1 Samuel 30:6 - Qullan Arunaca

⁶ Davidasti wali llact'ataw jicjjatasiraquïna, jakenacapasti juparojj kalampiw c'upjaña munapjjaraquïna, takenisa wali mayjt'ataraquïnwa, cunatejj wawanacaparu pascatayna ucanacata. Ucampisa jupajj Tatitu Diosaparuw confiasiraquïna.

Aymar Bibliia 1986

⁶ Davidasti wali llact'ataw jicjjatasiraquïna, jakenacapasti juparojj kalampiw c'upjaña munapjjaraquïna, takenisa wali mayjt'ataraquïnwa, cunatejj wawanacaparu pascatayna ucanacata. Ucampisa jupajj Tatitu Diosaparuw confiasiraquïna.

Qullan Arunaka DC

⁶ Davidasti wali llakt'ataw jikxatasïna, jaqinakasti qalampiw juparux k'upjañ munapxäna, wawanakapar ukham apapxatapatxa taqiniw wali mayjt'atäpxäna. Ukampis Davidax Tatitu Diosaparuw katuyasïna,

1 Samuel 30:6 Jak'a apnaqawi uñst'ayäwi

Génesis 32:7

Jacobosti uc ist'asinjja, wal ajjsaräna, wali mayjt'ataraquiw suyt'äna. Ucatsti jupampïpcäna uca jakenacsa, ovejanacsa, vacanacsa, camellonacsa payaruw jaljtayäna,

2 Samuel 17:8

Jumajj asquiw yattajja, awquimampi uqhamaraqui cawquïri jakenacatejj jupampi chicäqui ucanacasti wali ch'amani chachanacawa, janiraquiw cunsa ajjsarapquiti, jichhasti wali coleratapunïsipcpachawa, cunjämatejj mä osa animalajj wawanacap apakatajj wali coleratajj uqhama. Uqhamarus juman awquimajj guerran nuwasir jakeraquiwa, arumajj janiraquiw mayni jakenacamp chicäpcpachati.

2 Reyes 4:27

Ucatsti kolluruwa puripjjäna, cawqhanccäntejj Eliseojja ucqharu, ucatjja profetan cayupatwa khomthapisïna. Giezi uywatapasti jac'achasïnwa warmir apakañataqui, ucampis Eliseojj sänwa: —Suyt'aquim, jupajj wali llaquitawa, ucampis Tatitojj jichhacamajj janiw yatiyquituti cuna pasatapsa —sasa.

Job 13:15

Jupajj nayaru jiwayirjamacchini ucasa, arsusiscaquïwa, ajanuy ajanuw jupa nayrakatan arsusiraquëjja.

Salmos 116:10

Wali llaquisiñan uñjascasasa, iyawsañajjajj utjascaquïnwa.

Salmos 138:3

Art'asinsma ucapachajj ist'istawa, almajjarusti ch'am yapjjatarapista.

Salmos 18:2

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Salmos 18:6

Llaquisiñajjan Tatitur art'asta, Diosajjat yanap mayista: jupasti templopatpach ist'anitu, arnakasitajjajj jinchupcamaw puri.

Salmos 25:17

chuymajjajj juc'ampipuniw llaquisi, take llaquinacajjat irpst'asita.

Salmos 27:14

Tatitur takpach chuymamp iyawsam, ch'amañchasim, jan ajjsaramti, ¡Tatitur takpach chuymamp iyawsam!

Salmos 31:24

Tatitur suyt'irinaca, ch'amañchasipjjam, jan ajjsarir chuymanïpjjaraquim.

Salmos 42:11

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw cusisiñajjasa, Diosajjasa!

Salmos 42:5

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw khespiyirejjasa, Diosajjasa!

Salmos 42:7

Mic'ay mankhanacatpach ist'asi, uma waraktaman khothutinacapajja; juman apayanit llojjma uma waraktanacajj, naya patjja llumiquipi.

Salmos 56:11

Diosaruw take chuymamp alcatta, janiw cunarus ajjsarcti: ¿Camächaraquitan jakesti?

Salmos 62:1

Dios sapanac ajayojjajj samarañ jicjjati, khespiyasiñajjajj jupat juti.

Salmos 62:5

Nayajj Dios sapanac samarañ jicjjatta, suyt'añajjajj jupat juti.

Salmos 71:4

Diosajjay, ñankha lurir jaken amparapat khespiyita, jake jiwayirin amparapata, khoru jaket jarc'aketa;

Salmos 71:5

Tatay, jumaw nayan suyt'añajjätajja, wayna cancañajjatpach alcatañajjätasa.

Éxodo 17:4

Ucatsti Moisesajj, Tatituruw arnakäna: —¿Cunsa luräjja aca marcampejja? Acat mä juc'ampirojja kalampi c'upjasawa jiwayapjjetani —sasa.

Proverbios 18:10

Tatitun sutipajj imantasiña jach'a torrer uñtatawa, asqui jakenacajj jupan ucar imantasiñataqui jutapqui ucanacataquejja.

