1 Samuel 30:6 - Qullan Arunaka DC

⁶ Davidasti wali llakt'ataw jikxatasïna, jaqinakasti qalampiw juparux k'upjañ munapxäna, wawanakapar ukham apapxatapatxa taqiniw wali mayjt'atäpxäna. Ukampis Davidax Tatitu Diosaparuw katuyasïna,

Aymar Bibliia 1986

⁶ Davidasti wali llact'ataw jicjjatasiraquïna, jakenacapasti juparojj kalampiw c'upjaña munapjjaraquïna, takenisa wali mayjt'ataraquïnwa, cunatejj wawanacaparu pascatayna ucanacata. Ucampisa jupajj Tatitu Diosaparuw confiasiraquïna.

Qullan Arunaca

⁶ Davidasti wali llact'ataw jicjjatasiraquïna, jakenacapasti juparojj kalampiw c'upjaña munapjjaraquïna, takenisa wali mayjt'ataraquïnwa, cunatejj wawanacaparu pascatayna ucanacata. Ucampisa jupajj Tatitu Diosaparuw confiasiraquïna.

1 Samuel 30:6 Jak'a apnaqawi uñst'ayäwi

Génesis 32:7

7 (8) Uk ist'asinsti, Jacobux wal axsaräna, wali mayjt'atarakiw suyt'äna. Ukatsti jupampïpkäna uka jaqinaksa, ovejanaksa, vacanaksa, camellonaksa pä tamaruw jaljtayäna,

2 Samuel 17:8

Jumax askiw yattaxa, awkimampi, jaqinakapampix jan axsarir chachanakätapa, jichhasti wali q'apisitäsipkpachawa, kamisatix mä osax qallunakap apaqatax wal qhuruchaski ukhama. Ukhamarus awkimax nuwasiñ yatir jaqiwa, janiw arumax mayni jaqinakap taypin qhantatkaspati.

2 Reyes 4:27

Ukatsti Eliseon ukar purisinxa, warmix profetan kayupat qhumantasïna. Guehazí uywatasti warmir wayuqañatakiw jak'achasïna, ukampis Eliseox sänwa: —Suyt'akim, jupax wali llakt'atawa, Tatitusti janïraw kuntix jupar kamachki uk yatiykituti —sasa.

Job 13:15

Jupax jiwaykitani ukasa, sayt'asiskakïwa, ajanuy ajanuw jupan nayraqatapan sarnaqäwixat arsusï.

Salmos 116:10

Wali llakisiñan uñjaskasasa, iyawsañaxax utjaskakïnwa.

Salmos 138:3

Art'asinsma ukapachax ist'istawa, ch'am yapxatarakista.

Salmos 18:2

2 (3) Jumaw arxatirixätaxa, imantasiñaxätasa, jumaw qhispiyirixätaxa, Diosaxätasa, nayar imantir qarqaxätasa, imir jark'aqasiñaxätasa, qhispiyir ch'amaxätasa, wali amstankir imantasiñaxätasa.

Salmos 18:6

6 (7) Llakisiñaxan Tatitur art'asta, Diosaxat yanap mayista: jupasti qullan utapatpach ist'anitu; ¡arnaqasitaxax jinchupkamaw puri!

Salmos 25:17

Chuymaxax juk'ampipuniw llakisi; taqi llakinakaxat irpst'asita.

Salmos 27:14

¡Tatitur taqpach chuymamp iyawsam! ¡Ch'amañchasim, jan axsaramti! ¡Tatitur taqpach chuymamp iyawsam!

Salmos 31:24

24 (25) Tatitur suyt'irinaka, ch'amañchasipxam, jan axsarapxamti.

Salmos 42:11

11 (12) ¿Kunatarak chuym mayjt'ayasïsti? ¿Kunatarak llakthaptästi? Diosarukiw nayax suyt'ä, juparukiw yupaycharakï. ¡Jupaw Qhispiyirixaxa, Diosaxasa!

Salmos 42:5

5 (6) ¿Kunatarak chuym mayjt'ayasïsti? ¿Kunatarak llakthaptästi? Diosarukiw nayax suyt'ä, juparukiw yupaycharakï. ¡Jupaw Qhispiyirixaxa, Diosaxasa!

Salmos 42:7

7 (8) Uka manqhanakatpach ist'asi, uma waraqtaman qhuthutinakapaxa; juman apayanit lluxlla uma waraqtanakax, naya patanjam llumikipi.

Salmos 56:11

11 (12) Diosaruw taqi chuyma katuyasta, janiw kunarus axsarkti: ¿Kamacharakitan jaqisti?

Salmos 62:1

1 (2) Dios sapanak ajayuxax samarañ jikxati; qhispiyasiñaxax jupat juti.

Salmos 62:5

5 (6) Nayax Dios sapanak samarañ jikxatta, suyt'añaxax jupat juti.

Salmos 71:4

Diosaxay, ñanqha lurir jaqin amparapat qhispiyita, jaqi jiwayirin amparapata, qhuru jaqit jark'aqita,

Salmos 71:5

Tatay, jumaw nayan suyt'añaxätaxa, wayna kankañaxatpach alkatañaxätasa.

Éxodo 17:4

Moisesasti Tatituruw yanap mayïna, juparusti sänwa: —¿Kamacharakï aka jaqinakampisti? Niyapuniw qalamp k'upjas jiwayapxitu —sasa.

