Nahúm 1:8 - Qullan Arunaca

⁸ Ucampis Tatitojj jupa contra sayt'asipqui ucanacarojj walja umjamaw k'al tucjasa aparaqui; ch'amacasti uñisirinacaparojj muyuntaraquiniwa.

Aymar Bibliia 1986

⁸ Ucampis Tatitojj jupa contra sayt'asipqui ucanacarojj walja umjamaw k'al tucjasa aparaqui; ch'amacasti uñisirinacaparojj muyuntaraquiniwa.

Qullan Arunaka DC

⁸ Ukampis Tatitux jupar saykatirinakarux walja umjamaw q'al tukjas aparaki; uñisirinakaparusti ch'amak manqhakamaw arktaraki.

Nahúm 1:8 Jak'a apnaqawi uñst'ayäwi

Job 30:15

Nayjjarusti ajjsarañaw liwjjattitu, nayan jake cancañajjasti mä thayjamaquiw sarawayjje, kamir cancañajjasa, kenayjamaquiw chhaktawayjje.

Job 40:11

Take jach'a jach'a tucuri jakenacaru uñtam: cunjämtejj munta uqhamaru colerasiraquim, ucatsti ucanacarojj jisc'achjaraquim.

Proverbios 4:19

Ucampis jucha lurir jakenacan sarnakäwinacapasti ch'amacaquiwa; ¡janiw yatisipquiti cunar lanctapjjatapsa!

Isaías 13:10

Warawaranacasti janiw juc'ampi alajjpachanjja khancjjaniti, intis jalsuncasaraquiw ch'amact'jjani, phajjsis janiraquiw juc'ampi khancjjaniti.

Isaías 13:9

Tatitun urupajj purinjjewa, ajjsarcañ uruwa, colerasiñampi phokhantataraquiw naqhi, aca orakerusti ch'usa wasara tucuyaraquini, uqhamaraqui jucharar jakenacarus tucjaraquiniwa.

Isaías 28:17

Uca utachäwinsti plomadajj chekapapuniwa, nivel lantisti cunatejj chekapäqui ucaw apnakaraqui.” Jumanacajj c'arisiñanacaman imantasipctas ucsti, chhijchhiw k'al tucj-jjani, uca imantasiñ cheksti umaw k'al apasjjani.

Isaías 28:18

Jiwañampi arust'asitapasti ina ch'usaru tucuyatäniwa, jiwirinacan utjañ chekampi arust'asitapasti ina ch'usaruw tucuni. Uca ajjsarcañ jach'a jan walt'añaw jutani, ucasti jumanacarojj k'al tucjapjjätam.

Isaías 28:2

Tatitojj jumanacataquejj mä ch'amani jake suyayasipctam, wali ch'amaniwa chhijchhi asot'ir uñtata, take cun tucjir thayjamawa, wali umani purir jalljamaraquiwa, umajj pampanacar chhaktayquis uqhamawa. Amparapampiw oraker willitatani,

Isaías 8:22

ucatsti orakeruw alintapjjaraquini, ucansti aynacht'añampi, ch'amacampicwa jicjjatapjjani, ch'iyar arum ch'amacampi llaquisiñanacampi. Take cunwa arum ch'amacajj chhaktayani. T'akhesiyat jakesti janiw jaltañataquejj ch'amanïcaniti.”

Jeremías 13:16

Tatitu Diosamarusti jach'achapjjaraquim, janïra jupajj ch'amaca puriyanquipana, ucat jumanacajj ch'amaca kollunacan liwirtapjjaraquisma; janïra jupajj ch'amacaru tucuyquipana, jach'a jathi ch'amacaru tucuyquipana, cawquïri khantejj jumanacajj suyapcäyäta uca.

Jeremías 51:64

saraquïtawa: ‘Aqhamaw Babiloniajj aynacht'ani, janiraquiw mayampi cuna aynacht'äwtejj Tatitojj apayancani ucatjja sartcjjaniti’ ” sasa. Aqharuw Jeremiasan arunacapajj tucusjji.