Isaías 25:4

Jumajj pobrenacan arjjatiripätam laycu, qhititejj aynacht'atäqui ucarus arjjataractawa, jan walt'añanjja jumaw arjjattajja lupinsa jumaw ch'iwiñcht'aractajja. Khoru jakenacan samananacapasti thaya horasan jach'a thayar uñtatawa,

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jonás 2:2

aqham sasa: “Tatay, llaquisiñajjanwa jumaru art'assma, ucatsti jaysistawa. Jiwaña mankhetpachwa jumar art'assma, jumasti ist'istawa.

Números 14:10

Uqhamäquipansa, jakenacajj kalampiw jupanacar c'upjañ munapjjäna. Ucatwa Tatitun jach'a cancañapajj uñstäna, Jiquisiñ Carpana, take jaken uñjcata.

Mateo 21:9

Nayrakat sarapcän uca jakenacasti, uqhamarac khepat arcasipcän ucanacasa art'añ kalltapjjäna: “¡Jach'achatäpan rey Davidan Yokapajja! ¡Bendicitäpan Tatitun sutipar jutirejja! ¡Diosajj Jach'achatäpan!” sasa.

Mateo 27:22

Pilatosti jupanacarojj wasitata jisct'äna: —¿Cunarac lurästi Jesusampisti, qhititejj Cristo satäqui ucampejja? —sasa. Ucarojj takeniw mayac sapjjäna: —¡Ch'accatatäpan! —sasa.

Juan 8:59

Uc ist'asinjja Jesusarojj kalampiw c'upjañ munapjjäna, ucampis jupajj imantasisin templot mistuwayjjäna; jupanac taypi pasasinsti, sarawayjjaraquïnwa.

Romanos 4:18

Abrahamajj janis cun suyt'cchïna ucasa, iyawsatap laycuwa uca suyt'äwipajj phokhasïna, uqhamatracwa walja jakenacan awquipajja, cunjämtï Diosajj juparu siscatayna ucarjama: “Juman wawanacamajj uqhamäniwa” sasa.

Romanos 4:20

Janiw pächascänti Diosan arsutapatjja, ucampis juc'ampwa ch'amañchasïna, iyawsañapasti juc'ampïnwa, Diosarusti yupaycharaquïnwa,

Romanos 8:31

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

2 Corintios 1:6

Ucatpï nanacajj jumanacan chuymachäwi, uqhamarac khespiyasïwi catokapjjañamataqui t'akhesipjjtjja. Diosatejj chuymachapjjchitu ucajj jumanacan chuymachatäpjjañamataquiwa, khespiyatäpjjañamataquiraqui, uqhamat jumanacajj wali ch'amampi t'akhesipjjañanacamataqui.

2 Corintios 4:8

Jan walt'añanacajj take toket muyuntapcchitu ucqhasa, janipuniw atipjayasipcti, llaquisiñanacas wal utjcchejja, janipuniw k'ala aynacht'atäpcti.

2 Corintios 7:5

Macedoniar purinipcta ucqhatpachjja janiw samarapcti, jan ucasti take chekana ucqhan, acqhana jan walt'añanacjja jicjjatapjjta. Nanacarusti jan walt'añanacaraquiw muyuntapjjetänjja, chuymanacajjansti ajjsarañanacaraqui.

Hebreos 13:6

Uqhamajj jichhajja, take iyawsañampiw arssnajja: “Tatituw yanapt'irejjajja; janiw cuntejj jakejj lurquitaspa ucjj ajjsarcäti” sasa.

Jueces 18:25

Ucampis danitanacajj sapjjaraquïnwa: —Jan uqhama arnakapjjestati, ucataraqui nanacata maynisa colerasisinjja nuwapjjeristam, uqhamatwa jiwapjjasma jumasa uqhamarac familiamasa —sasa.

Jueces 20:22

Ucat israelitanacajj Betel marcaru sarasinjja Diosan nayrakatapanjja arumcamawa jachapjjäna. Jisct'apjjaraquïnwa wastatampi sarapjjaspati Benjamín sat tribunquir jilanacapampi nuwasiri janicha uca. Diosasti saraquïnwa: “Sarapjjam wastat nuwasiri” sasa.

1 Samuel 1:10

Anasti jacht'asisa, chuymapansa wali mayjt'ataw, Tatitut mayisïna,

1 Samuel 23:16

Mä urusti Saúl reyin Jonatán yokapasti, Davidar uñjiriw saräna, Hores chekaru, uqhamarac chuymacht'iri, ch'amacht'iriraqui, Diosaru confiasiñapataqui.

1 Samuel 28:15

Ucat Samuelojj saraquïna: —¿Cunataquis sarnakayista, nayar jawsayasa? —sasa. Saúl reyisti saraquïnwa: —Wali llact'ataw uñjasta, filisteonacaw naya contra sayt'apjje, Diosasti apanucjjaraquituwa. Janiraquiw mayisitajjarus ist'cjjetuti, profetanac toksa ni samca toksa. Ucat jawsaysma, cunatejj lurañajjäqui uc sañamataqui —sasa.