Proverbios 18:10

Tatitun sutipax jach'a pukarar uñtatawa, uka tuqiruw aski jaqinakax qhispiyasiñatak jalapxi.

Isaías 25:4

Jumax jan kunaninakaruw arxattaxa, khititix aynacht'atäki ukarus arxataraktawa, jan walt'añan jumaw arxattaxa lupinsa jumaw ch'iwiñcht'araktaxa. Qhuru jaqinakan samanapasti thaya pachan jach'a thayar uñtatawa,

Jeremías 16:19

Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Jonás 2:2

2 (3) akham sasa: “Tatay, llakisiñaxan jumar art'asinsma, jumasti jaysistawa. Jiwañ manqhatpach jumar art'asinsma, jumasti ist'istawa.

Números 14:10

Ukhamäkipansa, jaqinakax qalampiw jupanakar k'upjañ munapxäna. Ukapachaw Tatitun qhapaq kankañapax Tatitump Jikisiñ Carpana uñstäna, taqpach israelitanakan uñjkata,

Mateo 21:9

Jesusan nayrapa, qhipap saririnakasti, akham sasaw art'apxäna: —¡David reyin Yuqapa, qhispiyapxita! ¡Qullanäpan Tatitun sutipar jutirixa! ¡Alaxpachankir Diosay, qhispiyapxita! —sasa.

Mateo 27:22

Pilatosti jupanakarux wasitat jiskt'äna: —Ukhamax ¿kun lurañaxsa munapxta Cristo satäkis uka Jesusampixa? —sasa. Ukarux taqiniw mayak sapxäna: —¡Ch'akkatam! —sasa.

Juan 8:59

Uk ist'asinsti, Jesusarux qalamp k'upjas jiwayañ munapxäna; ukampis Jesusax jaqinak taypiruw imantasïna, ukat Tatitun utapat mistuwayxäna.

Romanos 4:18

Abrahamatakitix jan kuna suyt'añas utjkchïna ukkhaxa, iyawsatap laykuw jupan suyt'äwipax utjäna, ukhamat “walja markanakan awkipar tuküna”, kamisatix Diosax siskän ukarjama: “Jumat saraqir wawanakamax waljanïniwa” sasa.

Romanos 4:20

Jupax Diosan arsutanakapat janiw pächaskänti, jan ukasti iyawsañapax juk'ampi thurt'atänwa, ukat Diosarux yupaychäna.

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

2 Corintios 1:6

Nanakan t'aqhisiñaxax chuymachasiñampi, qhispiyasiñampi jumanakatak utjayi; Diosatix chuymachapxchistuxa, jumanakan chuymachasiñax utjañaparakiwa, jumanakan nanakjam pachpa t'aqhisiñanak wali ch'amampi t'aqhisipxañamataki.

2 Corintios 4:8

Jan walt'añanakax taqi tuqit muyuntapkchitu ukasa, janipuniw atipjayasipkti; llakisiñanakas utjkchixa, janiw ayñacht'apkti.

2 Corintios 7:5

Macedoniar purinipkta ukat aksarux janipuniw samarapkti, jan ukasti, taqi chiqan jan walt'añanakan uñjasipxta: Ch'axwañanakaw nanakar muyuntapxitu, chuyma manqhansti axsarañaraki.

Hebreos 13:6

Ukhamasti taqi iyawsañampi arsuñasawa: “Tatituw yanapt'irixaxa; janiw axsarkäti. ¿Jaqisti kunarak kamachitanisti?” sasa.

Jueces 18:25

Ukampis danita jaqinakax sapxänwa: —Jan ukham jach'at parlapxistati, ukatarak nanakat maynisa chuyma mayjt'ayasisin katuntapxiristam, ukatsti, jumasa wila masinakamas jiwarapxasmawa —sasa.

Jueces 20:22

Ukat israelitanakax Betel markaru kuttapxäna, Tatitun nayraqatapan arumkamaw jachapxarakïna, ukan jupar jiskt'apxäna, akham sasa: “Nanakan Diosaxay, ¿Benjamín ayllunkir jilanakaxarux wasitat katuntapxiristti?” sasa. Tatitusti sänwa: “Jïsa, sarasipkakim” sasa. Ukhamasti israelitanakax Tatitun arsutaparjamaw ch'amañchasipxäna, ukatsti wasitat nuwasiñatakiw wakicht'asipxäna, kawkhantix nayrïr urux nuwasipkatayna ukawjan nuwasiñataki.

1 Samuel 1:10

Anasti jacht'asisa, chuymapansa wali llakt'ataw Tatitut mayisiskäna,

1 Samuel 23:16

Mä urusti, Saúl reyin Jonatán yuqapax Hores chiqaruw Davidar uñjir saräna, jupar chuymacht'iri, Tatitur taqi chuyma katuyasiñapatak ch'amacht'iriraki.

1 Samuel 28:15

Ukat Samuelux säna: —¿Kunatakis nayar jawsayista? —sasa. Saúl reyisti sänwa: —Nayax wali llakt'ataw jikxatasta, filisteonakaw nayatakix walipun sayt'xi, Diosasti jaytanukxituwa. Janirakiw mayisitaxarux profetanak tuqsa, samka tuqsa ist'kituti. Ukat jichhax kuntix lurañaxäki uk sañamataki jawsaysma —sasa.