Ezequiel 13:13

Ucatpï naya Tatitojj sistjja: Colerasiñajjanjja nayajj mä jach'a thaya thayt'ayanï, jach'a colerasiñajjansti, walpunwa jalljja puriyanëjja, uqhamaraqui chhijchhis kalanacjamaw puriniraquini, take cunsa wali colerasiñampi t'unjañapataqui.

Daniel (hebreo) 11:10

“Ucampisa amstanquiri reyin yokanacapasti guerrasiñataquejj mä jach'a ch'amani ejército sartayapjjaraquini. Uca yokanacapatjja mayniw aynach toker jutantani, uca marcaru catuntañataqui t'unjayañataqui, cunjämatejj jawir umajj walja mantejj uqhamaw soldadonacapajj mantanipjjaraquini, ucatsti wasitatwa aynach tokenquiri reyin utaparojj nuwantapjjaraquini.

Daniel (hebreo) 11:22

Qhitinacatejj jupataqui sayt'apcani ucanacarusti k'alwa t'unjaraquini, arust'äwiru mantatäcän ucan jilïriparusa jiwayaraquiniwa.

Daniel (hebreo) 11:40

“Cunapachatejj tucuyan horasapajj purinjjani ucapachasti, aynachanquir reyejj amstanquir reyirojj nuwantaraquiniwa; ucampisa uca amstanquir reyejj mistunisinjja, mä jach'a thayäcaspas uqhamaw aynachanquir reyi tokejj sartaraquini, uca marcsti guerran nuwasiñ carronacampi, caballeriampi, walja soldadonacampi, walja barconacampiw chhaktayaraquini.

Daniel (hebreo) 9:26

Sojjta tunca payani semananaca pasatatsti, Tatitur catuyata jach'a jilïriruw jiwayapjjani. Jerusalén marcampi templompisti t'unjataw uñjasiraquini, cawquïri reyitejj jutcani ucanacan jakenacapaw t'unjaraquini. Tucuyäwisti janc'aquiw purinini, walja umanacjama, tucuycamawa nuwasiñanacasa, t'unjatäñasa utjaraquini, cawquïrinacatejj uqhamäñapatac arsutäqui ucanaca.

Amós 8:8

Uqhamïpanjja, ¿janit orakesti qhatatcanejja? ¿Janit take jakenacasti jachapcanejja? Cunjämatï Nilo jawiranjj umajj jiljjataraqui wañakaraqui, uqhamaraquiw orakejj uñstani, chhaktaraquini.

Nahúm 1:1

Aca yatiyäwisti Nínive marcaru apayatawa, Elcosanquir Nahuman unañchäwi uñjatapa libroraquiwa.

Nahúm 2:8

Cunjämatejj uma chacatajj phallejja, uqhamaw Nínive marcan utjirinacajj jaltjjapjje. ‘¡Suyt'apjjam! ¡Cuttanipjjam!’ sasaw art'apjjaraqui, ucampis janiw maynis cuttanquiti.

Sofonías 2:13

Jupasti alay tokeruw amparapa loktaraquini, Asiria marcar t'unjañataqui, Nínive marcarusa jan jakenwa tucjaraquini, mä waña oraker tucuyasaraqui.

Mateo 7:27

Jallu purintatapatsti jawiranacaw wal sartani ucamp chicasti waliraquiw thayajj thayt'ani uca utarojja. Uca utasti tincuwayjjaraquiwa, ch'alla patar utacht'atätap laycu. ¡Uca utan tincutapasti wali llaccañawa!”

Mateo 8:12

Ucampis qhitinacatejj uca suma marcancañapäqui ucanacajja, anka ch'amacaru jakonucutäniwa; ucanwa wararipjjani, laca ch'acsa t'urusipjjaraquini —sasa.

1 Samuel 2:9

Jupaw asqui jakenacan sarnakäwipjja uñjasqui, ucampisa ñankha jakenacajj ch'amacanwa jiwarapjjani, janiraquiw qhitis ch'amapampiquejj atipcaspati.