta, inas ch'amacan sarnakapjjsta, jan mä jisc'a khanani, Tatitur take chuyma iyawsapjjam, Diosamaruraqui jaysapjjam.

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jeremías 17:17

Jan nayataquejj ajjsarcaña tucumti, jan walt'aña horasajjansti nayan arjjatirejjätawa.

Jeremías 24:5

“Naya, Israelan Dios Tatitupaw arsta: Judá marcarojj suma higo achunacarjamaw uñtäjja, caldeonacan orakeparu jupanacjja apanuccäyäta ucata. Jupanacarusti sumpunwa uñtaniraquëjja.

Jeremías 33:11

cusisiña k'ochunacaw ist'asini, casarasirin k'ochunacapaw ist'asini, ucatsti sapjjaraquiniwa: ‘Take ch'amani Diosaru yuspagarapjjam, Tatitusti sumawa, munasiñapas wiñayataquiraquiwa’ sasa. Templorusti yuspagaraña ofrendanac apanipjjaraquini. Jïsa, nayaw asquiru tucuyä aca marcan sarnakäwipjja. Cunjämäcäntejj kalltanjja uqhamäñapataqui. Naya Tatituw ucjja arsta.”

Lamentaciones 3:25

Tatitojj asquiwa jupar iyawsirinacataquejja, qhitinacatejj juparu jac'achasipqui ucanacataquejja.

Daniel (hebreo) 3:28

Ucapachaw Nabucodonosor reyejj jach'at arsüna: “Sadrac, Mesac, uqhamaraqui Abed-nego sisqui uca jakenacan Diosapajj yupaychatäpan, jupaw angelap qhitani aca sirvirinacaparu khespiyañapataqui, jupanacasti janiw reyin arsutapjja phokhapcaraquïnti, jiwañataquisa janc'aquïpjjaraquïnwa, janiraquiw yakha diosanac nayrakatarus quillt'asiñ munapcänti, jan ucasti Diosap nayrakataruquiwa quillt'asipjjänjja.

Daniel (hebreo) 6:23

Uqhamasti reyejj walpun cusisïna, ucatsti Daniel chacharu leonanacan putupata apsjjapjjañapataquiw mayiraquïna. Apsjjapjjän ucapachasti janiw cuna usuchjatsa jicjjatapcänti, Daniel chachajj Diosaparu catuyasitap laycu.

Joel 3:16

Cunapachatejj Tatitojj jach'a arupa Sión kolluna, uqhamarac Jerusalenan ist'asiyi ucqhajja, alajjpachas, acapachas qhathatiwa. Ucampis Tatitojj israelitanacan arjjatiripawa, jupanacajj marcapäpjjatap laycu.

Sofonías 3:12

Nayasti jumanac taypirojja llamp'u chuymani, asqui jakenaca jaytawayä, cawquïrinacatï nayan sutejjaru iyawsapcani ucanaca.

Mateo 27:43

Niyaquitejj Diosar wal catuyaschejja, jichhajj Diosajj juparojj khespiypanaya, juparojj chekapun munchi ucajja. Jupasti: ‘Diosan Yokapätwa’ saraquisä,” sasa.

Mateo 7:23

Ucapachasti nayajj jupanacarojj saraquïwa: ‘Janipuniw jumanacarojj uñt'apcsmati, nayat jithektapjjet jan wali luririnaca’ sasa.

Juan 10:14

“Nayätwa suma awatirejja; ovejanacajjsti uñt'asiractwa, ovejanacajjasti nayarojj uñt'asiraquituwa.

Juan 10:27

Nayan ovejanacajjajj arojj uñt'iwa, nayasti uñt'aractwa, jupanacasti arcapjjaraquituwa.

Romanos 11:22

Uñtamaya cunja sumas Diosajja, ucampis khoruwa chekaparaquiwa. Jumasti janiw jupat jithektañamäquiti, jan ucajj jumajj qhuchhokataraquïyätawa.

Gálatas 4:9

Ucampis jichhajj Diosarojj uñt'jjapjjtawa, Diosajj jumanacarojj uñt'jjapjjaractamwa. ¿Cunjämsa wasitampi cutt'apjjasma uca pisi ch'amani amuyunacarusti, wasitampiti uca sarnakäwinacan esclavonacapa tucuñ munapjjta?

2 Timoteo 2:19

Ucampis Diosajj mä suma jan onjjtcaya kalltäwi uscuwayi, ucasti ucanjja aqham sas kellkantatawa: “Tatitojj uñt'iwa jupanquirinacarojja”; uqhamaraqui: “Take qhitinacatejj iyawsirïpqui ucanacajja take jan wali luräwinacatjja jithektañapawa” sasa.