Proverbios 30:4 - Qullan Arunaca

⁴ ¿Qhitis alajjpacharu maqhati, sarakanisa? ¿Qhitis thayarojj amparapar k'apjjäsispajja? ¿Qhitis lamar kotarojj isipampi llawuntaspajja? ¿Qhitis oraken korpanacapjja utt'ayejja? ¿Jumajj yattati jupan sutipjja, uqhamarac wawapan sutipsa?

Aymar Bibliia 1986

⁴ ¿Qhitis alajjpacharu maqhati, sarakanisa? ¿Qhitis thayarojj amparapar k'apjjäsispajja? ¿Qhitis lamar kotarojj isipampi llawuntaspajja? ¿Qhitis oraken korpanacapjja utt'ayejja? ¿Jumajj yattati jupan sutipjja, uqhamarac wawapan sutipsa?

Qullan Arunaka DC

⁴ ¿Khitirak alaxpachar makhatasin saraqanisti? ¿Khitirak thayar amparapar q'apxäsispasti? ¿Khitirak lamar qutar isipampi llawuntaspasti? ¿Khitirak uraqin qurpanakap utt'ayisti? ¿Jumax sutip yattati, wawapan sutipsa yatiraktati?

Proverbios 30:4 Jak'a apnaqawi uñst'ayäwi

Génesis 32:29

—Jichhajj jumajj saraquita, ¿cunas sutimajja? —sasaw Jacobojj jisct'araquïna. Ucampisa uca jakejj saraquïnwa: —¿Cunataquis sutejj yatiñ munta? —sasa. Ucatsti uca jakejj ucqhanpachwa Jacoborojj bendisjjaraquïna.

Job 11:7

“¿Jumasti amuytati Diosan jach'a amtäwinacapar mantaña, ucatsti cunäquitejj jupajj uca yatiñsa?

Job 11:8

¿Cunraqui lurasma Diosan amtäwinacapatejj alajjpachat sipansa juc'ampi jach'äqui ucasti? ¿Cunarac jumasti yattasti, Diosan amtäwinacapatejj mic'ayats juc'ampi mankhächi ucapachasti?

Job 26:8

Jupaw umanacjja kenayaru apjjäsiraqui, kenayanacasa janiraquiw uca jathi umampejja phallapquiti;

Salmos 135:7

Orak tucusitpach kenayanac sartayi, khejjokhejjonacampiw jallu purjjatayi; utjäwinacapat thayanacarojj antutnucu.

Salmos 2:7

Tatitun arsutap yatiyä: Jupajj situwa: “Jumaw nayan wawajjätajja: jichhüruw jumarojj jacañ chursma;

Salmos 22:27

Takpach jakenaca, takpach marcanaca, acapach tucuscam jaquir jakenaca: Tatitut amtasipjjam, jupar maqhatjjapjjam; nayrakatapar konkort'asipjjam.

Salmos 24:2

Jupaw aca orakerojj lamar kotjjar utt'ayi, jupaw jawiranacjjarojj utt'ayaraqui.

Salmos 68:18

Diosay, alajjpacharuw maqhattajja, catuntat jakenac anaquisa; churäwir uñtat jakenac catokastajja. Tatay, jumar kallcatir jakenacamppachaw jumar maqhatjjapjjtamjja.

Éxodo 15:10

Ucampis jumajj may phust'asaw kotampi chhaktaytajja, jupanacasti plomo sat metaljamaw uma mathapi mankherojj chhakhantawayjjapjje.

Éxodo 6:3

Nayawa uñsttjja Abrahamaru, Isaacaru, Jacoboru, take ch'aman Dios sat sutimpi. Ucampis nayajja jupanacarojj TATITU sat cheka sutejjampejj janiw uñt'ayascti.

Isaías 45:18

Alajjpach lurirejja, qhititejj Diosäqui, Tatitücaraqui ucawa, qhititejj aca orake lurqui sayt'aycaraqui, qhititejj uchqui jan ch'usäñapataqui, jan ucasti jakenïñapataqui lurqui ucajj, siwa: “Nayätwa, Tatitojja, janiraquiw yakhajj utjquiti.

Isaías 53:8

Jan cheka uñjäwimpiw apasipjjäna, janiraquiw qhitis juparojj arjjatascänti, janiraquiw qhitis jupatjja llact'ascänti. Aca oraketjja jiq'inucupjjänwa, marcajjan juchanacap laycuraquiw juparojj jiwayapjje.

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

Jeremías 23:6

Uca reyin apnakañapcamasti Judá orakejj khespiyatäniwa, Israelas take jan walit jarc'akataw jacasini. Aca sutimpiw sutichapjjaraquini: ‘Tatituw jiwasan atipjirisajja’ ” sasa.

Mateo 11:27

“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.

Lucas 10:22

“Awquejjajj take cunwa nayarojj catuyjjetu. Janiw qhitisa yatquiti Yokan qhitïtapsa, jan ucasti Awquiquiw yati, uqhamarac qhitinacarutï Yokajj uñt'ayañ munqui ucanacaraqui.”

Juan 3:13

Janiw qhitis alajjpacharojj maqhatquiti, jan ucasti qhititejj alajjpachat sarakanqui ucaquiwa, ucasti Jaken Yokapawa, [alajjpachancaraquiwa].

Romanos 10:6

Ucampis cunjämtejj Diosampi catokatäcaspa iyawsäwi toke ucatjja aqham siwa: “Jan chuymamanjja samti ¿qhitirac alajjpach marcarusti maqhatani? sasa, ucasti Cristo sarakayaniñataquiraquiwa.

Deuteronomio 28:58

“Jumatejj jan ist'cäta ni aca libron kellkat yatichäwinacarjamasa sarnakcaraquïta, ni ajjsartcaraquïtasa aca jach'a cancañan, ajjsarcaya Diosaman sutiparusa,

Deuteronomio 30:12

Janiw alajjpachanccaraquisa, juman sañamataquejja: ‘Qhitis alajjpacharu maqhataspa jiwas lanti, ucatsti apakanispa, jiwasaru uñacht'ayañataqui uqhamaru sarnakañataqui’ sasa.

Apocalipsis 19:12

Nayranacapajj ninar uñtataw khanäna, p'ekeparusti walja coronanacampi asjjatataraquïnwa, ucatsti mä sutimpi kellkt'ataraquïnwa, uca sutsti jupa sapaquiraquiw yatïna.

Jueces 13:18

Ucat angelajj saraquïnwa: —¿Cunataquisa jumajj sutejja yatiñ munta? Muspharcañawa jan yatiyañjama —sasa.