Proverbios 30:5 - Qullan Arunaca

⁵ Tatitojj jupar iyawsirinacarojj imiwa; jupan arsutanacapasti chekapawa.

Aymar Bibliia 1986

⁵ Tatitojj jupar iyawsirinacarojj imiwa; jupan arsutanacapasti chekapawa.

Qullan Arunaka DC

⁵ Tatitux jupar iyawsirinakarux imiwa; jupan arsutanakapasti chiqapawa.

Proverbios 30:5 Jak'a apnaqawi uñst'ayäwi

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

2 Samuel 22:31

“Diosan thaquipajj chekapawa, Tatitun arsutanacapajj take chuymamp iyawscayawa, ¡Diosajj jupar take chuymamp alcatirinacarojj imascapuniwa!

Salmos 119:140

Arsutamajj wali yant'ataw uñjasi, uywatamasti arsutamaruw munasi.

Salmos 12:6

Tatitun arsutanacapajj chekpachawa, ninamp pakallk cuti k'omachat kollker uñtatawa.

Salmos 144:2

jupaw nayan asqui lurirejjajja, imantasiñ pucarajjasa, khespiñatac waquichat uyusa, jarc'akasiñajjasa, imantasiñajjasa, juparaquiw marcanacar nayamp apnakayirisa.

Salmos 18:2

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Salmos 18:30

Diosan thaquipajj chekapawa, Tatitun arsutanacapajj take chuymamp iyawscayawa, Diosajj jupar take chuymamp alcatirinacarojj imascapuniwa.

Salmos 18:31

¿Qhitirac Tatitut sipan yakha diosast utjisti? ¿Qhiti diosarac jiwasanacar arjjatirist utjisti?

Salmos 19:8

Tatitun camächit arunacapajj chekapawa, chuymar cusisiyiriwa; Tatitun arsutanacapajj k'omawa, nayranacar khan chuririwa.

Salmos 3:3

Ucampis Tatay, jumaw nayan arjjatirejjätajja, jumaw jach'ar aptirejjätajja, jumaraquiw ch'amañchirejjätasa.

Salmos 84:11

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui.

Salmos 91:2

Tatiturojj siwa: “Jumätaw imantasiñajjajja, jarc'akasiñajjasa, Diosajjay, jumaruw takpach chuymamp alcatsma” sasa.

Proverbios 2:7

Tatitusti cheka, asqui jakeruwa yanapi, arjjataraqui, qhitinacatejj cheka jan pantjasis jacapqui ucanacaru.

Proverbios 29:25

Jakenacar ajjsarañajj sipitar uñtatawa, ucampis qhititejj Tatitur iyawsqui ucawa imatäni.

Romanos 7:12

Ucampis uca leyejj chekpachansa kollanawa, camachisti kollanaraquiwa ucatsti asquiraqui sumaraquiwa.

Santiago 3:17

Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje.